Касцёл Узвышэння Святога Крыжа (Першамайск)
| Каталіцкі храм | |
| Касцёл Узвышэння Святога Крыжа | |
|---|---|
| 53°54′36″ пн. ш. 24°38′46″ у. д.HGЯO | |
| Краіна |
 Беларусь |
| Аграгарадок | Першамайск |
| Канфесія | Каталіцызм |
| Епархія |
Гродзенская дыяцэзія Шчучынскі дэканат |
| Першая згадка | 1918 |
| Будаўніцтва | 1918 |
 |
|
Касцёл Узвышэння Святога Крыжа — мураваны каталіцкі храм у аграгарадку Першамайск Шчучынскага раёна Гродзенскай вобласці. Размяшчаецца ў паўночнай частцы вёскі.
Гісторыя
[правіць | правіць зыходнік]Да 1920 года жыхары Сабакінцаў (цяпер Першамайск) не мелі ўласнай святыні. Мясцовыя вернікі адносілся да Забалацка-Сабакінскай парафіі і былі вымушаны дабірацца да касцёла ў Забалаці. Парафіяне з Сабакінцаў пайшлі з прашэннем да мясцовай улады аб выдзяленні ім якога-небудзь будынка. У выніку ім перадалі склад, што знаходзіўся ў прыдатным стане. У 1923 годзе з’яўляецца касцёл пад тытулам Узвышэння Святога Крыжа і парафія, якая пачынае называцца Сабакінскай.
У 1925 годзе быў арганізаваны камітэт пабудовы мураванага касцёла. Тэрыторыю для святыні ахвяраваў уладальнік маёнтка Сабакінцы Станіслаў Крыдаль. Новую святыню пасвяціў арцыбіскуп Віленскі Рамуальд Ялбжыкоўскі 17 кастрычніка 1938 года.
У савецкія часы касцёл пэўны час быў зачынены. Адрамантаваны і асвечаны ў 1990 годзе.
Архітэктура
[правіць | правіць зыходнік]Помнік архітэктуры мадэрна. Вырашаны прамавугольным у плане аб'ёмам пад двухсхільным дахам. Да вуглоў франтальнага фасада далучаны чатырохгранныя двух’ярусныя вежы, прарэзаныя наверсе круглымі люкарнамі і завершаныя шпілямі з крыжамі. Цэнтральная частка фасада завершана франтонам з увагнутымі гранямі і вылучана акруглым казырком на двух чатырохгранных пілонах. Плоскасныя бакавыя фасады рытмічна расчлянёны стральчатымі аконнымі праёмамі і контрфорсамі ў прасценках (рудыменты неаготыкі). 3 алтарнага боку далучана прамавугольная ў плане апсіда, да вуглоў якой прыбудаваны чатырохгранныя сакрысціі. Тарцовы фасад апсіды завершаны франтонам з увагнутымі схіламі (рудыменты неабарока).
Касцёл абкружаны бутавай агароджай[1].
Зноскі
- ↑ ПЕРШАМАЙСКІ КАСЦЁЛ УЗВЫШЭННЯ СВЯТОГА КРЫЖА(недаступная спасылка)
Літаратура
[правіць | правіць зыходнік]- Кулагін А. М. Каталіцкія храмы Беларусі: Энцыкл. даведнік / А. М. Кулагін.