Юзюк Фарботка

Юзюк Фарботка
Ю. Фарботка ў час навучання ў гімназіі
Асабістыя звесткі
Дата нараджэння:	5 верасня 1893(1893-09-05)
Месца нараджэння:	Налібакі
Дата смерці:	8 чэрвеня 1956(1956-06-08) (62 гады)
Месца смерці:	Лодзь, Польшча
Альма-матар:	Мінская мужчынская гімназія (1914) Кіеўскі ўніверсітэт Св. Уладзіміра (1918) Універсітэт Стафана Баторыя (1924)
Месца працы:	Віленскі ўніверсітэт
Прафесійная дзейнасць
Род дзейнасці:	паэт, перакладчык
Валодае мовамі:	беларуская
Мова твораў:	беларуская
Творы ў Вікікрыніцах
Выявы на Вікісховішчы

Юзюк Фарбо́тка (сапр.: Язэ́п Аўгусці́навіч Фарбо́тка, 5 верасня 1893, в. Налібакі, Мінскі павет, Мінская губерня (цяпер Стаўбцоўскі раён, Мінская вобласць) — 8 чэрвеня 1956, г. Лодзь) — беларускі паэт, літаратуразнавец, перакладчык, удзельнік грамадска-палітычнага руху Беларусі пачатку ХХ стагоддзя.

Біяграфія

Скончыў Мінскую класічную гімназію ў 1914 г., да 1918 года вучыўся ў Кіеўскім універсітэце. У 1916 удзельнічаў у працы клуба «Беларуская хатка». У 1918—1920 гадах уключыўся ў беларускі палітычны і культурны рух на Украіне і ў Мінску. У 1919 працаваў акцёрам у «Беларускім савецкім тэатры». Супрацоўнік літаратурна-асветніцкага аддзела Наркамасветы Літоўска-Беларускай ССР. У 1920 — адміністратар Беларускага тэатра ў Мінску.

У 1920—1924 гг. вучыўся ў Віленскім універсітэце, пасля працаваў там выкладчыкам заалогіі.

У 1922 пра Фарботку згадвае Карскі ў трэцім томе «Беларусаў».

У 1932 годзе абараніў кандыдацкую дысертацыю. Працаваў таксама ў Ваяводскай управе ў Вільні ў сельскагаспадарчым аддзяленні. Пасля вайны арыштаваны і сасланы ў Данбас. У канцы 1945 г. пасяліўся ў Лодзі.

Быў жанаты з Уладзяй (Уладзіславай) — дачкой Альберта Паўловіча.

Творчасць

Першыя вершы надрукаваў у Нашай Ніве ў 1912 годзе — «Зацьменне» і «Зруйнаваў». Пераклаў урывак Пана Тадэвуша на беларускую мову.

Займаўся мастацкай фатаграфіяй і дзейнічаў у «Віленскім фотаклубе» Яна Булгака.

Літаратура

• Юзюк Фарботка // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: БелЭн, 1992—1995.
• Календарыюм // Czasopis, 9'2008.

Спасылкі

• Сяргей Крапівін Язэп Фарботка — паэт «Нашай Нівы» і дыпламат БНР // nn.by, 02.10.2011, 00:38
• Глагоўская Лена. Юзюк Фарботка-забыты фатаграфік // на pawet.net