Горад Дэтройт

Горад

Дэтройт
Detroit

Сцяг	Герб

Каардынаты: 42°19′54″ пн. ш. 83°02′51″ з. д. / 42.331667° пн. ш. 83.0475° з. д. ^(G) ^(O) ^(Я)42.331667, -83.047542°19′54″ пн. ш. 83°02′51″ з. д. / 42.331667° пн. ш. 83.0475° з. д. ^(G) ^(O) ^(Я)

Краіна	Злучаныя Штаты Амерыкі
Плошча	370,2 км²
Насельніцтва (2005)	900 198 чалавек
Шчыльнасць	2,537.1 чал./км²
Часавы пояс	UTC-5, улетку UTC-4
Тэлефонны код	313
Афіцыйны сайт	http://www.ci.detroit.mi.us (англ.)

Дэтройт

Дэтройт на Вікісховішчы

Дэтро́йт (англ.: Detroit ад фр.: Ville d’étroit «горад праліва»), горад у ЗША, графства Вэйн, ПдУ штат Мічыган, на р. Дэтройт.

Насельніцтва: 887 тыс. (2005), метраполіс: 4469 тыс. (2005). Паселішча з 1701, горад з 1815.

Найбольшы горад у штаце Мічыган. Порт і значны вузел чыгуначных ліній і суднаходства па Вялікіх Азёрах. Тунель і грузавы паром Дэтройт-Віндзар (Антарыё, Канада), міжнародны мост Амбасадар, Мічыганскі цэнтральны чыгуначны тунель.

Прамысловасць: аўтамабільная і запасных частак, біятэхналогіі, інфарматыка, нанатэхналогіі і інш.

Універсітэт штата ім. Вэйна, Коледж Мэрыгроўв, Універсітэт Дэтройт-Мерсі, і інш.

Еўрапейскае засяленне пачалося з заснавання французскіх форту і паселішча Антуанам дэ ла Мотам Кадзілакам пад назвай Форт-д'Этройт («форт праліва») (1701). У брытанскім уладанні (1760). У амерыканскім уладанні (1796). Першая сталіца тэрыторыі, потым штата (1805—1847). Пажар (1805) знішчыў амаль увесь горад. Узяты брытанскім войскам (1812), амерыканскім войскам (1813). З развіццём воднага і наземнага транспарту горад хутка вырас у 1830-я. Дзейнасць Генры Форда і іншых зрабіла горад, у свой час, «аўтамабільнай сталіцай свету» (адсюль прыдомкі, напр., Motor Town і Motown). Горад быў вядучым цэнтрам ваеннай вытворчасці ў час 1-й і 2-й сусв. войнаў.