Катмінаўцы

Вёска Катмінаўцы Краіна Беларусь Вобласць Брэсцкая Раён Баранавіцкі Сельсавет Маўчадскі Каардынаты 53°15′52″ пн. ш. 25°51′23″ у. д. Насельніцтва ▼106 чал. (2009) Часавы пояс UTC+3 Тэлефонны код +375 163 Аўтамабільны код 1 Катмінаўцы на карце Беларусі ±

Катмі́наўцы (трансліт.: Katminaŭcy, руск.: Катминовцы) — вёска ў Баранавіцкім раёне Брэсцкай вобласці. Уваходзіць у склад Маўчадскага сельсавета. Размешчана за 24 км на паўночны захад ад Баранавіч, за 2 км ад чыгуначнай станцыі Мордычы на лініі Баранавічы—Ліда. Насельніцтва 129 жыхароў, 52 гаспадаркі (2005).

Назва

Назва адыменная, ад двухасноўнага балцка-літоўскага імя Kant-min'as. У літоўскай антрапаніміі вядомыя адпаведныя іменныя асновы Kant- i Min-.

Гісторыя

Паводле перапісу 1897 годзе ў Гарадзішчанскай воласці Навагрудскага павета Мінскай губерні, дзейнічаў ветраны млын.

З 1921 года ў складзе Польшчы, у Гарадзішчанскай гміне Навагрудскага павета.

З 1939 года ў БССР. З 15 студзеня 1940 года ў Гарадзішчанскім раёне Баранавіцкай, з 8 студзеня 1954 года Брэсцкай абласцей, з 25 снежня 1962 года ў Баранавіцкім раёне.

У Вялікую Айчынную вайну з канца чэрвеня 1941 года да ліпеня 1944 года вёска акупіравана нямецка-фашысцкімі захопнікамі. На франтах вайны загінулі 10 жыхароў.

Да 14 красавіка 1960 года вёска ўваходзіла ў склад Гірмантаўскага сельсавета.

Насельніцтва

• XIX стагоддзе:
  • 1897 — 43 двары, 345 жыхароў;
• XX стагоддзе:
  • 1959 — 309 жыхароў;
  • 1998 — 63 двары, 129 жыхароў;
• XXI стагоддзе:
  • 2005 — 129 жыхароў, 52 гаспадаркі.

Літаратура

• Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх