Барысы (Брэсцкі раён)

Вёска Барысы Краіна Беларусь Вобласць Брэсцкая Раён Брэсцкі Сельсавет Дамачаўскі Каардынаты 51°44′05″ пн. ш. 23°34′34″ у. д. Насельніцтва 380 чалавек (2005) Часавы пояс UTC+3 Тэлефонны код +375 162 Паштовыя індэксы 225021 Аўтамабільны код 1 СААТА 1212805011 Барысы на карце Беларусі ±

Барысы на Вікісховішчы

Барысы́ (трансліт.: Barysy, руск.: Борисы) — вёска ў Брэсцкім раёне Брэсцкай вобласці. Уваходзіць у склад Дамачаўскага сельсавета. Размешчаны за 54 км на поўдзень ад Брэста, за 11 км ад чыгуначнай станцыі Дубіца.

У складзе адкрытага акцыянернага таварыства «Брэстрайаграсэрвіс» (цэнтр — г.п. Дамачава).

Гісторыя

У XIX стагоддзі невялікая вёска ў Брэсцкім павеце Гродзенскай губерні. Уваходзіла ў склад маёнтка Дамачава. Паводле матэрыялаў 1858 года ўласнасць князёў Вітгенштэйнаў. У 1870 годзе адносілася да Падлужскай сельскай грамады. У 1897 годзе прыселак, працавала карчма.

Паводле Рыжскага мірнага дагавора 1921 года ў складзе Польскай Рэспублікі, у Дамачаўскай гміне Брэсцкага павета Палескага ваяводства.

З 1939 года ў складзе БССР, у калгасе «Беларусь» (цэнтр — г.п. Дамачава). У Вялікую Айчынную вайну загінулі 9 вяскоўцаў, 3 прапалі без вестак.

Да 8 верасня 1959 года ў складзе Ліпінкаўскага сельсавета.

Насельніцтва

• 14 сялянскіх душ (1858)
• 27 двароў, 176 жыхароў (1897)
• 18 жыхароў (1905)
• 26 двароў, 114 жыхароў (1921)
• 310 жыхароў (1950)
• 274 жыхары (1970)
• 124 гаспадаркі, 380 жыхароў (2005)

Вядомыя асобы

• Лідзія Іванаўна Асіюк (1920—1984) — беларуская даярка. Герой Сацыялістычнай Працы (1958).
• Галіна Фёдараўна Скакун (1943—2022) — Герой Сацыялістычнай Працы.

Літаратура

• Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

Спасылкі

• На Вікісховішчы ёсць медыяфайлы па тэме Барысы (Брэсцкі раён)