Іван Міхайлавіч Эйсмант

З пляцоўкі Вікіпедыя
Jump to navigation Jump to search
Іван Міхайлавіч Эйсмант
Род дзейнасці: тэлевядучы
Дата нараджэння: 20 студзеня 1977(1977-01-20) (41 год)
Месца нараджэння:
Жонка: Наталля Мікалаеўна Эйсмант
Альма-матар:
Узнагароды і прэміі:
медаль Францыска Скарыны

Іван Міхайлавіч Э́йсмант, творчы псеўданім Іван Міха́йлаў (нар. 20 студзеня 1977, в. Луцкаўляны, Гродзенскі раён, Гродзенская вобласць, БССР) — беларускі тэлевядучы, старшыня Нацыянальнай дзяржаўнай тэлерадыёкампаніі Беларусі.

Біяграфія[правіць | правіць зыходнік]

Нарадзіўся 20 студзеня 1977 года ў в. Луцкаўляны Гродзенскага раёна[1] ў сям'і Міхаіла Андрэевіча і Ганны Канстаўцінаўны Эйсмантаў[2]. У 1998 годзе[3] з адзнакай скончыў Акадэмію МУС РБ[4], па спецыяльнасці юрыст[3][1]. Восем гадоў працаваў па спецыяльнасці ў Гродне, меў званне капітана[2]. У гэты час працаваў пазаштатным карэспандэнтам газеты «Прэсбол»[4].

На тэлебачанне прыйшоў вядучым праграмы «Дзелавое жыццё». У далейшым вёў праграмы «Сфера інтарэсаў», «Зона Х», «Навіны», «Панарама». Вёў праграмы «Галоўны эфір»[3], у якой з'яўляліся разам з жонкай Наталляй, і «Спорт-кадр»[4].

Вучыцца ў Акадэміі кіравання пры Прэзідэнце Рэспублікі Беларусь[2]. Займаў пасаду галоўнага дырэктара Галоўнай дырэкцыі «Агенцтва тэлевізійных навін» Першага нацыянальнага тэлеканала.

12 мая 2017 г. прызначаны намеснікам старшыні Нацыянальнай дзяржаўнай тэлерадыёкампаніі Беларусі[5].

6 лютага 2018 г. прызначаны на пасаду кіраўніка НДТРК РБ[6].

Узнагароды[правіць | правіць зыходнік]

Узнагароджаны медалём Францыска Скарыны[3].

Сям'я[правіць | правіць зыходнік]

Мае сястру Ганну Эйсмант, таксама тэлевядучую[4]. З 2010 года ў шлюбе з тэлевядучай Наталляй Кірсанавай[7].

Зноскі