Палау

Палау
Beluu er a Belau

Сцяг Палау Герб Палау
Гімн: «Belau loba klisiich er a kelulul»
Дата незалежнасці	1 кастрычніка 1994 (ад ЗША)
Афіцыйныя мовы	англійская, Палаўанская мова і японская мова
Сталіца	Нгерулмуд
Форма кіравання	Прэзідэнцкая рэспубліка
Прэзідэнт Віцэ-прэзідэнт	Томас Рэменгесау Антоніа Белс
Плошча • Усяго	180-я ў свеце 458 км²
Насельніцтва • Ацэнка (2008) • Шчыльнасць	21 000 чал. (214-я) 43 чал./км²
Валюта	Долар США
Інтэрнэт-дамен	.pw
Код ISO (Alpha-2)	PW
Код ISO (Alpha-3)	PLW
Код МАК	PLW
Тэлефонны код	+680
Часавыя паясы	+9

Карта

Рэспубліка Палау — астраўная дзяржава ў Філіпінскім моры Ціхага акіяна, размешчанае ў 800 км на ўсход ад Філіпін і да поўначы ад Інданезіі.

Складаецца з 328 астравоў, агульнай плошчай 458 кв. км.

Паводле дадзеных перапісу 1998 года, насельніцтва краіны складала каля 18,1 тыс. чалавек (у 2008 г. — 20,9 тыс.).

Асноўная рэлігія — хрысціянства (каталікі і пратэстанты). Каля 10 % насельніцтва вызнаюць мясцовыя вераванні.

Сталіца краіны — Нгерулмуд.

Нягледзячы на малыя памеры плошчы, краіна складаецца з 16 штатаў.

Кіраўнік выканаўчай улады — прэзідэнт, заканадаўчы орган — двухпалатны нацыянальны заканадаўчы сход (сенат і палата дэлегатаў).

Сярэдняя тэмпература на астравах — 24-28 градусаў Цэльсія.

Гісторыя

Асноўны артыкул: Гісторыяы Палау

Група астравоў, на якіх размешчана Палау, у 1534 г. адкрыта іспанцамі, пасля чаго яна больш за 350 гадоў афіцыйна заставалася пад уладай Іспаніі. З 1899 г. калонія Германіі. У 1914 г. акупіравана японскімі войскамі, пасля 1-й сусветнай вайны з 1919—1920 гг. падмандатная тэрыторыя Японіі. Летам 1944 г. у 2-ю сусветную вайну занята амерыканскімі войскамі, з 1947 г. частка «падапечнай тэрыторыі Ціхаакіянскіх астравоў» пад кіраваннем ЗША. У 1981 г. у рамках амерыканскага апякунскага кіравання атрымала ўнутраную аўтаномію як «Рэспубліка Палау». З 9 верасня 1993 г. «свабодна асацыіраваная» з ЗША дзяржава тэрмінам на 50 гадоў. 1 кастрычніка 1994 г. абвешчана незалежнасць (спынена апека ЗША); у распараджэнні ЗША засталіся абарона Палау (Палау не мае ўласныз ўзброенных сіл), фінансы, замежныя справы.