Горад Брысталь

У гэтага паняцця ёсць і іншыя значэнні, гл. Брысталь, значэнні.

Горад, цырыманіяльнае графства, унітарная адзінка

Брысталь
англ.: Bristol

Каардынаты: 51°27′00″ пн. ш. 2°35′00″ з. д. / 51.45° пн. ш. 2.583333° з. д. ^(G) ^(O) ^(Я)51.45, -2.58333351°27′00″ пн. ш. 2°35′00″ з. д. / 51.45° пн. ш. 2.583333° з. д. ^(G) ^(O) ^(Я)

Краіна	Вялікабрытанія
Рэгіён	Паўднёва-Заходняя Англія
Плошча	110 км²
Вышыня цэнтра	11 м
Насельніцтва (2007)	416 400 чалавек
Часавы пояс	UTC0, улетку UTC+1
Тэлефонны код	0117
Паштовы індэкс	BS
Афіцыйны сайт	http://www.bristol-city.gov.uk/ (англ.)

Брысталь

Брысталь на Вікісховішчы

Брысталь або Брыстал (англ.: Bristol) — горад у Англіі, унітарная адзінка са статусам "сіці" і цырыманіяльнае графства, порт ў Паўднёва-Заходняй Англіі ў Вялікабрытаніі, на рацэ Эйване, недалёка ад яе ўпадзення ў Брыстальскі заліў Атлантычнага акіяна.

Цырыманіяльнае графства Брысталь не падзелена на раёны (унітарнае), і ўтворана 1 красавіка 1996 года з раёна былога неметрапольнага графства Эйван.

Геаграфія [правіць]

Займае плошчу 110 км², абмываецца на паўночным захадзе Брыстальскім залівам, на поўначы мяжуе з цырыманіяльным графствам Глостэршыр, на поўдні - з цырыманіяльным графствам Сомерсет. Стары горад размешчаны на правым беразе ракі Эйван, а прыгарады Рэдкліф і Кліфтан - на крутых ўзвышшах левага берага.

Гісторыя [правіць]

На месцы Брысталя ў часы Рымскай імперыі існаваў ваенны лагер Абона, ад якога да Бату вяла брукаваная дарога. Пасля засялення Брытаніі англамі мястэчка было пераназвана ў Brycgstow, што значыць «месца ля моста». У XI стагоддзі пераправа праз Эйване была ўмацавана нарманскімі феадаламі, якія ўзвялі тут адзін з самых велічных замкаў у заходняй Англіі.

У XII стагоддзі Брысталь пачаў ператварацца ў асноўны порт, праз які ішоў гандаль Англіі з Ірландыяй. У 1247 годзе брыстальская гавань была добраўпарадкавана шляхам адвядзення рэчышча Фрома на захад. Праз Эйван быў перакінуты каменны мост. У 1373 годзе Брысталь стаў самастойнай адміністрацыйнай адзінкай - графствам.

Пры Эдуардзе III Брысталь - трэці па велічыні горад Англіі пасля Лондана і Ёрка. Брыстальскія мараходы вывозілі айчынную воўну ў Іспанію і Партугалію, вяртаючыся назад з грузам херасу і партвейну.

Новы росквіт брыстальскага порта звязаны з уздымам афрыканскім гандлем рабамі ў XVII і XVIII стагоддзях. Брысталь праславіўся як сталіца шакаладнай прамысловасці. Падчас Англійскай рэвалюцыі мясцовыя жыхары да апошняга падтрымлівалі караля Карла Сцюарта.

Брысталь працягваў багацець і развівацца на працягу ўсяго XVIII стагоддзя, захоўваючы значэнне вядучага порта Брытанскай імперыі. Хоць у 1809 годзе былі завершаны амбіцыйныя работы па паглыбленні і мадэрнізацыі гавані, да гэтага часу горад ужо пачаў саступаць свае перадавыя гандлёвыя пазіцыі Ліверпулю і Глазга. Прычынай гэтага было не толькі бурнае развіццё баваўнянай прамысловасці на поўначы краіны, але і страта амерыканскіх калоній, а таксама забарона гандлю людзьмі.