Віктар Уладзіміравіч Саркісьян

Віктар Уладзіміравіч Саркісьян
Дата нараджэння	6 лютага 1947(1947-02-06) (77 гадоў)
Месца нараджэння	Каменск-Шахцінскі, Растоўская вобласць, РСФСР, СССР
Грамадзянства	СССР  Беларусь
Адукацыя	Беларускае дзяржаўнае харэаграфічнае вучылішча (1967)
Прафесія	артыст балета
Тэатр	Дзяржаўны акадэмічны Вялікі тэатр оперы і балета БССР Беларускае дзяржаўнае харэаграфічнае вучылішча Беларускі дзяржаўны акадэмічны музычны тэатр Вышэйшы інстытут драматычнага мастацтва (Дамаск)[d]
Член у	БСТД
Узнагароды	Бронзавы медаль Міжнароднага конкурсу артыстаў балета і харэографаў[d] (1969)

Віктар Уладзіміравіч Саркісья́н (нар. 6 лютага 1947, г. Каменск-Шахцінскі, Растоўская вобласць, РСФСР) — беларускі артыст балета. Народны артыст БССР (1975).

Біяграфія

Пасля сканчэння Беларускае харэаграфічнае вучылішча ў 1967 годзе быў салістам Дзяржаўнага тэатра оперы і балета Беларусі да 1989 года. У 1967—1973 гадах адначасова выкладчык Беларускае харэаграфічнае вучылішча, у 1983—1985 галоўны балетмайстар Дзяржаўнага тэатра музычнай камедыі Беларусі.

У 1989—1992 гадах працаваў у Дамаску (Сірыя) у Акадэміі мастацтваў.

Член Беларускага саюза тэатральных дзеячаў з 1973 года.

Творчасць

Танец Саркісьяна вылучаецца пластычнай выразнасцю, моцнай экспрэсіяй, віртуознай тэхнікай, вялікім скачком. Індывідуальнасць артыста здольная асіміляваць розныя ролі і стылі. Яму падуладныя класіка і характарнасць, гратэск і героіка. Дэбютаваў у партыі Базіля («Дон Кіхот» Л. Мінкуса). Сярод лепшых партый: Нуралі («Бахчысарайскі фантан» Б. Асаф’ева), Армен («Гаянэ» А. Хачатурана), П’еро («Арлекінада» Р. Дрыга), Іван («Альпійская балада» Я. Глебава), Тарэра («Кармэн-сюіта» Ж. Бізэ — Р. Шчадрына), Крас («Спартак» А. Хачатурана). Найб. нечаканыя яркія і выразныя, з’едліва саркастычныя і трагічна гратэскавыя вобразы Саркісьяна: кароль Філіп («Тыль Уленшпігель» Я. Глебава) і Д’ябал («Стварэнне свету» А. Пятрова). 3 іншых партый: Юнак («Пасля балю» Г. Вагнера), Тыль і Машэка («Тыль Уленшпігель» і «Курган» Я. Глебава), Блазан і Ротбарт, Кот («Лебядзінае возера», «Спячая прыгажуня» П. Чайкоўскага), Чыпаліна («Чыпаліна» К. Хачатурана), Блазан («Папялушка» С. Пракоф’ева). Выступіў як балетмайстар у спектаклях: «Паненка і хуліган» на музыку Дз. Шастаковіча (1982), «Фраскіта» Ф. Легара (1984), «Дзяніс Давыдаў» А. Мдывані (1985) у тэатры музычнай камедыі; «Казкі Гофмана» Ж. Афенбаха (1983) і «Кавалер руж» Р. Штрауса (1987) у тэатры оперы і балета.

Узнагароды

Лаўрэат 1-га Міжнароднага конкурсу артыстаў балета (1969, Масква).

Літаратура

• Саркісьян Віктар Уладзіміравіч // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2003. — Т. 2. — 571 с. — 4 000 экз. — ISBN 985-11-0259-8.
• Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 182. — 10 000 экз. — ISBN 985-11-0035-8. — ISBN 985-11-0238-5 (т. 14).
• Саркісьян Віктар Уладзіміравіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 646—647. — 800 с. — 5 000 экз. — ISBN 985-11-0026-9.
• Балет : энциклопедия. — Москва, 1981. — С. 452. (руск.)