Арыстафан Візантыйскі

Арыстафан Візантыйскі
Род дзейнасці	лексікограф, мовазнавец, бібліятэкар, граматык, рэдактар
Дата нараджэння	257 да н.э. ці 260 да н.э.
Месца нараджэння	Візантый
Дата смерці	каля 180 да н.э.
Месца смерці	Александрыя
Грамадзянства	Эліністычны Егіпет

Арыстафан Візантыйскі (грэч. Ἀριστοφάνης, каля 257-180 гг. да н.э.) — старажытнагрэчаскі філолаг. З ранніх год жыў у Александрыі.

Каля 195 года да н. э. пасля Эратасфена стаў загадваць Александрыйскай бібліятэкай.

Пакінуў значны ўклад у антычную філалогію. Ім было падрыхтавана да выдання мноства тэкстаў, якія складаюць залаты фонд старажытнагрэчаскай і сусветнай літаратуры. Арыстафан падрыхтаваў каментаванае выданне Гамера. Выдаваў Гесіёда, лірыкаў VI і V стагоддзяў да н. э., такіх, як Алкман, Алкей, Анакрэонт, Піндар. Да Арыстафана тэксты лірыкаў запісваліся суцэльна, як проза; філолаг у сваім выданні прапанаваў дзяленне лірычных паэтаў на калоны.