Ігар Міхайлавіч Дабралюбаў

Ігар Міхайлавіч Дабралюбаў
руск.: Игорь Михайлович Добролюбов
Дата нараджэння	22 кастрычніка 1933(1933-10-22)
Месца нараджэння	Новасібірск, СССР
Дата смерці	19 ліпеня 2010(2010-07-19) (76 гадоў)
Месца смерці	Мінск, Беларусь
Месца пахавання	Усходнія могілкі
Грамадзянства	СССР  Беларусь
Адукацыя	факультэт журналістыкі БДУ Усерасійскі дзяржаўны ўніверсітэт кінематаграфіі імя С. А. Герасімава
Месца працы	Беларускі дзяржаўны акадэмічны тэатр юнага гледача Беларусьфільм Інстытут сучасных ведаў імя А. М. Шырокава
Прафесія	акцёр, кінарэжысёр
Узнагароды
IMDb	0229805

І́гар Міха́йлавіч Дабралю́баў (22 кастрычніка 1933, Новасібірск — 19 ліпеня 2010, Мінск) — беларускі рэжысёр, сцэнарыст.

Біяграфія

Скончыў факультэт журналістыкі Беларускага дзяржаўнага ўніверсітэта (1956), рэжысёрскі факультэт УДІК (1963, майстэрня М. Рома). У 1956—1958 гадах — акцёр Беларускага рэспубліканскага тэатра юнага гледача.

У 1963 годзе ўступіў у КПСС.

З 1963 года — рэжысёр кінастудыі «Беларусьфільм». З 1992 па 2006 год працаваў у Мінскім інстытуце сучасных ведаў загадчыкам кафедры (з 1993 года – прафесар).

Рэжысёр фільмаў «Іду шукаць» (1966), «Іван Макаравіч» (1968), «Таму што кахаю» (1974), «Па сакрэту ўсяму свету» (1976), «Расклад на паслязаўтра» (1978), «Дзіўныя прыгоды Дзяніса Караблёва» (1979), «Белыя росы» (1983), «Мама, я жывы!» (1985), «Восеньскія сны» (1987), «Плач перапёлкі» (1990), «Эпілог» (1994).

Зняўся ў фільмах «Любімая» (1965), «Шчасце трэба берагчы», «Дзевяць дзён аднаго году».

Заслужаны дзеяч мастацтваў БССР (1974). Народны артыст БССР (1985). Лаўрэат прэміі ЦК ЛКСМ БССР у галіне кінамастацтва (1970, за фільм «Іван Макаравіч»). Узнагароджаны Срэбным медалём імя А. Даўжэнкі (1976, за фільм «Братушка»).

Літаратура

• Дабралюбаў Ігар Міхайлавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 257. — 800 с. — 5 000 экз. — ISBN 985-11-0026-9.
• Дарашчонак Т. Памёр вядомы кінарэжысёр, акцёр і сцэнарыст Ігар Дабралюбаў // БелаПАН / Грамадства. 21.07.2010, 12:50.

Спасылкі

• Дабралюбаў Ігар Міхайлавіч на сайце анлайн-энцыклапедыі «Беларусь у асобах і падзеях»