Эрнест Сетан-Томпсан

Эрнэст Сетан-Томпсан
Ernest Thompson Seton
Асабістыя звесткі
Імя пры нараджэнні:	Ernest Thompson
Дата нараджэння:	14 жніўня 1860(1860-08-14)
Месца нараджэння:	Саўт-Шылдс[d], South Tyneside[d], Тайн і Уір, Вялікабрытанія
Дата смерці:	23 кастрычніка 1946(1946-10-23) (86 гадоў)
Месца смерці:	Seton Village[d], Нью-Мексіка, ЗША
Грамадзянства:	ЗША Канада
Альма-матар:	Акадэмія Жуліяна
Літаратурная дзейнасць
Род дзейнасці:	пісьменнік, прыродазнавец, мастак-анімаліст
Мова твораў:	англійская мова
Узнагароды:	медаль Эліята[d] (1928) Silver Buffalo Award[d] John Burroughs Medal[d] (1927)
etsetoninstitute.org
Выявы на Вікісховішчы

Эрнест Сетан-Томпсан (англ.: Ernest Thompson Seton; 14 жніўня 1860, г. Саўт-Шылдс, Вялікабрытанія — 23 кастрычніка 1946) — канадскі пісьменнік, прыродазнавец, мастак-анімаліст.

Біяграфічныя звесткі

Скончыў каледж мастацтваў у Таронта (1879), вывучаў выяўленчае мастацтва ў Парыжы, Лондане, Нью-Ёрку. Падарожнічаў, даследаваў жыццё жывёл. Арганізатар руху следапытаў у Амерыцы.

Творчасць

Друкаваўся з 1883 года. Пісаў на англійскай мове. Аўтар больш як 40 кніг пра жывёльны свет, індзейскую і эскімоскую традыцыйную культуру. Вядомасць прынеслі праца «Жыццё дзікіх жывёл» (т. 1—8, 1925—27) і блізкія да навукова-папулярнай літаратуры аповесці, апавяданні, нарысы «Дзікія жывёлы, як я іх ведаў» (1898), «Біяграфія грызлі» (1900), «Жыцці тых, на каго палююць» (1901), «Два малыя дзікуны» (1903), «Героі-жывёлы» (1906), «Біяграфія серабрыстага ліса» (1909), «Рольф сярод лясоў» (1911), «Кніга аб лесе» (1912) і інш. Аўтар мастацкай аўтабіяграфіі «След мастака-натураліста» (1940). Сам ілюстраваў свае кнігі.

Беларускія пераклады

• Гісторыя аднаго мядзведзя. Мн., 1927;
• Лепш смерць, чым няволя. Мн., 1928;
• Рванае вушка. Мн., 1939.

Літаратура

• Баршчэўскі Л. Сетан-Томпсан // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн.: БелЭн, 2002. — 512 с.: іл. ISBN 985-11-0238-5 (т. 14), ISBN 985-11-0035-8.
• Garst D. S., Garst W. E. Thompson Seton, naturalist (англ.) . — N. Y., 1959.
• Pacey D. Creative Writing in Canada (англ.) . — Toronto, 1961.