Феакрыт

Феакрыт
стар.-грэч.: Θεόκρῐτος
Асабістыя звесткі
Дата нараджэння	не раней за 315 да н.э. і не пазней за 300 да н.э.
Месца нараджэння	Сіракузы[…] або Кос[d], Кос[d], Паўднёвыя Эгейскія астравы, Грэцыя
Дата смерці	каля 260 да н.э.
Месца смерці	магчыма Эліністычны Егіпет
Грамадзянства	Сіракузы
Прафесійная дзейнасць
Род дзейнасці	паэт, пісьменнік
Мова твораў	старажытнагрэчаская мова
Медыяфайлы на Вікісховішчы

Феакрыт (стар.-грэч.: Θεόκριτος; канец IV, Сіракузы, Сіцылія — 1-я палова III стст. да н.э.) — старажытнагрэчаскі паэт.

Біяграфічныя звесткі

Нарадзіўся ў Сіракузах. Вучань элегіка Філета Косскага. Жыў на Косе, на Сіцыліі пры двары Гіерона, а таксама ў Александрыі пры Пталамеі II Філадэльфе.

Творчасць

Росквіт літаратурнай дзейнасці супадае з яго знаходжаннем пры двары Пталамея II. Заснавальнік жанру ідыліі, напісанай пераважна ў форме дыялога або маналога. Выкарыстоўваючы сіцылійскую фальклорную традыцыю пастухоўскіх спаборніцтваў у спевах. Стварыў букалічныя творы з умоўнымі вобразамі пастухоў, якія пакутуюць ад кахання на ўлонні прыроды («Тырсіс»). У ідыліях пра гараджан працягваў традыцыю дарыйскіх мімаў Сафрона: пераважалі любоўныя пачуцці («Вядзьмаркі»), бытавыя характарыстыкі («Сіракузянкі, або Жанчыны на свяце Адоніса»). Некаторыя ідыліі напісаны на міфалагічныя сюжэты («Дыяскуры», «Гілас» і іншыя). Стыль Феакрыта адметны спалучэннем вытанчанасці і натуралізму, іроніі і сур’ёзнасці, наіўнасці і выразнасці. Збераглося каля 30 яго ідылій (з іх не ўсе арыгінальныя) і больш за 20 эпіграм.

Літаратура

• Малюковіч С. Дз. Феакрыт // Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн. : БелЭн, 2003. — Т. 16. — 576 с. — 10 000 экз. — ISBN 985-11-0035-8. — ISBN 985-11-0263-6 (т. 16).

Спасылкі

• Грэчаскі тэкст (ідыліі і эпіграмы)
• Англійскія пераклады Эдмандса (1914)