Даніэль Канеман

Даніэль Канеман
англ.: Daniel Kahneman
Дата нараджэння	5 сакавіка 1934(1934-03-05) (84 гады)
Месца нараджэння	Тэль-Авіў, Брытанскі мандат у Палесціне
Грамадзянства	Ізраіль  ЗША
Жонка	Anne Treisman[d]
Род дзейнасці	псіхолаг, эканаміст, прафесар універсітэта
Навуковая сфера	эканоміка і сацыяльная псіхалогія
Месца працы	Прынстанскі ўніверсітэт Універсітэт Брытанскай Калумбіі Каліфарнійскі ўніверсітэт у Берклі Мічыганскі ўніверсітэт
Навуковая ступень	доктарская ступень[d]
Альма-матар	Яўрэйскі ўніверсітэт у Іерусаліме Каліфарнійскі ўніверсітэт у Берклі
Навуковы кіраўнік	Susan M. Ervin-Tripp[d]
Узнагароды і прэміі	Нобелеўская прэмія па эканоміцы (2002) Leontief Prize for Advancing the Frontiers of Economic Thought[d] (2010) Глабальная эканамічная прэмія[d] (2012) Grawemeyer Award[d] (2003) William James Fellow Award[d] (1989) APA Award for Lifetime Contributions to Psychology[d] (2007) Talcott Parsons Prize[d] (2011) 50 Most Influential[d] (2011) 50 Most Influential[d] (2012) APA Award for Distinguished Scientific Contributions to Psychology[d] (1982)
Сайт:	princeton.edu/~kahneman
Daniel Kahneman на Вікісховішчы

Даніэль Канеман (англ.: Daniel Kahneman, іўр.: דניאל כהנמן, нар. 5 сакавіка 1934, Тэль-Авіў) — ізраільска-амерыканскі псіхолаг, адзін з заснавальнікаў псіхалагічнай эканамічнай тэорыі і паводніцкіх фінансаў, у якіх аб'яднаныя эканомікс і кагнітівістыка для тлумачэння ірацыянальнасці адносін чалавека да рызыкі ў прыняцці рашэнняў і ў кіраванні сваімі паводзінамі. Знакаміты дзякуючы сваёй працы, выкананай сумесна з Амосам Тверскі і іншымі аўтарамі, па ўсталяванні кагнітыўнай асновы для агульных чалавечых памылак ў выкарыстанні эўрыстыкі, а таксама для развіцця тэорыі перспектыў; лаўрэат Нобелеўскай прэміі па эканоміцы (2002) «за ўжыванне псіхалагічнай методыкі ў эканамічнай навуцы, асабліва — пры даследаванні фарміравання меркаванняў і прыняцця рашэнняў ва ўмовах нявызначанасці» (сумесна з В. Смітам), нягледзячы на тое, што даследаванні праводзіў як псіхолаг, а не як эканаміст.

Біяграфія

Канеман нарадзіўся ў Тэль-Авіве, правёў свае дзіцячыя гады ў Парыжы, пераехаў у Палесціну ў 1946 годзе. Атрымаў ступень бакалаўра матэматыкі і псіхалогіі ў Яўрэйскім універсітэце ў Іерусаліме ў 1954 годзе, пасля чаго працаваў у Арміі абароны Ізраіля, у асноўным у псіхалагічным аддзеле. Падраздзяленне, у якім ён служыў, займалася адборам і тэставаннем прызыўнікоў. Канеман распрацоўваў інтэрв'ю для ацэнкі асобы.

Пасля звальнення з войска Канеман вярнуўся ў Яўрэйскі ўніверсітэт, дзе праслухаў курсы логікі і філасофіі навукі. У 1958 годзе пераехаў у Злучаныя Штаты Амерыкі і атрымаў ступень доктара філасофіі па псіхалогіі ў Каліфарнійскім універсітэце, Берклі ў 1961 годзе.

З 1969 года супрацоўнічаў з Амосам Тверскі, які па запрашэнні Канемана чытаў у Яўрэйскім універсітэце лекцыі аб ацэнцы верагоднасці падзей.

У цяперашні час працуе ў Прыстанскім універсітэце, а таксама ў Яўрэйскім універсітэце. Уваходзіць у рэдакцыйны савет часопіса «Economics and Philosophy».