Фларыян Зелер

Фларыян Зелер
фр.: Florian Zeller
Дата нараджэння	28 чэрвеня 1979(1979-06-28) (45 гадоў)
Месца нараджэння	Парыж, рэгіён Іль-дэ-Франс, Метраполія Францыі, Францыя
Грамадзянства	Францыя
Жонка	Marine Delterme[d]
Адукацыя	Парыжскі інстытут палітычных даследаванняў[d]
Месца працы	Парыжскі інстытут палітычных даследаванняў[d]
Прафесія	пісьменнік, сцэнарыст, кінарэжысёр, драматург, рэжысёр, раманіст
Кірунак	тэатр
Узнагароды	Molière Awards[d] Інтэралье[d] (2004) Еўрапейская кінапрэмія найлепшаму еўрапейскаму сцэнарысту (2021)
IMDb	ID 1725469
Медыяфайлы на Вікісховішчы

Фларыян Зелер (фр.: Florian Zeller, нар. 28 чэрвеня 1979, Парыж) — французскі пісьменнік, драматург, сцэнарыст, рэжысёр.

Біяграфія

Нарадзіўся 28 чэрвеня 1979 года ў Парыжы ў сям’і аўстрыйца і францужанкі. Вырас у Брэтані, выхоўваўся бабуляй.

У 2001 годзе скончыў Інстытут палітычных даследаванняў. Ва ўзросце 22 гадоў апублікаваў дэбютны раман «Штучны снег», які атрымаў пахвалу літаратурных крытыкаў. Наступныя раманы «Выпадковыя сувязі» (2003) і «Чароўнасць зла» (2004) прынеслі аўтару сусветную вядомасць і статус аднаго з самых папулярных французскіх пісьменнікаў.

У 2004 годзе пачаў працаваць у тэатры і напісаў першую п’есу «Іншыя». Атрымаў поспех як драматург: спектаклі паводле яго п’ес ставяцца на найбуйнейшых тэатральных пляцоўках свету. Найбольш вядомы дзякуючы п’есе «Бацька», якая легла ў аснову аднайменнага фільма (2020). Сам заняў рэжысёрскае крэсла на здымках экранізацыі, адзначанай прэміямі «Оскар», «BAFTA» і «Гоя».