Дэнамінацыя ў Беларусі 2016 года

Дэнамінацыя нацыянальнай грашовай адзінкі Беларусі адбылася 1 ліпеня 2016 года^[1]. Да канца года ў звароце будуць знаходзіцца беларускія рублі старога і новага ўзору^[2]. Суадносіны абмену складуць 1 да 10 тысяч. Пры гэтым памятныя і зліткавыя (інвестыцыйныя) манеты, выпушчаныя ў зварот рэгулятарам, падлягаюць прыёму па намінальным кошце пры ўсіх відах плацяжоў без абмежаванняў.

Новыя манеты (узору 2009 года)

З 1 ліпеня 2016 года, упершыню за ўсю гісторыю беларускага рубля, у сувязі з дэнамінацыяй у зварот уводзяцца манеты. Раней Беларусь была адной з нешматлікіх краін у свеце, дзе выпускаліся толькі памятныя манеты, якія фактычна не ўжываліся ў звароце.

Манеты былі адчаканены на Літоўскім манетным двары і Манетным двары Крэмніцы^[3]. Усе манеты зроблены са сталі. Манеты да 5 капеек пакрыты меддзю; 10, 20, 50 капеек — меддзю і латунню; 1 рубель — меддзю і нікелем. Манета вартасцю 2 рублі — біметал, цэнтр пакрыты меддзю і нікелем, кальцо — меддзю і латунню. На аверсе ўсіх манет намаляваны герб Рэспублікі Беларусь, надпіс «БЕЛАРУСЬ» і год чаканкі. На рэверсе намаляваны намінал манеты ў суправаджэнні розных арнаментаў.

Манеты Рэспублікі Беларусь (з 2016 года)
Выява			Намінал	Тэхнічныя параметры				Апісанне			Год чаканкі	Дата выхаду
Аверс	Рэверс	Гурт	Намінал	Дыяметр (мм)	Таўшчыня (мм)	Маса (г)	Склад	Аверс	Рэверс	Гурт	Год чаканкі	Дата выхаду
			1 капейка	15	1,25	1,55	Сталь, пакрытая меддзю	Герб Рэспублікі Беларусь, пад ім назва краіны, год чаканкі	Намінал, арнамент, які сімвалізуе багацце і дастатак	Гладкі	2009	1 ліпеня 2016
			2 капейкі	17,5		2,1
			5 капеек	19,8		2,7
			10 капеек	17,7	1,8	2,8	Сталь, пакрытая меддзю і латунню		Намінал, арнамент, які сімвалізуе ўрадлівасць і жыццёвую сілу	Рубчасты з сегментамі
			20 капеек	20,35	1,85	3,7
			50 капеек	22,25	1,55	3,95
			1 рубель	21,25	2,3	5,6	Сталь, пакрытая меддзю і нікелем		Намінал, арнамент, які сімвалізуе імкненне да шчасця і волі	Рубчасты
			2 рублі	23,5	2,0	5,81	Кальцо — сталь, пакрытая меддзю і латунню, цэнтр — сталь, пакрытая меддзю і нікелем	У цэнтры Герб Рэспублікі Беларусь, па крузе уверсе — «БЕЛАРУСЬ», унізе — год чаканкі	Намінал, арнамент, які сімвалізуе імкненне да шчасця і волі	Надпіс «БЕЛАРУСЬ», падзелены элементам нацыянальнага арнаменту
Маштаб выяў — 4,0 пікселя на міліметр.

Новыя банкноты (узору 2009 года)

У сувязі з правядзеннем дэнамінацыі з 1 ліпеня 2016 года ўводзяцца банкноты новага ўзору^[4].

Кожная банкнота прысвечана адной з абласцей Беларусі і гораду Мінску. Адпаведнасць вобласці наміналу банкнот вызначана ў алфавітным парадку. Выява банкноты наміналам 5 рублёў прысвечана Брэсцкай вобласці, 10 рублёў — Віцебскай вобласці, 20 рублёў — Гомельскай вобласці, 50 рублёў — Гродзенскай вобласці, 100 рублёў — Мінскай вобласці, 200 рублёў — Магілёўскай вобласці, 500 рублёў — гораду Мінску. Купюры аддрукаваны фірмай «Thomas De La Rue»^[3] — адным з сусветных лідараў валютнай індустрыі па вытворчасці банкнот, каштоўных папер, банкаўскага абсталявання ў Вялікабрытаніі. Новыя грошы былі гатовыя яшчэ ў 2008—2009 гадах, але тады ўвесці іх у зварот не дазволіў крызіс. Вырабленыя грашовыя знакі былі перададзены ў Цэнтральнае сховішча Нацыянальнага банка.

З улікам часу выраба, новыя беларускія рублі маюць вызначаныя асаблівасці. У прыватнасці, на выпусканых у зварот банкнотах узору 2009 года змесцавана факсіміле подпісу тагачаснага Старшыні Праўлення Нацыянальнага банка Рэспублікі Беларусь П. П. Пракаповіча^[4].

Акрамя таго, на новай банкноце наміналам 50 рублёў размешчаны надпіс «пяцьдзесят», які не адпавядае дзейсным правілам беларускай арфаграфіі. У адпаведнасці з Законам Рэспублікі Беларусь ад 23 ліпеня 2008 года № 420-З «Пра правілы беларускай арфаграфіі і пунктуацыі» гэта слова павінна пісацца праз літару «я» ў другім складзе — «пяцьдзясят». Пры ажыццяўленні Нацыянальным банкам наступных замоў на выраб новых банкнот паказаныя неадпаведнасці будуць выпраўлены^[4].


Серыя 2009 года
Выява		Намінал (рублёў)	Памеры (мм)	Асноўныя колеры	Апісанне		Дата выхада
Пярэдні бок	Адваротны бок	Намінал (рублёў)	Памеры (мм)	Асноўныя колеры	Пярэдні бок	Адваротны бок	Дата выхада
		5	135×72	памяранцавы карычневы	Камянецкая вежа, Камянец, Брэсцкая вобласць	калаж на тэму першых славянскіх селішчаў: фрагмент скуранога пояса, драўлянае кола, выява дзяцінца «Бярэсце»	1 ліпеня 2016
		10	139×72	блакітны сіні	Спаса-Праабражэнская царква, Полацк, Віцебская вобласць	калаж на тэму асветніцтва і кнігадрукавання: кнігі, знак Ф. Скарыны, крыж Ефрасінні Полацкай, фрагмент арнаменту
		20	143×72	жоўты цёмна-шэры	Палац Румянцавых — Паскевічаў, Гомель, Гомельская вобласць	калаж на тэму духоўнасці: звон, Тураўскае Евангелле, старажытны горад Тураў, фрагменты разьбы
		50	147×72	светла-зялёны памяранцавы	Мірскі замак, Мір, Гарадзенская вобласць	калаж на тэму мастацтва: ліра і лаўровыя галіны, пяро, папера, нотны стан
		100	151×72	смарагдавы памяранцавы	Нясвіжскі замак, Нясвіж, Мінская вобласць	калаж на тэму тэатра і народных святаў: скрыпка, бубен, жалейка, слуцкія паясы і знакі народных святаў «Калядная зорка», каза, тэатр «Батлейка»
		200	155×72	фіялетавы ружовы	Магілёўскі абласны мастацкі музей імя Масленікава, Магілёў, Магілёўская вобласць	калаж на тэму рамяства і горадабудаўніцтва: залаты ключ і друк Магілёва, печкавая кафля, фрагменты кованай рашоткі
		500	159×72	ружовы бірузовы	Нацыянальная бібліятэка Беларусі, Мінск	калаж на тэму літаратуры: пяро, чарніліца, вокладкі кніг, ліст папараці
Маштаб выяў — 1,0 пікселя на міліметр.