Аляксей Мікалаевіч Аўраменка

Аляксей Мікалаевіч Аўраменка
Міністр транспарту і камунікацый Беларусі
з 15 студзеня 2019
Прэм’ер-міністр	Сяргей Румас
Прэзідэнт	Аляксандр Лукашэнка
Папярэднік	Анатоль Сівак
Адукацыя	Беларуская дзяржаўная політэхнічная акадэмія (1999) Акадэмія кіравання пры Прэзідэнце Рэспублікі Беларусь (2010)
Дзейнасць	міністр
Нараджэнне	11 мая 1977(1977-05-11) (43 гады) Мінск, БССР, СССР

Аляксе́й Мікала́евіч Аўра́менка (нар. 11 мая 1977, г. Мінск) — беларускі дзяржаўны дзеяч, міністр транспарту і камунікацый Беларусі (з 2019).

Біяграфія

Скончыў Беларускую дзяржаўную політэхнічную акадэмію (1999), Акадэмію кіравання пры Прэзідэнце Рэспублікі Беларусь (2010).

Працоўную кар’еру пачаў у 1999 годзе майстрам дарожна-будаўнічага ўпраўлення № 43 РУП «Будаўніча-мантажны трэст № 8», з 2000 года працаваў галоўным спецыялістам аддзела ўтрымання дарожнай сеткі Камітэта па аўтамабільных дарогах пры Міністэрстве транспарту і камунікацый. У 2001—2006 гадах быў галоўным спецыялістам упраўлення ўтрымання дарожнай сеткі Дэпартамента «Белаўтадар» Міністэрства транспарту і камунікацый. З 2006 года працаваў у ўпраўленні транспарту, сувязі і інфарматызацыі Апарату Савета Міністраў Рэспублікі Беларусь, займаў пасады галоўнага спецыяліста, намесніка начальніка і начальніка. Пастановай Савета Міністраў Рэспублікі Беларусь ад 25 ліпеня 2013 года № 656 быў прызначаны намеснікам міністра транспарту і камунікацый Беларусі, а Пастановай Савета Міністраў Рэспублікі Беларусь ад 3 сакавіка 2016 года № 174 быў прызначаны першым намеснікам міністра транспарту і камунікацый.

З 15 студзеня 2019 года Указам Прэзідэнта Рэспублікі Беларусь прызначаны міністрам транспарту і камунікацый Рэспублікі Беларусь.

Спасылкі

• Міністрам транспарту і камунікацый Беларусі назначаны Аляксей Аўраменка. Беларускае тэлеграфнае агенцтва (15 студзеня 2019).