Джэралд Дарэл

Джэралд Дарэл
англ.: Gerald Malcolm Durrell
Род дзейнасці	пісьменнік, біёлаг, кансервацыяніст, вядучы, натураліст, заолаг, падарожнік
Дата нараджэння	7 студзеня 1925(1925-01-07)[…]
Месца нараджэння	Джамшэдпур, Усходні Сінгхбхум[d], Bihar and Orissa Province[d], Брытанская Індыя, Брытанская імперыя, Вялікабрытанія
Дата смерці	30 студзеня 1995(1995-01-30)[…] (70 гадоў)
Месца смерці	Востраў Джэрсі
Грамадзянства	Вялікабрытанія
Бацька	Лоўрэнс Сэмюэл Дарэл[d]
Маці	Луіза Дзіксі Дарэл[d]
Жонка	Jacquie Durrell[d] і Lee McGeorge Durrell[d]
Месца працы	Jersey Zoo[d]
Узнагароды і прэміі
Медыяфайлы на Вікісховішчы

Джэралд Малькальм Дарэл (англ.: Gerald Malcolm Durrell; 7 студзеня 1925, Джамшэдпур, Брытанская Індыя — 30 студзеня 1995, Сент-Хеліер, Джэрсі) — брытанскі натураліст, навуковец-заолаг, пісьменнік, заснавальнік заапарка на Джэрсі і Фонду аховы дзікай прыроды, якія цяпер носяць яго імя.

Малодшы брат вядомага пісьменніка-раманіста Лорэнса Дарэла.

Біяграфічныя звесткі

Нарадзіўся ў Брытанскай Індыі. У 1928 сям'я пераехала ў Англію, у 1935 — на востраў Корфу (Грэцыя), з 1939 зноў у Англіі. У 1947 арганізаваў і ўзначаліў сваю першую экспедыцыю па збіранні калекцыі рэдкіх жывёл у Афрыку, пазней — у Паўднёвую Амерыку, Паўднёва-Усходнюю Азію, Аўстралію, Новую Зеландыю і інш.

У 1959 годзе Дж. Дарэл стварыў на востраве Джэрсі (Вялікабрытанія) заапарк, а ў 1963 годзе на базе заапарка быў арганізаваны фонд па захаванні дзікіх жывёл. Асноўная ідэя — развядзенні рэдкіх і знікаючых відаў жывёл ва ўмовах заапарка з мэтай далейшага рассялення іх у месцах натуральнага пражывання. Цяпер гэтая ідэя стала агульнапрынятай навуковай канцэпцыяй.

Літаратурная творчасць

Вядомасць прынесла першая кніга «The Overloaded Ark» (1953). Аўтар многіх кніг: «My Family and Other Animals» (1956), «Encounters with Animals» (1959), «A Zoo in My Luggage» (1960), «Birds, Beasts And Relatives» (1969), «The Garden of the Gods» (1978) і інш., якія вызначаюцца шчырай любоўю да прыроды, бездакорным стылем, тонкім гумарам і вобразнай мовай. Кнігі Д. Дарэла перакладзены на дзесяткі моў. Вялізнай папулярнасцю яго кнігі карысталіся і ў СССР.

Асноўныя літаратурныя творы

• 1953 — The Overloaded Ark
• 1954 — Three Singles To Adventure
• 1954 — The Bafut Beagles
• 1955 — The New Noah
• 1955 — The Drunken Forest
• 1956 — My Family and Other Animals
• 1960 — A Zoo in My Luggage
• 1961 — Look At Zoos
• 1961 — The Whispering Land
• 1964 — Menagerie Manor
• 1966 — Two in The Bush
• 1968 — The Donkey Rustlers
• 1968 — Rosy Is My Relative
• 1969 — Birds, Beasts And Relatives
• 1971 — Fillets of Plaice
• 1972 — Catch Me A Colobus
• 1973 — Beasts In My Belfry
• 1974 — The Talking Parcel
• 1976 — The Stationary Ark
• 1977 — Golden Bats and Pink Pigeons
• 1978 — The Garden of the Gods
• 1979 — The Picnic and Suchlike Pandemonium
• 1981 — The Mockery Bird
• 1982 — The Amateur Naturalist
• 1982 — Ark on the Move
• 1984 — How to Shoot an Amateur Naturalist
• 1986 — Durrell in Russia
• 1990 — The Ark's Anniversary
• 1991 — Marrying Off Mother
• 1992 — The Aye-aye and I

Узнагароды і прэміі

• 1956 — Член Міжнароднага інстытута мастацтваў і літаратуры
• 1974 — Член Інстытута Біялогіі ў Лондане
• 1976 — Ганаровы дыплом аргенцінскага таварыства абароны жывёл
• 1977 — Ганаровая ступень доктара гуманітарнай літаратуры Ельскага ўніверсітэта
• 1981 — Афіцэр ордэна Залатога Каўчэга
• 1982 — Афіцэр ордэна Брытанскай імперыі (OBE)
• 1988 — Ганаровая ступень доктара навук, ганаровы прафесар Універсітэта Дарема
• 1988 — Медаль у гонар дня Рычарда Хупера — Акадэмія натуральных навук, Філадэльфія
• 1989 — Ганаровая ступень доктара навук Кентскага ўніверсітэта, Кентэрберы

Віды і падвіды жывёл, названыя ў гонар Джэралда Дарэла

• Nactus serpensinsula durrelli — падвід гекона з Маскарэнскіх астравоў. Названы ў гонар Джэральда і Лі (яго другой жонкі) Дарэлаў .
• Ceylonthelphusa durrelli — вельмі рэдкі прэснаводны краб з вострава Шры-Ланка.
• Benthophilus durrelli — рыба з сямейства бычковых, адкрытая ў 2004 годзе.
• Kotchevnik durrelli — начны матылёк з сямейства Cossidae, выяўлены ў Арменіі і апісаны ў 2004 годзе.
• Mahea durrelli — мадагаскарский клоп з сямейства Acanthosomatidae. Апісаны ў 2005 годзе.
• Centrolene durrellorum — драўняная жаба з сямейства Centrolenidae. Сустракаецца ў Эквадоры ва ўсходніх перадгор'ях Анд. Адкрыта ў 2002 годзе, апісаная ў 2005. Названая ў гонар Джэральда і Лі Дарэлов «за іх уклад у захаванне сусветнай біяразнастайнасці».
• Salanoia durrelli (мунга Дарэла) — млекакормячая жывёла, падобная на мангуста, з сямейства мадагаскарскіх вівер. Вядзецца на Мадагаскары ў узбярэжнай зоне возера Алаотра. Від знойдзены і апісаны ў 2010 годзе.

Літаратура

• Саркісава Н. Дарэл // БЭ ў 18 т. Т. 6. Мн., 1998.