Жырмуны (Лідскі раён)

Вёска Жырмуны Краіна Беларусь Вобласць Гродзенская Раён Лідскі Сельсавет Крупаўскі Каардынаты 53°59′47″ пн. ш. 25°12′16″ у. д. Насельніцтва 82 чал. (2010) Часавы пояс UTC+3 Тэлефонны код +375 1561 Аўтамабільны код 4 СААТА 4236843051 Жырмуны на карце Беларусі ±

Жырмуны на Вікісховішчы

Жырму́ны (трансліт.: Žyrmuny, руск.: Жирмуны) — вёска ў Лідскім раёне Гродзенскай вобласці. Уваходзіць у склад Крупаўскага сельсавета.

Гісторыя

У XVIII ст. маёнтак Жырмуны ад Завішаў перайшоў да Радзівілаў у якасці пасагу Барбары Завішы-Кезгайлы (1690—1770), якая ў 1710 годзе выйшла замуж за князя Мікалая Фаўстына Радзівіла (1688—1746). Потым маёнтак дастаўся іхняму сыну Станіславу Радзівілу (1722—1787), краўчаму, падкамораму Вялікага Княства Літоўскага, генерал-лейтэнанту, які быў жанаты з Каралінай Пацей (1732—1776).

У другой палове XVIII ст. Станіслаў Радзівіл вырашыў пабудаваць у фальварку Жырмункi, які знаходзіўся недалёка ад яго маёнтка, палацава-паркавы комплекс. Ім былі пабудаваны прыгожая ўязная брама, два бакавыя двухпавярховыя афіцыны ў стылі класіцызму, прычым паўднёва-ўсходнюю афіцыну з багатым афармленнем унутраных інтэр'ераў, займалі самі Радзівілы; у паўночна-заходняй афіцыне жыла прыслуга. Былі пабудаваны таксама гаспадарчыя пабудовы, пасаджаны вялікі і прыгожы парк. Будаўніцтва самога палаца з-за смерці князя ў 1787 годзе не было распачата. У 1915 і 1939 гадах сядзіба была разрабавана.

Славутасці

Палацава-паркавы ансамбль Радзівілаў не быў дабудаваны, захавалася ўязная брама, руіны афіцынаў, а таксама калона, якая стаіць асобна.

• Палацава-паркавы комплекс Радзівілаў у Жырмунах
• 

  Агульны выгляд, 2019 год

• 

  Брама

• 

  Брама

• 

  Скляпенні

Літаратура

• Лаўрэш Л. Калона арханёла Рафаіла ў Жырмунах // Лідскі летапісец 2017. № 1(77). — C. 38.
• Rybak A. Dekanat lidzki w 1784 roku w swietle opisow parafii. — Bialystok, 2004. — S. 117.

Спасылкі

• radzima.org