Георг Отс

Георг Отс
Georg Ots
Георг Отс; Georg Ots
Асноўная інфармацыя
Дата нараджэння	21 сакавіка 1920
Месца нараджэння	Петраград, РСФСР
Дата смерці	5 верасня 1975 (55 гадоў)
Месца смерці	Талін, Эстонская ССР, СССР;
Месца пахавання	Лясныя могілкі[d];
Краіна	СССР ; Эстонія
Бацька:	Karl Ots[d]
Альма-матар	Эстонская акадэмія музыкі і тэатра;
Музычная дзейнасць
Прафесіі	спявак, оперны спявак, акцёр
Пеўчы голас	барытон
Інструменты	голас[d]
Жанры	опера
Грамадская дзейнасць
Партыя	КПСС;
Прэміі
	Выявы на Вікісховішчы

Георг Отс (эст.: Georg Ots; 21 сакавіка 1920, Петраград, Расійская СФСР — 5 верасня 1975, Талін, Эстонская ССР) — папулярны савецкі і эстонскі оперны і эстрадны спявак (лірычны барытон). Народны артыст СССР (1960), лаўрэат дзвюх Сталінскіх (1950, 1952) і Дзяржаўнай прэміі СССР (1968). Член ВКП(б) з 1946 года.

Біяграфія[правіць | правіць зыходнік]

Нарадзіўся 21 сакавіка 1920 года ў Петраградзе (Расійская СФСР).

З 1944 года артыст хора, з 1945 года саліст тэатра оперы і балета «Эстонія». Скончыў у 1951 годзе Талінскую кансерваторыю (клас Ц. Куўзіка), у 1951—1552 яе рэктар.

Член ВКП (б) з 1946 года. Дэпутат Вярхоўнага Савета СССР 9-га склікання.

Памёр 5 верасня 1975 года ў Таліне (Эстонская ССР). Пахаваны ў Таліне на Лясных могілках.

Творчасць[правіць | правіць зыходнік]

Валодаў моцным голасам прыгожага аксаміцістага тэмбру, вялікага дыяпазону, бездакорным густам і артыстызмам. Выступаў у оперы, аперэце, як камерны і эстрадны спявак. Сярод партый: у нацыянальных операх — Мэеліс («Лембіту» В. Капа), Вампа («Агні помсты» Э. Капа), Пятроў («Бераг бур» Г. Эрнесакса); іншых партыі — Яўген Анегін («Яўген Анегін» П. Чайкоўскага), Дэман («Дэман(руск.) бел.» А. Рубінштэйна), Дон Жуан, Папагена, Фігара («Дон Жуан», «Чароўная флейта», «Вяселле Фігара(руск.) бел.» В. А. Моцарта), Эскамілья («Кармэн» Ж. Бізэ), Яга, Рэната, Рыгалета («Атэла», «Баль-маскарад(руск.) бел.», «Рыгалета» Дж. Вердзі), Джэні Скікі, Марсель («Джані Скікі(руск.) бел.» і «Багема(руск.) бел.» Дж. Пучыні), Малатэста («Дон Паскуале(руск.) бел.» Г. Даніцэці); у аперэтах — Юры («Руму Юры» Л. Нормета і Э. Ара), Даніла («Вясёлая ўдава» Ф. Легара), містар Ікс, Тасіла, прынц Раджамі («Прынцэса цырка(руск.) бел.», «Марыца(руск.) бел.», «Баядэра(руск.) бел.» І. Кальмана), Марка («Вольны вецер» І. Дунаеўскага), Дон Кіхот і Сервантэс («Чалавек з Ламанчы» М. Лі). Першы выканаўца многіх песень сучасных кампазітараў. Здымаўся ў кіно («Святло ў Коардзі(руск.) бел.», 1952; «Містар Ікс(руск.) бел.», 1958; «Выпадковая сустрэча», 1961; «Кала Бруньён(руск.) бел.», 1974).

Ушанаванне памяці[правіць | правіць зыходнік]

У гонар Георга Отса названы аўтамабільна-пасажырскі паром «Георг Отс», які быў пабудаваны ў 1980 годзе ў г. Шчэцін, ПНР.
У 1980 годзе ў гонар Георга Отса выпушчана паштовая марка СССР.

Зноскі

Літаратура[правіць | правіць зыходнік]

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2000. — Т. 11: Мугір — Паліклініка. — 560 с. — 10 000 экз. — ISBN 985-11-0188-5 (т. 11), ISBN 985-11-0035-8.

Спасылкі[правіць | правіць зыходнік]

На Вікісховішчы ёсць медыяфайлы па тэме Георг Отс
Георг Отс на сайце Peoples.ru
Георг Карлавіч Отс
Георг Отс на Last.fm