Навасады (Брэсцкі раён)

Вёска Навасады Краіна Беларусь Вобласць Брэсцкая Раён Брэсцкі Сельсавет Дамачаўскі Каардынаты 51°42′21″ пн. ш. 23°45′05″ у. д. Насельніцтва 77 чалавек (2005) Часавы пояс UTC+3 Тэлефонны код +375 162 Аўтамабільны код 1 СААТА 1212805051 Навасады на карце Беларусі ±

Наваса́ды (трансліт.: Navasady, руск.: Новосады) — вёска ў Брэсцкім раёне Брэсцкай вобласці. Уваходзіць у склад Дамачаўскага сельсавета. Размешчаны за 59 км на поўдзень ад Брэста, за 18 км ад чыгуначнай станцыі Дубіца.

У складзе адкрытага акцыянернага таварыства «Брэстрайаграсэрвіс» (цэнтр — гарадскі пасёлак Дамачава).

Гісторыя

У XIX стагоддзі вёска ў Брэсцкім павеце Гродзенскай губерні. У 1868 годзе ў складзе маёнтка Мутвіцы Олтушскай воласці. З 1892 года яго ўладальнікам быў Дз. Лабачоў, які вызначаўся жорсткімі адносінамі да сваіх сялян. Толькі за 1896 год ён узбудзіў супраць іх 237 спраў.

Паводле Рыжскага мірнага дагавора 1921 года ў складзе Польскай Рэспублікі, у Олтушскай гміне Брэсцкага павета Палескага ваяводства.

З 1939 года ў складзе БССР. У Вялікую Айчынную вайну гітлераўцы знішчылі 37 двароў, загубілі 7 жыхароў; 7 вяскоўцаў загінулі на фронце, 1 — у партызанах.

Да 18 снежня 1972 года ў складзе Чэрскага сельсавета, у 1972—2013 гадах у складзе Дамачаўскага пассавета.

Насельніцтва

• 42 жыхары (1868)
• 163 жыхары (1905)
• 19 двароў, 111 жыхароў (1921)
• 38 двароў, 206 жыхароў (1941)
• 27 гаспадарак, 31 жыхар (1997)
• 38 гаспадарак, 77 жыхароў (2005)

Літаратура

• Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх