Анатоль Яфімавіч Арцімовіч

Анатоль Яфімавіч Арцімовіч
На выстаўцы ў Палацы Мастацтва
Дата нараджэння	26 верасня 1941(1941-09-26) (82 гады)
Месца нараджэння	Куранец, Куранецкі сельсавет, Куранецкі раён, Вілейская вобласць, БССР, СССР
Род дзейнасці	скульптар
Месца працы	Беларуская дзяржаўная акадэмія мастацтваў
Вучоба	Мінскае мастацкае вучылішча (1959) Беларускі дзяржаўны тэатральна-мастацкі інстытут (1966)
Уплыў	Андрэй Бембель
Уплыў на	Аляксандр Дранец, Міхаіл Інькоў, Валерый Янушкевіч, Сяргей Гумілеўскі, Ігар Засімовіч, Юрый Анушка, Іван Арцімовіч
Прэміі
Узнагароды
Медыяфайлы на Вікісховішчы

Анатоль Яфімавіч Арцімовіч (нар. 26 верасня 1941, в. Куранец, Вілейскі раён, Мінская вобласць) — беларускі скульптар і педагог.

Біяграфія

У 1955—1959 гадах вучыўся ў Мінскім мастацкім вучылішчы на аддзяленні скульптуры. У 1960—1966 гадах ў Беларускі тэатральна-мастацкі інстытут на аддзяленні скульптуры ў Андрэя Бембеля і Аляксея Глебава. З 1963 пачаў браць удзел у усесаюзных мастацкіх выставах. У 1965 годзе атрымаў дыплом і прэмію за ўдзел у конкурсе па стварэнні праекта мемарыяльнага комплексу «Брэсцкая крэпасць-герой».

З 1966 года выкладаў у Беларускім тэатральна-мастацкім інстытуце.

У 1967 годзе разам са скульптарам В. Андрушчанкам удзельнічаў у міжнародным конкурсе на стварэнне помніка 28 героям панфілаўцам для горада Алматы, Казахстан. Праект гэты атрымаў першае месца, і на працягу 1968—1970 гадоў вялася праца па стварэнні комплексу. Урачыстае адкрыццё адбылося ў 1975 годзе, да юбілею Перамогі ў Вялікай Айчыннай вайне. Па вяртанні з Алматы працягнуў працу над праектам комплексу Брэсцкай крэпасці з Андрэем Бембелем. Ідэя Анатоля Арцімовіча — партал у форме зоркі — была выкарыстаная праектнай групай, як галоўны ўваход у Брэсцкі мемарыял.

У 1969 годзе сумесна са скульптарам Андрэем Бембелем і архітэктарам А. А. Стаховічам зрабіў праект архітэктурна-скульптурнага ансамблю «Курган Славы».

У 2005 годзе атрымаў званне прафесара БДАМ.

Творы

Рэльеф «Салідарнасць» на фасадзе Беларускага цэнтра моды ў Мінску (1979)

Помнік Францыску Скарыну

Асноўныя творы ў галіне манументальнай скульптуры: мемарыяльны комплекс «Слава» ў г. Алматы (1975, у сааўт.), рэльеф «Салідарнасць» на фасадзе Беларускага цэнтра моды ў Мінску (1979), манументальная кампазіцыя «Рагнеда» (1992) у Заслаўі, Дзяржаўны герб Беларусі на Доме ўрада (1994), помнікі Еўфрасінні Полацкай у Мінску, князю Барысу і воінам-інтэрнацыяналістам у Барысаве, Айчыннай вайне 1812 года каля вёсцы Студзёнка, Францыску Скарыну ў Калінінградзе (Расія), Уладзіміру Данскому ў Малаяраслаўцы (Расія), бюст маршала Савецкага Саюза Георгія Жукава ў Мінску.

Станковыя работы: «Трубач» (1969), «Араты», «Змена» (абедзве 1980). Распрацоўвае гістарычныя вобразы Ефрасінні Полацкай, Ф. Скарыны, К. Каліноўскага, княгіні Вольгі. Адзін з аўтараў Кургана славы Савецкай Арміі — вызваліцельніцы Беларусі і мемарыяльнага комплексу (уваход) Брэсцкай крэпасці-героя.

Узнагароды

• Дзяржаўная прэмія Рэспублікі Беларусь у галіне літаратуры, мастацтва і архітэктуры (1998, у сааўтарстве) — за помнік Рагнедзе і Ізяславу ў г. Заслаўі, збудаваны ў 1993 годзе,
• медаль Францыска Скарыны (2009),
• Заслужаны дзеяч мастацтваў Рэспублікі Беларусь (2013).

Літаратура

• Арцімовіч Анатоль Яфімавіч // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).
• Арцімовіч А. Я. «Двухфігурны эцюд». Метадычная рэкамендацыя, 2010.
• Арцімовіч А. Я. «Жаночая фігура». Вучэбна-метадычны дапаможнік для спецыяльнасці «Скульптура», Мінск, 1998.

Спасылкі

• Гродзенская праўда «У Смаргоні скульптура „Крылаты геній салдацкай славы“ была адлітая 2 гады таму, але да гэтага часу так і не ўсталяваная»(недаступная спасылка)
• СБ—Беларусь сегодня: «Художнику в рамках тесно» (руск.)
• http://zn.sb.by/kultura-i-iskusstvo-2/article/puteshestvie-na-drakone.html(недаступная спасылка)
• NAVINY.BY В Минске открылась выставка скульптуры «Обогащаясь друг от друга» (руск.)
• NAVINY.BY «Григорий Рапота: войны начинают политики, а страдает народ» (руск.)