Аляксандр Валянцінавіч Патліс

З пляцоўкі Вікіпедыя
Jump to navigation Jump to search
Аляксандр Патліс
Alexander Patlis, musician and preacher, Russia and Belarus.JPG
А. Патліс у 2008 годзе
Асноўная інфармацыя
Поўнае імя Аляксандр Валянцінавіч Патліс
Дата нараджэння 13 кастрычніка 1970(1970-10-13) (48 гадоў)
Месца нараджэння Гродна
Краіна Беларусь
Музычная дзейнасць
Прафесіі Спявак
Кампазітар
Прапаведнік
Гады актыўнасці 1987-па сённяшні дзень
Інструменты Баян
Жанры Хрысціянскі рок
Калектывы Истина
Алые погоны
Новый Иерусалим
Alex Patlis Band
alexpatlis.com

Алякса́ндр Валянцінавіч Па́тліс — беларускі спявак, удзельнік музычнага гурта Новый Иерусалим.

Біяграфія[правіць | правіць зыходнік]

Нарадзіўся 13 кастрычніка 1970 года ў Гродна[1]. У пяцігадовым узросце прайшоў адбор у рэспубліканскую школу пры дзяржаўнай кансерваторыі ў Мінску. Аднак па сямейных абставінах застаўся ў родным горадзе[1]. Ва ўзросце дзевяці гадоў паступіў у гарадскую музычную школу па класе баяна. У 14 год паступіў у Гродзенскую музычную вучэльню па тым самым інструменце.

У сямнаццацігадовым узросце, ужо маючы досвед выступаў на канцэртах і вяселлях, атрымаў запрашэнне стаць спеваком вядомага ў горадзе гурта «Истина»[1].

Вайсковую службу праходзіў у Мінску, удзельнічаў у ваенным ансамблі «Алые погоны». За два гады службы ён правёў каля 200 канцэртаў. У 1991 годзе сышоў у запас у чыне малодшага сяржанта. Знаходзячыся ў войску, пачаў чытаць Біблію. Гэта моцна паўплывала на ягоны ўнутраны свет, змяніла жыццёвыя прынцыпы і стаўленне да жыцця[1].

2 сакавіка 1991 года ажаніўся з Таццянай Галіноўскай. У 1992 годзе ў іх нарадзілася дачка Настасся[1].

Хрысціянскі перыяд творчасці[правіць | правіць зыходнік]

Напрыканцы 1991 года Аляксандр сустрэў музыкаў гурта «Catty Sark» Ігара Капылава, Вадзіма Калацэя, Аляксандра Манецкага і іншых. Праз нейкі час яны знаёмяцца з Веніямінам Брухам, Уладзімірам Сокалам і Сандэем Адэладжа. Гэтыя сустрэчы памянялі не толькі ўнутраны свет музыкаў, але і напрамак іх творчасці. Яны прымаюць рашэнне стварыць хрысціянскі гурт. Ягоны першы канцэрт пад назвай «Новый Иерусалим» адбыўся 17 мая 1992 года ў Палацы культуры тонкасуконнага камбіната Мінска. Гэты дзень лічыцца днём нараджэння гурта.

За час супрацоўніцтва з Аляксандрам Патлісам «Новый Иерусалим» запісаў 8 альбомаў[1]. Песня «Я знаю любовь» з альбома «Ну что ты думаешь об этом?» стала лепшай песняй 1997 года ў Беларусі, а «Любовь в ладонях» (альбом «Неба осколки») стала лепшай у 2004[1]. У складзе гурта Аляксандр адыграў больш за 1000 канцэртаў[1] як на Беларусі, так і ў ЗША, Бельгіі, Нідэрландах, Германіі, Украіне, Расіі, Латвіі[2].

У 2006 годзе Аляксандр пакінуў гурт Новый Иерусалим, жадаючы заняцца сольнай кар'ерай[3]. У 2016 годзе вярнуўся у калектыў.

Сольная кар’ера[правіць | правіць зыходнік]

У верасні 2006 года Аляксандр пачаў уласную кар’еру, пакінуўшы гурт «Новый Иерусалим». У снежні таго ж года ягоная песня «Для тебя» увайшла ў зборнік лепшых песень Беларусі, выдадзены кампаніяй West Records. 21 мая 2008 года Аляксандр прэзентаваў свой першы сольны альбом пад назвай «Второе Дыхание»[4]. У снежні 2008 года гурт «Alex Patlis Band» прыняў удзел у адборачным туры конкурса «Еўрабачанне-2009», аднак саступіў іншым удзельнікам.

У 2011 годзе прадставіў публіцы другі сольны альбом «Читай мои мысли»[5].

Дыскаграфія[правіць | правіць зыходнік]

Новый Иерусалим[правіць | правіць зыходнік]

  • «Бог Святой» (1993)
  • «Возвращайся домой» (1995)
  • «Ну что ты думаешь об этом?» (1997)
  • «Новый Иерусалим» (1999)
  • «The Best» (2001, англ.)
  • «Неба осколки» (2002)
  • «The Fragments of Heaven» (2002, англ.)
  • «Время благоприятное» (2005)

Аляксандр Патліс[правіць | правіць зыходнік]

  • «Второе дыхание» (2008)[4]
  • «Читай мои мысли» (2011)[5]

Зноскі

  1. 1,0 1,1 1,2 1,3 1,4 1,5 1,6 1,7 Александр Патлис: Биография (руск.) . Официальный сайт Александра Патлиса. Праверана 14 ліпеня 2009.
  2. История группы (руск.) . «Новы Ерусалім». Архівавана з першакрыніцы 10 красавіка 2017. Праверана 25 чэрвеня 2017.
  3. Александр Патлис ушел из "Нового Иерусалима" / Naviny.by
  4. 4,0 4,1 Александр Патлис "Второе дыхание" (руск.) . Experty.by (18 ліпеня 2008). Праверана 25 чэрвеня 2017.
  5. 5,0 5,1 Александр Патлис "Читай мои мысли" (+аудио) / Experty.by

Спасылкі[правіць | правіць зыходнік]