Ляплёўка

З пляцоўкі Вікіпедыя
Jump to navigation Jump to search
Вёска
Ляплёўка
Monument Domachevo.jpg
Краіна
Вобласць
Раён
Сельсавет
Каардынаты
Насельніцтва
508 чалавек (2005)
Часавы пояс
Тэлефонны код
+375 162
Паштовы індэкс
225020
Аўтамабільны код
1
SOATO
1 212 755 041
Ляплёўка на карце Беларусі ±
Ляплёўка (Беларусь)
Ляплёўка
Ляплёўка (Брэсцкая вобласць)
Ляплёўка

Ляплёўка[1] (трансліт.: Liaplioŭka, руск.: Леплёвка) — вёска ў Брэсцкім раёне Брэсцкай вобласці. Уваходзіць у склад Дамачаўскага сельсавета. Размешчана за 42 км на поўдзень ад Брэста, на р. Капаеўка (прыток р. Заходні Буг), на аўтадарозе БрэстТамашоўка.

У складзе адкрытага акцыянернага таварыства «Брэстрайаграсэрвіс» (цэнтр — г.п. Дамачава).

Гісторыя[правіць | правіць зыходнік]

У 19 стагоддзі вёска ў Брэсцкім павеце Гродзенскай губерні. Уваходзіла ў маёнтак Дамачава, якім валодаў князь Вітгенштэйн; 196 мужчын, 108 жанчын. У 1875 годзе ў вёсцы быў пабудаваны з цэглы сядзібны дом, акружаны пейзажным паркам плошчай 7 га. У 1886 годзе працавалі вадзяны млын і лесапільня. У 1890 годзе сяляне вёскі ў Клейнікаўскім сельскагаспадарчым таварыстве, якое мела 368,7 дзес. зямлі. У 1897 годзе дзейнічала школа граматы, хлебазапасны магазін, 2 вадзяныя млыны, карчма.

Паводле Рыжскага мірнага дагавора 1921 года ў складзе Польшчы, у Дамачаўскай гміне Брэсцкага павета Палескага ваяводства. У ліпені 1933 года ў вёсцы адбылося выступленне сялян супраць падатковага прыгнёту.

З 1939 года ў складзе БССР. У 1940 годзе ў складзе Дамачаўскага раёна, цэнтр сельсавета. У Вялікую Айчынную вайну фашысты знішчылі 54 двары, загубілі 15 мірных жыхароў; 25 вяскоўцаў загінулі на фронце, 3 — у партызанах.

23 верасня 1942 года гітлераўцы вывезлі з Дамачаўскага дзіцячага дома 55 дзяцей разам з выхавацельніцай П. Грахольскай і расстралялі іх каля в. Ляплёўка.

У 1956 годзе аднесена да Брэсцкага раёна ў сувязі з ліквідацыяй Дамачаўскага раёна. Да 1957 года цэнтр Ляплёўскага сельсавета[2]. З 1959 года ў складзе саўгаса «Дамачаўскі».

Насельніцтва[правіць | правіць зыходнік]

  • 178 двароў, 1009 жыхароў (1876)
  • 51 двор, 614 жыхароў (1886)
  • 149 двароў, 808 жыхароў (1897)
  • 870 жыхароў (1905)
  • 22 двары, 162 жыхары (1921)
  • 220 двароў, 460 жыхароў (1940)
  • 741 жыхар (1970)
  • 229 гаспадарак, 564 жыхары (1997)
  • 208 гаспадарак, 508 жыхароў (2005)

Інфраструктура[правіць | правіць зыходнік]

  • Базавая школа

Славутасці[правіць | правіць зыходнік]

Зноскі

  1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU). Сустракаецца таксама варыянт Лыплі́ўка, Лупле́ўка
  2. Решение Исполнительного комитета Брестского областного Совета народных депутатов от 3 июня 1957 г. № 344 О частичном изменении в административно-территориальном делении сельских Советов Брестского и Пинского районов и Домачевского поселкового Совета Брестского района

Літаратура[правіць | правіць зыходнік]

  • Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

Спасылкі[правіць | правіць зыходнік]