Японскія астравы

Японскія астравы
яп. 日本列島
Выгляд з космасу
Характарыстыкі
Колькасць астравоў	6852
Найбуйнейшы востраў	Хонсю
Агульная плошча	377 973 км²
Найвышэйшы пункт	3 776 м
Насельніцтва	126 317 000 чал. (2019)
Шчыльнасць насельніцтва	334,2 чал./км²
Размяшчэнне
36° пн. ш. 138° у. д.
Акваторыя	Ціхі акіян
Краіна	Японія
Японскія астравы
Медыяфайлы на Вікісховішчы

Япо́нскія астравы (яп.: 日本列島, ніпон рэто) — архіпелаг у заходняй частцы Ціхага акіяна, які складаецца з 6852 астравоў (толькі 430 з іх населена) і займае плошчу 377 944 км². На тэрыторыі Японскіх астравоў месціцца дзяржава Японія. Насельніцтва - 126 351 209 чал.

Геаграфія

Японскія астравы ўяўляюць сабою тры буйныя астраўныя дугі, якія працягнуліся ад праліва Лаперуза на поўначы да невялікага архіпелага Сакісіма ў групе Рукю на поўдні. Агульная працягласць - 2896,27 км. Найбольшым па плошчы з'яўляецца востраў Хонсю (Хонда), які займае 227 962,59 км². Іншыя буйныя астравы — Хакайда (83 500 км²), Кюсю (35 640 км²), Сікоку (18 803,68 км²).

Японскія астравы пачалі фарміравацца ў выніку субдукцыі (напаўзання) тэктанічных пліт прыкладна 700 - 500 млн. гадоў таму. Працэс фарміравання працягваецца да нашага часу, суправаджаецца сталымі вулканічнымі вывяржэннямі і адкладаннямі асадкавых парод. 75% плошчы астравоў займаюць горы. Самая высокая — вулкан Фудзіяма (3776 м) на востраве Хонсю. На гэтым жа востраве месціцца самая буйная нізіна (17 000 км²). Астравы знаходзяцца ў сейсманебяспечнай зоне (гл. Сейсмічныя хвалі) Зямлі. Тут часта здараюцца землятрусы.

На самым поўдні Японіі існуюць атолы Мінаміторы і Акінаторы каралавага паходжання, аднак іх не заўсёды далучаюць да Японскага архіпелага.

Спіс астравоў

Ніжэй у табліцы пералічаны найбольш важныя астравы і астраўныя групы Японіі:

Назва	Плошча, км²	Геаграфічныя каардынаты
Хонсю	227 962,59	36°18′45″ пн. ш. 138°44′15″ у. д.
Садо	855,26	38°02′23″ пн. ш. 138°22′47″ у. д.
Хакайда	83 500	43°04′ пн. ш. 141°54′ у. д.
Сікоку	18 803,68	33°45′ пн. ш. 133°30′ у. д.
Кюсю	35 640	33°00′ пн. ш. 131°00′ у. д.
Цусіма	696,3	34°25′00″ пн. ш. 129°19′37″ у. д.
Ікі	138,5	33°47′ пн. ш. 129°43′ у. д.
Рукю	4 642,11	26°30′ пн. ш. 128°00′ у. д.
Ідзу¹	303,39	34°44′ пн. ш. 139°24′ у. д.
Агасавара¹	73	27°10′ пн. ш. 142°12′ у. д.
Кадзан¹	30	24°46′ пн. ш. 141°18′ у. д.
Окі	346,1	36°09′ пн. ш. 133°10′ у. д.
Хекура	0,55	37°51′00″ пн. ш. 136°55′04″ у. д.
Рэбун	80	45°21′ пн. ш. 141°01′ у. д.
Рысіры	182,11	45°11′ пн. ш. 141°15′ у. д.
Акусіры	142,97	42°08′57″ пн. ш. 139°28′02″ у. д.
Ягісіры	5,34	44°26′ пн. ш. 141°24′ у. д.
Тэўры	5,5	44°25′ пн. ш. 141°18′ у. д.

¹Часам аб'ядноўваюцца ў групу астравоў Нампо

Насельніцтва

Японскі архіпелаг — адно з самых шчыльна населеных месцаў на Зямлі. Паводле ацэнкі 2013 г., на ім жыло 127 253 075 чал. (334,5 чал./км²). Этнічны склад насельніцтва амаль аднародны. 99,4% ад усіх насельнікаў Японіі — гэта карэнныя жыхары, японцы. Карэнным этнасам Хакайда таксама з'яўляюцца айны. На астравах Агасавара жывуць еўрапейска-палінезійскія крэолы. Невялікую частку гарадскога насельніцтва прадстаўляюць выхадцы з іншых краін, пераважна карэйцы.

Галерэя

• 
  Япо́нскія астравы
• 
  Узбярэжжа вострава Хакайда
• 
  Вулканічны хрыбет на востраве Кюсю
• 
  Кратэрнае возера на востраве Хонсю
• 
  Пейзаж на востраве Сікоку
• 
  Штучныя астравы ў Такійскім заліве

Спасылкі

• Formation history of the Japanese Islands(недаступная спасылка)
• Amanda Briney, Islands of Japan. Geography of the Four Major Islands of Japan Архівавана 15 мая 2013.
• Climate information for Japan