Антон Францішак Брыль

З пляцоўкі Вікіпедыя
Jump to navigation Jump to search
Антон Францішак Брыль
Асабістыя звесткі
Дата нараджэння: 18 жніўня 1982(1982-08-18) (36 гадоў)
Месца нараджэння:
Грамадзянства:
Альма-матар:
Прафесійная дзейнасць
Род дзейнасці: перакладчык, паэт

Антон Францішак Брыль (нар. 18 жніўня 1982, Мінск) — беларускі перакладчык і паэт.

Біяграфія[правіць | правіць зыходнік]

Унук Янкі Брыля[1]. Скончыў матэматычны клас Ліцэя БДУ (1999), факультэт прыкладной матэматыкі і інфарматыкі БДУ (2004) па спецыяльнасці «матэматык-праграміст». Атрымаў ступень PhD ў Трэнцкім універсітэце (2008) па спецыяльнасці machine learning. Працаваў на факультэце інфарматыкі Дублінскага гарадскога ўніверсітэта[2]. Жыў ў Дубліне, Цюрыху, Лондане.

Творчасць[правіць | правіць зыходнік]

Зборнік вершаў і малых паэм А. Ф. Брыля, напісаных ў 2003—2011 гадах, «Не ўпаў жолуд» выйшаў у 2011 годзе[1], казачная аповесць «Ян Ялмужна» выйшла асобным выданнем у 2014 годзе.

Аўтар першага перакладу на беларускую гімна Кэдмана, найранейшага помніка стараангліскай паэзіі. Пераклаў стараанглійскую паэму «Беавульф», урыўкі публікаваліся ў часопісах «Наша вера» і «Дзеяслоў», асобным выданнем, пад назвай «Бэўвульф», пераклад выйшаў у чэрвені 2013 года[3][4]. Таксама пераклаў на беларускую паасобныя творы А. Э. Адынца, Ч. Дыкенса, У. Б. Ейтса, Катула, С. Кларк, Ф. Д. Князьніна, Ю. У. Нямцэвіча, Д. Толкіна і інш.

Выявіў у бібліятэцы АН Літвы і падрыхтаваў да друку санеты Б. Янкоўскага[5].

Прызнанне[правіць | правіць зыходнік]

Фіналіст конкурсу маладых літаратараў імя У. Караткевіча (2005)[1]. Зборнік А. Ф. Брыля «Не ўпаў жолуд» заняў 2-е месца сярод дзесяці найбольш значных літаратурна-мастацкіх выданняў 2011 года паводле версіі часопіса «Маладосць»[6], 10-е месца паводле версіі газеты «Наша Ніва»[7], прызнаны лепшай дэбютнай кнігай паэзіі 2011 года паводле Беларускага ПЭН-цэнтра і Саюза беларускіх пісьменнікаў[2]. Лаўрэат прэміі часопіса «ПрайдзіСвет» (2011) за пераклады з польскай Ф. Д. Князьніна, А. Э. Адынца, Ю. У. Нямцэвіча і з лацінскай Катула[8].

Зноскі

  1. 1,0 1,1 1,2 Прэзентацыя кнігі Антона Францішка Брыля — 21 ліпеня — nn.by, 21 лiпеня 2011.
  2. 2,0 2,1 Найлепшай дэбютнай кнігай — 2011 стала… — svaboda.org, 14 сакавіка 2012.
  3. Бэўвульф / пер. са стараанглійскай мовы Антона Францішка Брыля. — Мінск : Зміцер Колас, 2013. — 130 с.
  4. Чарнякевіч Ц. І наш «Бэўвульф» // Звязда, № 117 (27482), 27 чэрв. 2013.
  5. Poleskie Sonety Benedykta Jankowskiego. Do druku podał Anton Franciszek Bryl. Pamiętnik Literacki, 2014, z. 2., s. 159—163.
  6. Чарнякевіч Ц. Кніга года-2011 па версіі часопіса «Маладосць» // Маладосць. — 2011. — № 12.
  7. Найлепшыя кнігі 2011 — nn.by, 30.12.2011
  8. Лаўрэаты прэміі «ПрайдзіСвета» за 2011 год — Башарымава, Мартысевіч і Брыль — prajdzisvet.org, 27 чэрвеня 2012.

Літаратура[правіць | правіць зыходнік]

  • Бэўвульф / пер. са стараанглійскай мовы Антона Францішка Брыля. — Мінск : Зміцер Колас, 2013. — 130 с.
  • Arnold McMillin Spring Shoots: Young Belarusian Poets in the Early Twenty-First Century. — [Cambridge: MHRA,] 2015. — 200 p. — ISBN 978-1-78188-227-6. — P. 3, 6-10.

Спасылкі[правіць | правіць зыходнік]