Джонстан (атол)

Джонстан
англ.: Johnston Atoll
Характарыстыкі
Плошча	2,67 км²
Насельніцтва	0 чал. (2018)
Размяшчэнне
16°45′00″ пн. ш. 169°31′00″ з. д.
Медыяфайлы на Вікісховішчы

Атол Джо́нстан (англ.: Johnston Atoll) — незаселены атол у Ціхім акіяне, які належыць Злучаным Штатам Амерыкі. Плошча складае 2,67 км². Знаходзіцца за 717 марскіх міль на паўднёвы захад ад Ганалулу. У склад атола ўваходзяць чатыры астравы, самы вялікі з якіх — востраў Джонстана. Клімат экватарыяльны, вільготны. На атоле жывуць шматлікія марскія птушкі. Маюцца радовішчы гуана.

Атол Джонстан

Атол Джонстан на карце

Шмат гадоў атол быў важнай часткай амерыканскай сістэмы абароны Ціхага акіяна. І ў нашы дні востраў кіруецца Агенцтвам атамнай абароны ЗША.

Атол Джонстан

Неафіцыйны сцяг Джонстана

Гісторыя

У 1858 годзе ЗША і Каралеўства Гаваі анексіравалі атол Джонстана, аднак толькі ЗША займаліся тут здабычай гуана да канца 1880-х гг. У 1926 годзе астравы Джонстана і Сэнд былі абвешчаныя прыроднай рэзервацыяй. У 1934 годзе на атоле з’явілася база ваенна-марскога флоту ЗША, а потым тут размясціліся ваенна-паветраныя сілы ЗША. У 1950-х і 1960-х гг. тут праводзіліся ядзерныя выпрабаванні.

Да 2000 года атол выкарыстоўваўся для захавання і пахавання хімічнай зброі.

Спасылкі

• На Вікісховішчы ёсць медыяфайлы па тэме Джонстан (атол)