Багамскія Астравы

З пляцоўкі Вікіпедыя
Перайсці да: рух, знайсці
Садружнасць Багамскіх Астравоў
англ.: Commonwealth of the Bahamas
Flag of the Bahamas.svg Герб Багамскіх Астравоў
Сцяг Багамскіх Астравоў Герб Багамскіх Астравоў

Каардынаты: 23°55′00″ пн. ш. 77°40′00″ з. д. / 23.916667° пн. ш. 77.666667° з. д. (G) (O) (Я)

LocationBahamas.svg
Дэвіз: «Forward Upward Onward Together»
Гімн: «March On, Bahamaland»
Дата незалежнасці 10 ліпеня 1973 (ад Вялікабрытаніі)
Афіцыйная мова англійская
Сталіца Насау
Найбуйнейшыя гарады Насау
Форма кіравання Канстытуцыйная манархія
Глава дзяржавы
Генерал-губернатар
Прэм'ер-міністр
Елізавета II
Артур Фоўлкс
Х'юберт Інгрэм
Плошча
• Усяго
• % воднай паверхні
160-я ў свеце
13,939 км²
28%
Насельніцтва
• Ацэнка (2009)
Шчыльнасць

338 958[1] чал. (177-я)
24 чал./км²
ВУП
  • Разам (2009)
  • На душу насельніцтва

$9.084 млрд[2]  (151-ы)
$29,800[2]
Валюта Багамскі долар
Інтэрнэт-дамен .bs
Тэлефонны код +1-242
Часавы пояс -5

Бага́мы, Бага́мскія Астравы́ (англ.: Bahamas), Садру́жнасць Бага́мскіх Астраво́ў (англ.: Commonwealth of the Bahamas) — дзяржава на 700 астравах аднайменнага архіпелага ў Атлантычным акіяне на паўднёвы усход ад паўвострава Фларыда. Тэрыторыя — 13,9 тыс.кв.км. Насельніцтва — больш 300 тыс. чалавек, у асноўным — негры і мулаты (85 %). Сталіца — Насау (каля 220 тыс. жыхароў). Дзяржаўная мова — англійская. Рэлігія — хрысціянства (пераважае пратэстанцызм). Нацыянальнае свята — Дзень незалежнасці — 10 ліпеня (1973). Грашовая адзінка — багамскі долар.

Гісторыя[правіць | правіць зыходнік]

Да прыходу еўрапейцаў Багамскія Астравы насялялі індзейцы-лукая. Востраў Сан-Сальвадор з Багамскага архіпелага лічыцца першай тэрыторыяй Новага Свету, адкрытага ў 1492 годзе Х. Калумбам. У 1647 Багамы захапілі брытанцы. У 1964 Багамскія астравы атрымалі ўнутранае самакіраванне, а 10 ліпеня 1973 сталі незалежнай дзяржавай.

Дзяржаўны лад[правіць | правіць зыходнік]

Канстытуцыйная манархія. Незалежная дзяржава ў складзе Садружнасці. У адпаведнасці з канстытуцыяй глава дзяржавы — каралева Вялікабрытаніі, прадстаўленая генерал-губернатарам (А. Д. Хана).

Заканадаўчая ўлада належыць двухпалатнаму парламенту, які складаецца з Сената (16 членаў, прызначаюцца генерал-губернатарам) і Палаты сходу (40 членаў, абіраюцца ўсеагульным галасаваннем тэрмінам на 5 гадоў).

Вышэйшым выканаўчым органам краіны з'яўляецца ўрад на чале з прэм'ер-міністрам. Ім становіцца лідар партыі, якая атрымала большасць на выбарах (у 2007 гэты пост заняў Х. Інгрэм).

Асноўныя палітычныя партыі. Свабодны нацыянальны рух (кіруючая; лідар — Х. Інгрэм). Прагрэсіўная ліберальная партыя (лідар — П. Крысці), Кааліцыя за дэмакратычную рэформу.

Эканоміка[правіць | правіць зыходнік]

Порт Насау

Аснова эканомікі – турызм (прыносіць 60% нацыянальнага прыбытку), а таксама фінансавыя і банкаўскія паслугі (15% ВУП). Багамы – трэцяе (пасля Ліберыі і Панамы) дзяржава «зручнага сцягу» у свеце.

Рост ВУП у 2006 склаў 4%. Доля прадукцыі сельскай, рыбнай гаспадаркі (занята каля 5% працоўных рэсурсаў) і прамысловай вытворчасці ў ВУП не перавышае 10%. Наменклатура прадуктаў і тавараў, якія вырабляюцца для задавальнення ўнутраных патрэбнасцяў у харчаванні і экспарту прадстаўленая цытрусавымі, бананамі, цукровым трыснёгам, агародніннымі культурамі, мясам птушкі, ялавічыны і свініны, рыба- і морапрадуктамі. У апрацоўчай галіне эканомікі вырабляюцца соль, ром, араганіт (каралавы пясок, які выкарыстоўваецца для вытворчасці шкла), хімічныя і фармацэўтычныя прадукты.

У таварнай наменклатуры экспарту прысутнічаюць ром, соль, араганіт, хімічныя прадукты, морапрадукты, цытрусавыя і гародніна; імпарту – харчаванне і гатовыя вырабы, аўтамабілі і запасныя часткі да іх, абсталяванне прамысловага прызначэння, камп'ютары, электронная тэхніка, мінеральнае паліва. Асноўныя гандлёвыя партнёры: ЗША, Канада, Францыя, Германія, Вялікабрытанія, Японія.

Геаграфія[правіць | правіць зыходнік]

Карта

Багамскі архіпелаг складаецца прыкладна з 700 астравоў каралавага паходжання. Найбуйнейшыя з іх:

Большасць астравоў плоскія. Найвышэйшы пункт (гара Алвернія) знаходзіцца на востраве Кэт (63 м).

Клімат пераходны ад субтрапічнага да трапічнага. Сярэдняя тэмпература на працягу года трымаецца каля 24,8° C. Аднак у рэдкіх выпадках узімку яна можа паніжацца да 2 — 3° C. Сярэдняя колькасць ападкаў — 1389,4 мм у год.

Літаратура[правіць | правіць зыходнік]

  • Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн.: БелЭн., 1996. — 480 с.: іл. ISBN 985-11-0061-7 (т. 2), ISBN 985-11-0035-8

Спасылкі[правіць | правіць зыходнік]

Зноскі

  1. World Gazetteer
  2. 2,0 2,1 The Bahamas. International Monetary Fund. Архівавана з першакрыніцы 30 жніўня 2011. Праверана 1 кастрычніка 2009.