У Вікіпедыі ёсць артыкулы пра іншых людзей з імем Барка.
Гамількар Барка (Маланка) (каля 270-228 гг. да н. э.) — карфагенскі ваеначальнік і дзяржаўны дзеяч, бацька Ганібала, удзельнік Першай Пунічнай вайны на баку Карфагена, вёў дзейсныя баявыя дзеянні з рымлянамі ў Сіцыліі. Пасля вайны ініцыяваў пачатак заваёвы Карфагенам Іспаніі, з мэтай павелічэння рэсурсаў дзяржавы да моманту наступнай вайны з Рымам. Удзельнічаў у падаўленні паўстання карфагенскіх наймітаў пасля заканчэння Першай Пунічнай.
