Апалоній Родаскі

Апалоній Родаскі
стар.-грэч.: Ἀπολλώνιος Ῥόδιος
Асабістыя звесткі
Дата нараджэння	295 да н.э.
Месца нараджэння	Александрыя
Дата смерці	215 да н.э.
Месца смерці	Востраў Родас, Грэцыя
Прафесійная дзейнасць
Род дзейнасці	паэт, граматык Глава Александрыйскай бібліятэкі
Мова твораў	старажытнагрэчаская мова
Выявы на Вікісховішчы

Апалоній Родаскі (стар.-грэч.: Ἀπολλώνιος Ῥόδιος) — паэт і граматык, нарадзіўся каля 290 г. да н.э. у Александрыі (па іншых звестках, у Наўкрацісе).

Твор яго «Арганаўтыка», напісаны ў духу, зусім процілеглым таму, у якім пісаліся звычайна паэтычныя творы александрыйскай школы, не меў ніякага поспеху; гэта пацягнула за сабой сварку з яго настаўнікам Калімахам, пасля чаго ён пакінуў Александрыю і адправіўся на Родас. Тут ён перапрацаваў «Арганаўтыку» і здабыў сабе неўзабаве як настаўнік і пісьменнік такую славу, што родасцы даравалі яму грамадзянства. Пазней ён вярнуўся ў Александрыю і стаў кіраўніком бібліятэкі (як пераемнік Зенадота і папярэднік Эратасфена).

Яго граматычныя сачыненні, як і некаторыя вершы, зніклі, за выключэннем некалькіх урыўкаў; захавалася толькі «Арганаўтыка», у якой больш праявілася вучонасць і стараннасць, чым паэтычны талент, хоць некаторым месцам нельга адмовіць у паэтычнай прыгажосці.

Рымляне вельмі высока цанілі гэты твор; Публій Тэрэнцій Варон перавёў яго, Вергілій і асабліва Валерый Флак пераймалі яго стыль; мноства каментарыяў на гэту паэму даказваюць, як рупліва ёю займаліся.

Літаратура

Тэксты і пераклады

• У «Loeb classical library» паэма выдадзена пад № 1, адкрыўшы серыю (нядаўна выйшла новае выданне).
• У серыі «Collection Budé» «Арганаўтыка» выдадзена ў 3 тамах.

Даследаванні

• Папаринска, Вита Ю. Жизнь и творчество Аполлония Родосского. Рига: ЛГУ, 1989.
• Чистякова Н. А. Эллинистическая поэзия: Литература, традиции и фольклор. Л.: Изд-во ЛГУ, 1988, 101—118.
• Антипенко А. Л. Путь предков. Традиционные мотивы в «Аргонавтике» Аполлония Родосского. М.: Ладомир. 2005. 318 стр. ISBN 5-86218-417-1
• Schmakeit, Iris Astrid. Appolonios Rhodios und die attische Tragödie. Gattungsüberschreitende Intertextualität in der alexandrinischen Epik : : proefschr… / door Iris Astrid Schmakeit ; Rijksuniv. Groningen Groningen, 2003—315. [6] стар.;24 см+Stellingen (1 л.) — Рэз. нідэрл.. — Бібліягр.: стар. 292—310.

Схоліі да паэмы

• Выданне Меркеля і Кіля са схоліямі (1854).
• Новае выданне схолій апублікавана Вендэлем (1958 год).

Спасылкі

• Аполлоний Родосский // Энциклопедический словарь Брокгауза и Ефрона: В 86 томах (82 т. и 4 доп.) (руск.) . — СПб., 1890—1907.
• Выданне Муні (1912) (грэч.)
• Грэчаскі тэкст і англійскі пераклад Сітона
• Англійскі пераклад 1889 года
• Французскі пераклад Віль дэ Мірмона (1892)

Пры напісанні гэтага артыкула выкарыстоўваўся матэрыял з Энцыклапедычнага слоўніка Бракгаўза і Ефрона (1890—1907).