Аляксандр Віктаравіч Комлеў

Аляксандр Комлеў
Аляксандр Комлеў
Поўнае імя	Аляксандр Віктаравіч Комлеў
Нарадзіўся	26 чэрвеня 1994 (30 гадоў); Асіповічы, Асіповіцкі раён, Магілёўская вобласць, Беларусь;
Грамадзянства	Беларусь
Рост	181 см
Пазіцыя	нападнік
Клубная кар’ера
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 4 сакавіка 2022. ;

Аляксандр Комлеў (нар. 26 чэрвеня 1994, Асіповічы) — беларускі футбаліст, нападнік.

Клубная кар’ера

Выхаванец асіповіцкага футбола, у маладым узросце трапіў у сістэму мінскага «Дынама». Спачатку гуляў за дубль, пасля за фарм-клуб «Дынама-2» у Другой лізе. Другую палову сезона 2012 правёў у «Бярозе-2010».

У 2013 годзе перайшоў у «Зорку-БДУ». Спачатку пераважна выхадзіў на замену, а пасля зыходу ўлетку 2014 года асноўнага бамбардзіра каманды Аляксея Хадневіча ў магілёўскі «Дняпро» выдатна замяніў яго на вастрыні атакі, забіўшы агулам 9 галоў у сезоне 2014.

У снежні 2014 года падпісаў кантракт з «Мінскам»^[2]. Праходзіў перадсезонную падрыхтоўку з асноўнай камандай «Мінска», але не здолеў вытрымаць канкурэнцыі за месца ў складзе. У сакавіку 2015 года быў на праглядзе ў «Белшыне»^[3], аднак у выніку ў красавіку быў арандаваны «Віцебскам»^[4]. 11 красавіка 2015 года дэбютаваў у Вышэйшай лізе, выйшаўшы на замену на 75-й хвіліне матча з мікашэвіцкім «Гранітам» (1:1). У стартавым складзе віцебскага клуба так ніводнага разу і не з’явіўся, 8 разоў выхадзіў на замену і правёў на полі ўсяго 97 хвілін. У ліпені 2015 года вярнуўся з арэнды ў «Мінск»^[5].

24 ліпеня было абвешчана аб вяртанні Аляксандра ў Першую лігу: да канца сезона нападнік быў арандаваны «Лідай»^[6]. У складзе «Ліды» замацаваўся ў якасці асноўнага нападніка. Па заканчэнні сезона вярнуўся ў сталічны клуб^[7].

У студзені 2016 года пачаў рыхтавацца да новага сезона разам з «Мінскам», але пазней далучыўся да брэсцкага «Дынама», з якім у сакавіку падпісаў кантракт^[8]. У ліпені 2016 года перайшоў у «Смалявічы-СТІ»^[9], аднак па заканчэнні сезона 2016 пакінуў каманду.

Сезон 2017 поўнасцю прапусціў з-за траўмы, а ў пачатку 2018 года далучыўся да другалігавых «Асіповічаў», дзе гуляў на працягу чатырох гадоў. Па заканчэнні сезона 2021 завяршыў кар’еру па стане здароўя^[10].

Статыстыка выступленняў

Сезон	Дывізіён	Клуб	Матчы	Галы
2011 (1)	дубль	Дынама (Мінск)	10	2
2011 (2)	Д3	Дынама-2	11	2
2012 (1)	Д3	Дынама-2	18	3
2012 (2)	Д2	Бяроза-2010	11	0
2013	Д3	Зорка-БДУ	14	4
2014	Д2	Зорка-БДУ	22	9
2015 (1)	Д1	Віцебск	8	0
2015 (2)	Д2	Ліда	15	6
2016 (1)	Д1	Дынама (Брэст)	12	0
2016 (2)	Д2	Смалявічы-СТІ	11	1
2018	Д3	Асіповічы	15	4
2019	Д3	Асіповічы	22	7
2020	Д3	Асіповічы	18	11
2021	Д3	Асіповічы	5	1

Крыніцы

[club-2] Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 4 сакавіка 2022.

[_73df54ad2e0de967-1] Aleksandr Komlev // Transfermarkt — 2000. Праверана 9 кастрычніка 2017.
<a href="https://wikidata.org/wiki/Track:Q2449070"></a>

[3] Лучший бомбардир «Звезды-БГУ» Комлев перешел в «Минск»

[4] «Белшина» может арендовать Комлева

[5] Мельник и Комлев пополнили ряды "Витебска"

[6] Ковб покинул «Витебск», Комлев вернулся в «Минск»

[7] "Лида" арендовала нападающего "Минска"

[8] Арендованные игроки возвращаются в свои клубы

[9] Огар, Чиж, Демешко и еще девять игроков подписали контракты с брестским "Динамо"

[10] Комлев и Ляхнович стали игроками "Смолевичей-СТИ"

[11] Пополнение Д2: новый тренер "Осиповичей", "Молодечно-2018" без своих звезд (+ таблица трансферов первой лиги)

[1]

[* 1]

[2]

[3]

[4]

[5]

[6]

[7]

[8]

[9]

[10]