Тымахарыс

Тымахарыс
стар.-грэч.: Τιμόχαρις
Дата нараджэння	320 да н.э.
Месца нараджэння	Александрыя
Дата смерці	260 да н.э.
Грамадзянства	Грэцыя
Род дзейнасці	астраном
Навуковая сфера	астраномія

Тымаха́рыс Александрыйскі (стар.-грэч.: Τιμόχαρις, канец IV — пачатак III ст. да н. э.) — старажытнагрэчаскі астраном.

Сумесна з Арыстылам у 296—272 гг. да н.э. склаў першы ў антычнай гісторыі зорны каталог. Пры вымярэнні нябесных каардынат Арыстыл і Тымахарыс выкарыстоўвалі экватарыяльныя кругі, падзеленыя на вавілонскі манер на 60 частак. У якасці каардынат пазначалася экліптычная шырата і экліптычная даўгата, якая адлічвалася ад яркіх зорак. Звесткі гэтых назіранняў выкарыстоўвалі пасля Гіпарх і Пталамей для ўсталявання з'явы апярэджвання раўнадзенстваў і ўдакладненні яго параметраў.

У 295—283 гадах да нашай эры Тымахарыс назіраў становішча Месяца і Венеры адносна нерухомых зорак.

У гонар Тымахарыса названы месяцовы кратар.

Літаратура

• Jones A. Calendrica I: New Callippic Dates. Zeitschrift für Papyrologie und Epigraphik, 129. 2000, p. 141—158.