Наталля Мікалаеўна Эйсмант

З пляцоўкі Вікіпедыя
Jump to navigation Jump to search
Наталля Мікалаеўна Эйсмант
Прэс-сакратар Прэзідэнта Рэспублікі Беларусь
з 6 лістапада 2014
Прэзідэнт: Аляксандр Лукашэнка
 
Адукацыя:
Дзейнасць: тэлевядучы
Месца працы:
Нараджэнне: 16 лютага 1984(1984-02-16) (35 гадоў)
Імя пры нараджэнні: Наталля Мікалаеўна Кірсанава
Муж: Іван Міхайлавіч Эйсмант

Наталля Мікалаеўна Э́йсмант (у дзявоцтве Кірса́нава; 1984, Мінск, БССР) — беларуская тэлевядучая, прэс-сакратар Прэзідэнта Рэспублікі Беларусь.

Біяграфія[правіць | правіць зыходнік]

Нарадзілася ў 1984 годзе ў Мінску. Скончыла Мінскае музычнае вучылішча, у 2007 г. — Беларускую дзяржаўную акадэмію мастацтваў па спецыяльнасці «Акцёр драматычнага тэатра і кіно». У мінскім Беларускім дзяржаўным акадэмічным музычным тэатры выконвала дзіцячыя ролі[1].

З 2007 г. працавала рэдактарам агенцтва тэлевізійных навін, карэспандэнтам спецыяльнага аддзела выпуску галоўнай дырэкцыі «Агенцтва тэлевізійных навін» Нацыянальнай дзяржаўнай тэлерадыёкампаніі Беларусі. Вяла выпускі мінскіх «Навін рэгіёна», выніковую інфармацыйную праграму «Панарама» і разам з мужам Іванам Міхайлавым (Эйсмантам) інфармацыйна-аналітычную праграму «Галоўны эфір»[1]. Працавала таксама ў праграме «Пра мастацтва»[2].

З 6 лістапада 2014 г. прызначана прэс-сакратаром Прэзідэнта Беларусі[3]. У пачатку 2017 г. яе функцыі былі пашыраны — паводле ўказа прэзідэнта № 40, у іх пералік былі ўключаны каардынацыя дзейнасці буйных дзяржаўных СМІ, фарміраванне праз СМІ грамадскай думкі пра дзейнасць прэзідэнта і г. д. Прэс-сакратар стаў прыроўнівацца паводле паўнамоцтваў да памочніка прэзідэнта[4] Палітолаг Вольф Рубінчык адзначыў у сувязі з гэтым пашырэннем, што Н. Эйсмант «увойдзе, умоўна, у сямёрку самых уплывовых дзяржаўных службоўцаў, хоць дагэтуль наўрад ці трапляла ў дваццатку»[5].

Выказванні Н. Эйсмант пра дыктатуру як магчымы «брэнд» Беларусі, пра «запыт» на дыктатуру ў свеце, зробленыя ў сакавіку 2019 г., атрымалі ў Беларусі розгалас, былі паддадзены жорсткай крытыцы і асмяянню[6][7].

Асабістае жыццё[правіць | правіць зыходнік]

З 2010 года ў шлюбе з тэлевядучым Іванам Міхайлавічам Эйсмантам[8].

Зноскі