Роберт Левандоўскі

З пляцоўкі Вікіпедыя
Футбол
Роберт Левандоўскі
2019147183134 2019-05-27 Fussball 1.FC Kaiserslautern vs FC Bayern München - Sven - 1D X MK II - 0228 - B70I8527 (cropped).jpg
Агульная інфармацыя
Мянушка Левы[1] (польск.: Lewy)
Нарадзіўся 21 жніўня 1988(1988-08-21)[2][3][…] (34 гады)
Грамадзянства Flag of Poland.svg Польшча
Рост 185 см[6]
Вага 81 кг[7]
Пазіцыя нападнік
Інфармацыя пра клуб
Клуб Іспанія Барселона
Нумар 9
Маладзёжныя клубы
1996—1997 Польшча Партызан (Лешна)
1997—2004 Польшча Варсовія (Варшава)
Клубная кар’ера[* 1]
2005 Польшча Дэльта (Варшава) 10 (4)
2005—2006 Польшча Легія II 6 (2)
2006—2008 Польшча Зніч (Прушкаў) 32 (21)
2008—2010 Польшча Лех (Познань) 58 (32)
2010—2014 Германія Барусія (Дортмунд) 131 (74)
2014—2022 Германія Баварыя (Мюнхен) 253 (238)
2022— Іспанія Барселона
Нацыянальная зборная[* 2]
2008 Польшча Польшча (да 21) 3 (0)
2008— Польшча Польшча 132 (76)
  1. Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 22 ліпеня 2022.
  2. Колькасць гульняў і галоў за нацыянальную зборную ў афіцыйных матчах, адкарэктавана станам на 22 ліпеня 2022
Лагатып Вікісховішча Медыяфайлы на Вікісховішчы

Роберт Левандоўскі (польск.: Robert Lewandowski; нар. 21 жніўня 1988, Варшава, Польшча) — польскі футбаліст, нападнік іспанскага клуба «Барселона» і нацыянальнай зборнай Польшчы. Найлепшы футбаліст 2020 і 2021 гадоў па версіі ФІФА.

Клубная кар’ера[правіць | правіць зыходнік]

Раннія гады[правіць | правіць зыходнік]

Трэніраваўся ў моладзевай камандзе «Партызан» з роднага горада Лешна, дзе працаваў яго бацька[8]. Да 2004 года выступаў за варшаўскую «Варсовію». Пасля выступаў за варшаўскія клубы «Дэльта» і «Легія-2». Летам 2006 года перайшоў у «Зніч» з горада Прушкаў. У сезоне 2007/08 стаў найлепшым бамбардзірам Другой лігі Польшчы забіўшы 21 гол у 32 матчах[9].

«Лех» Познань[правіць | правіць зыходнік]

У ліпені 2008 года падпісаў пяцігадовы кантракт з пазнаньскім «Лехам»[10]. Клуб за яго заплаціў 1,5 млн польскіх злотых. У Экстраклясе дэбютаваў 8 жніўня 2008 года ў хатнім матчы супраць «Белхатава» (2:3)[11], у гэтым матчы Левандоўскі забіў гол на 67 хвіліне.

Роберт Левандоўскі звярнуў на сябе ўвагу еўрапейскіх клубаў, гэта значыць ім цікавіліся маскоўскі ЦСКА[12], англійскі «Вест Бромвіч Альбіён»[13], дортмундская «Барусія»[14], галандскі «Феенорд»[15], піцерскі «Зеніт»[16] і данецкі «Шахцёр»[17].

Роберт Левандоўскі стаў тварам папулярнай камп’ютарнай гульні FIFA 10 у Польшчы разам з англічанінам Уэйнам Руні. У снежні 2009 года польскае выданне «Piłka Nożna» прызнала Роберта Левандоўскага найлепшым іграком чэмпіянату Польшчы[18].

«Барусія» Дортмунд[правіць | правіць зыходнік]

19 мая 2010 года стала вядома, што Роберт прайшоў медыцынскае абследаванне ў «Барусіі», а 11 чэрвеня таго ж года ён падпісаў чатырохгадовы кантракт з нямецкім клубам[19]. Сума трансферу лічыцца роўнай каля 4,5 млн еўра[20]. 19 верасня ён забіў свой першы гол у Бундэслізе, у пераможным матчы супраць «Шальке-04», які скончыўся з лікам 3:1[21].

У сезоне 2011/12, дзякуючы траўме Лукаса Барыяса, Роберт трапіў у асноўны склад клуба да зімовага перапынку. Нападнік забіў два галы ў браму «Зандгаўзена», у матчы на Кубак Германіі (3:0). 20 жніўня 2011 года Левандоўскі адкрыў лік сваім галам у новым сезоне Бундэслігі ў матчы супраць «Нюрнберга», «Барусія» атрымала перамогу з лікам 2:0. У кастрычніку «Барусія» дасягнула 2 радку ў табліцы пасля перамогі з лікам 5:0 над «Кёльнам», а Левандоўскі тады адзначыўся дублем[22]. 17 снежня перад зімовым перапынкам Левандоўскі двойчы адзначыўся і аддаў галавую перадачу Кевіну Гроскройцу ў матчы супраць «Фрайбурга». У сувязі з яго якасцю гульні Роберт быў названы лепшым іграком года ў Польшчы[23].

Пасля зімовага перапынку 22 студзеня 2012 года «Барусія» ўшчэнт разбіла «Гамбург» з лікам 5:1, дасяггнуўшы паводле пунктаў лідара «Баварыю», Левандоўскі двойчы забіў і дадаў на свой рахунак галавую перадачу на суайчынніка Якуба Блашчыкоўскага. 11 красавіка польскі нападнік забіў адзін гол у гульні супраць «Баварыі» ў Дортмундзе[24]. У заключнай гульні сезона ў фінале кубка Германіі Левандоўскі зарабіў хет-трык у матчы супраць усё той жа «Баварыю» (5:2).

У новы сезон Левандоўскі з’явіўся на пляцоўцы ў першым туры ў матчы супраць «Вердэра». Першы гол сезона забіў 15 верасня ў пераможным матчы супраць «Баера», які скончыўся з лікам 3:0. Апасля Роберт усталяваў новы клубны рэкорд, забіўчы паслядоўна ў 12 матчах лігі запар, апярэдзіўшы паводле гэтага паказчыку Фрыдгэльма Каніцка[25].

24 красавіка 2013 года Левандоўскі стаў першым іграком, які забіваў чатыры галы ў паўфінале Лігі чэмпіёнаў, дасягнуўшы гэтага паказчыку ў матчы супраць іспанскага «Рэала» (4:1)[26]. 25 мая ён браў удзел у фінал Лігі чэмпіёнаў, аднак «Барусія» атрымала паражэнне з лікам 2:1 ад «Баварыі».

Свой першы гол у сезоне 2013/14 Роберт забіў 10 жніўня ў браму «Аўгсбурга» ў першым матчы сезону[27]. Увосень у Левандоўскага сапсаваліся адносіны з галоўным трэнерам «Барусіі» Юргенам Клопам, з-за жадання паляка перайсці да складу супернікаў з «Баварыі», аднак нягледзячы на гэта Роберт выходзіў на пляцоўку і забіваў мячы за дортмундскі клуб. 1 лістапада ён аформіў свой адзіны хет-трык у сезоне ў пераможным матчы супраць «Штутгарта» (6:1)[28]. 3 студзеня Роберт заключыў кантракт з «Баварыяй», паводле якога свае выступы за клуб ён пачаў з наступнага сезона.

25 лютага 2014 года Роберт двойчы забіў у Лізе чэмпіёнаў мячы ў браму «Зеніта», стаўшы, такім чынам, найлепшым бамбардзірам «Барусіі» у еўракубках, перавысіўшы рэкорд у 16 галоў Стэфана Шапюіза[29]. Сезон Роберт скончыў з паказчыкам 20 галоў у Бундэслізе, стаўшы найлепшым бамбардзірам нямецкага першынства.

«Баварыя»[правіць | правіць зыходнік]

Пра пераход польскага бамбардзіра стала вядома яшчэ ўвосень 2013 года. У студзені 2014 года Роберт заключыў 5-гадовы кантракт з мюнхенскім клубам. 9 ліпеня 2014 года ён быў прадстаўлены ў якасці іграка «Баварыі», атрымаўшы кашулю з 9 нумарам, з якой раней гуляў Марыа Манджукіч, што сышоў у «Атлетыка».

17 снежня 2020 года Роберт Левандоўскі названы найлепшым футбалістам года па версіі ФІФА[30].

11 верасня 2021 года Роберт Левандоўскі забіў за «Баварыю» ў 17-м матчы запар і пабіў рэкорд Герда Мюлера па працягласці галявой серыі для гульцоў нямецкіх клубаў ва ўсіх турнірах[31]. 17 студзеня 2022 года Міжнародная федэрацыя футбола назвала лаўрэатаў 2021 года. Роберт Левандоўскі прызнаны найлепшым футбалістам планеты. 33-гадовы нападаючы стаў самым рэзультатыўным іграком 2021 года, забіўшы 69 мячоў за «Баварыю» і зборную Польшчы[32].

«Барселона»[правіць | правіць зыходнік]

16 ліпеня 2022 года «Баварыя» абвясціла аб дамоўленасці з іспанскай «Барселонай» аб пераходзе Левандоўскага[33]. 19 ліпеня нападнік падпісаў чатырохгадовы кантракт з каталонскім клубам, сума пераходу склала 45 млн еўра, а з магчымымі бонусамі 50 млн еўра. 20 ліпеня Левандоўскі быў афіцыйна прадстаўлены ў якасці іграка «Барселоны»[34].

Міжнародная кар’ера[правіць | правіць зыходнік]

У нацыянальнай зборнай Польшчы дэбютаваў 10 верасня 2009 года ў матчы супраць Сан-Марына (2:0)[35], Левандоўскі выйшаў на 59 хвіліне замест Марка Саганоўскага, а на 67 хвіліне адзначыўся забітым голам. На Еўра 2012 забіў першы гол турніра, але зборная Польшчы не здолела прайсці ў чвэрцьфінал.

Дасягненні[правіць | правіць зыходнік]

Польшча «Лех»

Германія «Барусія» Дортмунд

Германія «Баварыя» Мюнхен

Зноскі

  1. Левы Архівавана 14 снежня 2014.
  2. Robert Lewandowski // ČSFD — 2001.
  3. Robert Lewandowski // FBref.com
  4. ROBERT LEWANDOWSKI // Base de Datos del Futbol Argentino
  5. 90minut.pl — 2003. Праверана 23 верасня 2022.
  6. https://fcbayern.com/de/teams/profis/robert-lewandowski
  7. 9 Robert Lewandowski Angriff
  8. Kulisy Sportu — Robert Lewandowski pt.1/3
  9. Robert Lewandowski. 90minut.pl
  10. Lewandowski zagra w Lechu
  11. Lech Poznań 2-3 GKS Bełchatów. 90minut.pl
  12. Левандовский не перейдет в ЦСКА. dynamomania.com
  13. Р.Левандовский не перейдет в ВБА. football.ua
  14. Р.Левандовский интересен Дортмунду. football.ua
  15. «Фейеноорд» хочет купить Левандовски. Не Мариуша. football.ua
  16. Р.Левандовский перейдет в «Зенит»? football.ua
  17. «Лех» отказал «Шахтёру». football.ua
  18. Мариуш Левандовский — игрок года в Польше. terrikon.dn.ua
  19. Dortmund macht Lewandowski-Transfer perfekt. focus.de
  20. Borussia Dortmund striker Robert Lewandowski hits double as Poland beat Ivory Coast Архівавана 30 сакавіка 2012.. Global news
  21. Schalke 04 1-3 Borussia Dortmund Архівавана 9 лістапада 2012.. ESPN FC.
  22. Borussia Dortmund 5-0 Koln: Five-star champions move second in Bundesliga table Архівавана 21 кастрычніка 2013.. Goal.com.
  23. Lewandowski ist Polens Bester. Kicker.
  24. Borussia Dortmund see off Bayern Munich to close on successive title. The Guardian.
  25. BVB-Torjäger Lewandowski überholt Konietzka Архівавана 21 студзеня 2016.. ruhrnachrichten.de.
  26. Four-goal Lewandowski leaves Madrid reeling. UEFA.
  27. Aubameyang hat-trick has Dortmund flying. Bundesliga.
  28. Lewandowski shines as Stuttgart hit for six. Bundesliga.com.
  29. Lewandowski najlepszym strzelcem BVB w Europie!. sport.wp.pl.
  30. fifa.com Архівавана 18 снежня 2020.
  31. pressball.by
  32. blr.belta.by
  33. Футбол. "Бавария" официально объявила о переходе Роберта Левандовского в "Барселону". pressball.by
  34. Футбол. Роберт Левандовски официально представлен как игрок "Барселоны". pressball.by
  35. PZPN.PL — Oficjalny Serwis Polskiego Futbolu Архівавана 5 красавіка 2009.. pzpn.pl

Спасылкі[правіць | правіць зыходнік]