Герб Малайзіі

Герб Малайзіі

Герб Малайзіі — дзяржаўны герб Малайзіі зацверджаны ў 1965 годзе.

Апісанне

Герб Малайзіі адлюстроўвае двух тыграў, якія стаяць на задніх лапах — сімвал адвагі і сілы. Кожны з іх адной лапай абапіраецца на жоўтую стужку з дэвізам на малайскай мове «У адзінстве — сіла» (дэвіз паўтораны двойчы: на лацінцы і на «Джаве»), а іншымі падтрымлівае шчыт. Над шчытом — жоўтыя паўмесяц і зорка з 14 роўнымі прамянямі. На шчыце зверху — пяць нацыянальных кінжалаў — крысаў — сімвал пяці былых нефедэраваных малайскіх княстваў (Джахор, Кедах, Перліс, Келантан, Трэнгану). Злева на шчыце — арэкавая пальма і выява моста над вадой — сімвал штата Пенанг, справа — дрэва малака — сімвал штата Малака, якія раней уваходзілі ў калонію Стрэйтс-Сэтлментс. У цэнтры — злева направа аднолькавыя па памеры чырвоны, чорны, белы і жоўты прастакутнікі — колеры былых федэраваных малайскіх княстваў: чорны і белы — Паханга, чырвоны і жоўты — Селангор, чорны, белы і жоўты — Перак, чырвоны, чорны і жоўты — Негеры-Сембелан. Унізе злева — сімвал штата Сабах, справа — выява птушкі-насарога — сімвал штата Саравак, паміж імі — нацыянальная кветка гібіскус.

Гістарычныя гербы

• (1895—1946)
  (1895—1946)
• 
  (1946—1963)
• 
  (1963—1965)
• 
  (1965—)