Юрый Сямёнавіч Бушлякоў

З пляцоўкі Вікіпедыя
Jump to navigation Jump to search
Юрый Сямёнавіч Бушлякоў
Дата нараджэння 29 мая 1973(1973-05-29)
Месца нараджэння
Дата смерці 4 чэрвеня 2013(2013-06-04) (40 гадоў)
Месца смерці
Месца пахавання
Род дзейнасці перакладчык, журналіст, мовазнавец
Месца працы
Навуковая ступень кандыдат філалагічных навук
Альма-матар

Юрый (Юрась) Сямёнавіч Бушлякоў (29 мая 1973, Мінск — 4 чэрвеня 2013[1], Мінск) — беларускі мовазнавец, журналіст і перакладчык.

Біяграфія[правіць | правіць зыходнік]

Скончыў філалагічны факультэт БДУ з чырвоным дыпломам, аспірантуру. Абараніў кандыдацкую дысертацыю (2003) на тэму «Моватворчая практыка Янкі Станкевіча (з гісторыі нармалізацыі беларускай мовы)». Працаваў выкладчыкам на кафедры сучаснай беларускай мовы БДУ (1999—2003), таксама выкладаў у Нацыянальным гуманітарным ліцэі ў Мінску, Карлавым універсітэце ў Празе. Адначасова займаўся журналістыкай, працаваў у тэлекампаніі «ФІТ» (1994—1995), на мінскім радыё «101,2» (1995—1996), у штотыднёвіку «Наша ніва» (1997), карэспандэнтам беларускай і ўкраінскай рэдакцый Польскага радыё (1997—1999), журналістам радыё «Рацыя» (1999—2002), з 1996 года (праграма «Новае пакаленне выбірае») з перапынкамі супрацоўнічаў з «Радыё Свабода», у 2003—2004 гадах вёў там аўтарскую перадачу «Жывая мова» — нататкі з культуры беларускага маўлення. Меў сына.

Кірункі навуковых інтарэсаў — феномен моўнага пурызму, пытанні нармалізацыі беларускай літаратурнай мовы, яе стылістыкі і культуры.

Адзін з сааўтараў кнігі «Беларускі клясычны правапіс» (2005, разам з В. Вячоркам, З. Санько і З. Саўкам)[2]. Таксама займаўся перакладамі, пераклаў на беларускую мову паасобныя творы Ч. Мілаша, Э. А. По, В. Гамбровіча, З. Герберта, Я. Сейферта.

Пахаваны на мінскіх Паўночных могілках.

Зноскі

  1. Ня стала Юрася Бушлякова — svaboda.org, 04 чэрвеня 2013.
  2. Беларускі клясычны правапіс. Збор правілаў. Сучасная нармалізацыя. Вільня—Менск, 2005. — 160 с.

Літаратура[правіць | правіць зыходнік]

  • Арлоў У. Імёны Свабоды. — 3-е выд., дап. — Радыё Свабодная Эўропа / Радыё Свабода, 2015. — 668 с.: іл. ISBN 978-0-929849-71-3

Спасылкі[правіць | правіць зыходнік]