Валянцін Паўлавіч Зорын

Валянцін Паўлавіч Зорын
Міністр лясной гаспадаркі Рэспублікі Беларусь 17 кастрычніка 1994 — 1 лістапада 2001
Прэзідэнт	Аляксандр Лукашэнка
Кіраўнік урада	Міхаіл Чыгір Сяргей Лінг Уладзімір Ярмошын
Папярэднік	Георгій Маркоўскі
Пераемнік	Пётр Сямашка
Нараджэнне	2 мая 1948(1948-05-02) (73 гады) Крывошын, Крывошынскі сельсавет, Ляхавіцкі раён, Баранавіцкая вобласць, БССР, СССР
Адукацыя	Полацкі лясны тэхнікум (1967), Беларускі тэхналагічны інстытут (1981)
Навуковая ступень	кандыдат навук
Навуковае званне	прафесар
Месца працы	Беларускі дзяржаўны тэхналагічны ўніверсітэт
Узнагароды

Валянці́н Па́ўлавіч Зорын (нар. 2 мая 1948, в. Крывошын Ляхавіцкі раён Брэсцкай вобласці, Беларуская ССР) — беларускі дзяржаўны дзеяч, былы міністр лясной гаспадаркі Рэспублікі Беларусь, прафесар.

Біяграфія

Нарадзіўся 2 мая 1948 года ў в. Крывошын Ляхавіцкага раёна Брэсцкай вобласці.

З 1963 па 1967 — вучыўся ў Полацкім лясным тэхнікуме. З 1975 па 1981 вучыўся ў Беларускім тэхналагічным інстытуце ім Кірава на лесагаспадарчым факультэце, спецыяльнасць - інжынер лясной гаспадаркі (завочна).

З 1969 па 1971 — памочнік ляснічага ў Лагойскім, а затым у Капыльскім лясгасе Мінскай вобласці.

З 1971 па 1974 — начальнік цэха шырспажыву Капыльскага лясгаса.

З 1974 па 1981 — ляснічы Колаўскага лясніцтва Капыльскага лясгаса.

З 1981 па 1984 — дырэктар Дратунскага ваеннага лясгаса.

З 1983 па 1985 — дырэктар Пухавіцкага лясгаса Мінскай вобласці.

З 1985 па 1994 — намеснік Міністра лясной гаспадаркі Беларусі.

З 17 кастрычніка 1994 па 1 лістапада 2001 быў міністрам лясной гаспадаркі Беларусі.

З 2002 — прафесар кафедры лесаўпарадкавання БДТУ.

Навуковая дзейнасць

4 сакавіка 2008 года абараніў кандыдацкую дысертацыю на тэму «Устойлівае кіраванне лясамі і дынаміка ляснога фонду Беларусі».

Асноўныя навуковыя дасягненні:

• удзел у распрацоўцы праграм касмічнага маніторынгу лясоў Беларусі;
• ўлік і прагноз лясных рэсурсаў пры планаванні прыродакарыстання;
• ўкараненне аўтаматызаванай сістэмы ўліку лесасыравінных рэсурсаў.

Сааўтар двух манаграфій.

Спасылкі

• Старонка на Вікіпедзіі БДТУ(руск.)