Ягор Віктаравіч Лебядок

Дадаць спасылкі
З Вікіпедыі, свабоднай энцыклапедыі
(Пасля перасылкі з Я. В. Лебядок)
Ягор Віктаравіч Лебядок
Род дзейнасці эксперт, фізік
Дата нараджэння 17 красавіка 1982(1982-04-17) (42 гады)
Месца нараджэння
Месца працы
Альма-матар
Сайт lebiadok.by

Ягор Віктаравіч Лебядок (нар. 17 красавіка 1982, Смалявічы) — беларускі ваенна-палітычны аглядальнік, фізік. Аўтар Telegram-канала пра ваенную бяспеку Беларусі, палітычны зняволены.

Біяграфія[правіць | правіць зыходнік]

Вучыўся ў Сярэдняй школе № 1 імя В. Ф. Купрэвіча ў Смалявічах. Скончыў фізічны факультэт Беларускага дзяржаўнага ўніверсітэта ў 2004 годзе[1].

У 2004—2005 гадах працаваў інжынерам-тэхнолагам у ААТ «Інтэграл» (РУП «Завод Транзістар»). У 2005—2007 гадах праходзіў службу афіцэрам па прызыве ў 120-й Рагачоўскай асобнай механізаванай брыгадзе Узброеных Сіл Рэспублікі Беларусь на пасадзе камандзіра ўзвода.

З 2008 года малодшы навуковы супрацоўнік Інстытуце фізікі НАН Беларусі, з 2011 года — намеснік загадчыка лабараторыі оптаэлектронікі і галаграфіі[2].

У 2010—2012 гадах вывучаў «Інвестыцыйны менеджмент» у Інстытуце бізнесу і менеджменту тэхналогій БДУ, перападрыхтоўка на базе вышэйшай адукацыі[3]. У 2014 годзе абараніў дысертацыю «Аптымізацыя параметраў лазерных дыёдных лінеек на аснове гетэраструктур InGaAs/AlGaAs для напампоўкі эрбіевых лазераў» на саісканне вучонай ступені кандыдата фізіка-матэматычных навук[4].

У 2010 годзе абраны дэпутатам Смалявіцкага раённага Савета дэпутатаў 26-га склікання ад Жодзінскай выбарчай акругі № 1[5], кадэнцыя скончылася ў 2014 годзе. Для працы з выбаршчыкамі стварыў адмысловы сайт lebiadok.by.

З 2016 года працаваў загадчыкам лабараторыі оптыка-электроннага прыборабудавання ў Дзяржаўным навукова-вытворчым аб’яднанні «Оптыка, оптаэлектроніка і лазерная тэхніка» Нацыянальнай акадэміі навук Беларусі. У 2017 годзе завочна атрымаў другую вышэйшую адукацыю ў Акадэміі кіравання пры Прэзідэнце Рэспублікі Беларусь па спецыяльнасці «Дзяржаўнае кіраванне і права»[6].

У 2019 годзе стварыў Тэлеграм-канал @Lebiadok — незалежны канал пра ваенную бяспеку Рэспублікі Беларусь.

У 2020 годзе падпісаў Зварот прадстаўнікоў навуковай грамадскасці Рэспублікі Беларусь у сувязі з падзеямі, якія адбыліся пасля 9 жніўня 2020 года.[7]

Неўзабаве пасля выхаду ў газеце «СБ. Беларусь сегодня» артыкула «Кто опаснее, уличный отморозок или интеллектуальный? Оба»[8] звольнены з Дзяржаўнага навукова-вытворчага аб’яднання «Оптыка, оптаэлектроніка і лазерная тэхніка»[9].

У 2022 годзе стаў фігурантам крымінальнай справы. Згодна з яе матэрыяламі справы, Ягор Лебядок у красавіку і траўні 2022 года «ў мэтах забеспячэння дзейнасці публічнага дэструктыўнага канала, інфармацыйную прадукцыя якога суд прызнаў экстрэмісцкімі матэрыяламі, даў інтэрв'ю прадстаўніку названага канала на тэму правядзення ўзброенымі сіламі РФ спецыяльнай ваеннай аперацыі на тэрыторыі Украіны і ролі ў ёй Беларусі». 23 снежня ў Мінскім абласным судзе вынеслі прысуд Ягору Лебядку паводле ч. 1 і ч. 2 арт. 361-4 (садзейнічанне экстрэмісцкай дзейнасці). Суддзя Алена Міснік прызначыла яму 5 гадоў пазбаўлення волі ў калоніі ва ўмовах узмоцненага рэжыму[10].

Навукова-даследчыцкая дзейнасць, публіцыстыка[правіць | правіць зыходнік]

Аўтар 34 артыкулаў у часопісах і зборніках канферэнцый па фізіцы паўправаднікоў, лазернай фізіцы і оптаэлектроніцы[11]

Як ваенна-палітычны аглядальнік з’яўляецца аўтарам артыкулаў і каментарыяў па ваеннай бяспецы і палітыцы ў Беларусі і ўсходнееўрапейскім рэгіёне для шэрагу СМІ і выданняў: Zerkalo.io[12], Наша Ніва[13], Радыё Свабода[14], Еўрарыдыё[15], Bloomberg[16], The Wall Street Journal[17] ды іншых.

Узнагароды[правіць | правіць зыходнік]

  • Лаўрэат стыпендыі Прэзідэнта Рэспублікі Беларусь на 2016 год таленавітым маладым вучоным кандыдатам навук да 35 гадоў[18].

Зноскі

  1. ↑ http://kraism.by/archive/574-kandidaty-v-deputaty.html
  2. ↑ http://kraism.by/archive/574-kandidaty-v-deputaty.html
  3. ↑ http://unicat.nlb.by/opac/pls/dict.prn_ref?tu=r&tq=v0&name_view=va_all&a001=BY-SEK-ar6938185&strq=l_siz=20
  4. ↑ Лебедок Егор
  5. ↑ ТЕБЕ СЛОВО, ДЕПУТАТ — Газета «Край смалявіцкі»
  6. ↑ https://www.linkedin.com/in/yahorlebiadok/
  7. ↑ https://scienceby2020.github.io
  8. ↑ https://www.sb.by/articles/v-ogorode-lebeda-mukovoz.html
  9. ↑ Из Академии наук Беларуси уволили Егора Лебедка | Новости Беларуси | euroradio.fm
  10. ↑ t.me/viasna96
  11. ↑ Scopus preview — Lebiadok, Yahor V. — Author details — Scopus
  12. ↑ Кризис на границе может привести к реальному вооруженному конфликту? Спросили у военного эксперта
  13. ↑ Егор Лебедок: Заявление Лукашенко насчет размещения у нас ядерного оружия как минимум запоздалое
  14. ↑ «Правадыр апэрацыі расейскага ўплыву на Беларусь — сам Лукашэнка»
  15. ↑ Euroradio-Live — YouTube
  16. ↑ Belarus Accuses Russian Mercenaries of Election Plot, Detains 33
  17. ↑ Russia, Belarus Agree on Economic Integration Pacts — WSJ
  18. ↑ http://gazeta-navuka.by/images/electronic-catalog/04.01.16.pdf

Спасылкі[правіць | правіць зыходнік]

Узята з "https://be.wikipedia.org/w/index.php?title=Ягор_Віктаравіч_Лебядок&oldid=4301909"