Юрый Уладзіміравіч Азаронак

Юрый Уладзіміравіч Азаронак
руск.: Юрий Владимирович Азарёнок
Намеснік старшыні НДТРК РБ 2 чэрвеня 2005 — 13 чэрвеня 2008
Прэзідэнт	Аляксандр Лукашэнка
Загадчык літаратурна-драматычнай рэдакцыі НДТРК РБ 2000 — 2003
Прэзідэнт	Аляксандр Лукашэнка
Нараджэнне	27 лютага 1965(1965-02-27) (59 гадоў) Рудня, Езярышчанскі сельсавет, Гарадоцкі раён, Віцебская вобласць, БССР, СССР
Дзеці	Рыгор Юр’евіч Азаронак
Партыя	Славянскі сабор Белая Русь
Адукацыя	Беларуская дзяржаўная акадэмія мастацтваў
Месца працы	Беларусьфільм Нацыянальная дзяржаўная тэлерадыёкампанія Рэспублікі Беларусь
Узнагароды	Прэмія «За духоўнае адраджэнне» Спецыяльная прэмія Прэзідэнта Рэспублікі Беларусь дзеячам культуры і мастацтва

Ю́рый Уладзі́міравіч Азаро́нак — беларускі журналіст, рэжысёр і грамадскі дзеяч. Аўтар найболей адыёзных фільмаў аб апазіцыі. Працаваў намеснікам старшыні Белтэлерадыёкампаніі і ў прэс-службе пракуратуры РБ.

Біяграфія

У пачатку 1990-х гадоў уступіў у Славянскі Сабор «Белая Русь». Стаў папулярны пасля таго, як у 1995 годзе зняў дакументальны фільм «Нянавісць: дзеці хлусні», у якім правёў параўнальнае апісанне калябарацыяністаў часоў Вялікай Айчыннай вайны і сучасных беларускіх нацыяналістаў. Фільм быў паказаны напярэдадні рэферэндума 1995 года і выклікаў вялікі рэзананс у грамадстве. У 1996 годзе здымае фільм «Закуліса» аб сувязі беларускай апазіцыянераў з замежнымі палітычнымі і фінансавымі сіламі.

У 2000 годзе стаў загадчыкам літаратурна-драматычнай рэдакцыяй Нацыянальнай дзяржаўнай тэлерадыёкампаніі.

Напярэдадні прэзідэнцкіх выбараў 2001 года стварыў дакументальны серыял «Таемныя спружыны палітыкі», у якім асвятляў дзейнасць апазіцыі і розных замежных фондаў і цэнтраў у негатыўным ключы. Пасля прэзідэнцкіх выбараў — кіраўнік інфармацыйнага аддзела Беларускага патрыятычнага саюза моладзі.

У красавіку 2003 года прызначаны прэс-сакратаром Генеральнай пракуратуры Беларусі.

2 чэрвеня 2005 года ўказам прэзідэнта А. Лукашэнкі прызначаны намеснікам старшыні Нацыянальнай дзяржаўнай тэлерадыёкампаніі Беларусі. 13 чэрвеня 2008 года ўказам прэзідэнта № 331 вызвалены ад гэтай пасады. Як сказанае ў дакуменце, Азаронак вызвалены ад пасады «за здзяйсьненне правіны, несумяшчальнай са знаходжаннем на дзяржаўнай службе».

Юрый Азаронак лічыцца прыхільнікам Віктара Шэймана, наймоцнага беларускага палітыка ў асяроддзі Лукашэнкі, прыхільніка цвёрдых і радыкальных дзеянняў. У красавіку 2006 года за актыўную падтрымку прэзідэнта Юрыю Азаронку быў забаронены ўезд у ЗША і краіны Еўрасаюза.

Асабістае жыццё

Сын Рыгор Азаронак працуе карэспандэнтам на беларускім тэлеканале «СТБ».

Узнагароды

• Прыз Парламенцкага Сходу Саюза Беларусі і Расіі «За пэўнасць маральным ідэалам у кінамастацтве» за фільм «Духоўная вайна» (2006);
• Прэмія прэзідэнта «За духоўнае адраджэнне» за стварэнне аўтарскай тэлепраграмы «Канспіралогія» (2005).

Спасылкі

• Азаренка опять бьют по лицу (руск.)
• Профіль на праекце «Хто ёсць хто ў РБ» Архівавана 17 верасня 2014. (руск.)