Данейкі

Вёска Данейкі Краіна Беларусь Вобласць Брэсцкая Раён Баранавіцкі Сельсавет Маўчадскі Каардынаты 53°23′09″ пн. ш. 25°44′23″ у. д. Насельніцтва ▼40 чал. (2019) Часавы пояс UTC+3 Тэлефонны код +375 163 Аўтамабільны код 1 СААТА 1204854006 Данейкі на карце Беларусі ±

Дане́йкі (трансліт.: Daniejki, руск.: Данейки) — вёска ў Баранавіцкім раёне Брэсцкай вобласці. Уваходзіць у склад Маўчадскага сельсавета. Размешчана за 42 км на паўночны захад ад Баранавіч, за 10 км ад чыгуначнай станцыі Міцкевічы на лініі Баранавічы—Ліда. Насельніцтва 107 жыхароў, 57 гаспадарак (2005).

Назва

Вядомае балцка-літоўскае аднаасноўнае імя Daneikis, Daneika. Аснова Dan- таксама і ў двухасноўных імёнах, як Tri-danas, Vai-danas, ад якіх тапонімы Трыданы (ля Мядзела), Вайданы (былі на рацэ Дзісне каля Якубава).

Таго ж іменнага паходжання назвы не існых цяпер вёсак Данейкава, Данейкаўшчына (былі, адпаведна, каля Ідолты і каля Тракеляў).

Гісторыя

Па пісьмовых крыніцах паселішча вядома з XVI ст. У 1567 годзе ўласнасць шляхцічаў Я. Івановіча, Ж. Якубовіча і Л. Пятровіча, якія выстаўлялі ў войска Вялікага Княства Літоўскага па адным конным воіну.

З 1795 года ў складзе Расійскай імперыі. У 1862 годзе адкрыта народнае вучылішча. У 1909 годзе ў Пачапаўскай воласці Навагрудскага павета Мінскай губерні.

З 1921 года ў складзе Польшчы, у Пачапаўскай гміне Навагрудскага павета.

З 1939 года ў БССР. З 15 студзеня 1940 года ў Гарадзішчанскім раёне Баранавіцкай, з 8 студзеня 1954 года Брэсцкай абласцей, з 25 снежня 1962 года ў Баранавіцкім раёне.

У Вялікую Айчынную вайну з канца чэрвеня 1941 года да ліпеня 1944 года акупіраваны нямецка-фашысцкімі захопнікамі, на франтах вайны загінула 12 вяскоўцаў.

Інфраструктура

Працуе магазін.

Насельніцтва

• XX стагоддзе:
  • 1909 — 63 двары, 365 жыхароў.
  • 1921 — 65 двароў, 330 жыхароў.
  • 1939 — 343 жыхары.
  • 1959 — 372 жыхары.
  • 1998 — 87 двароў, 135 жыхароў.
• XXI стагоддзе:
  • 2005 — 107 жыхароў, 57 гаспадарак.

Вядомыя асобы

• Анатоль Канстанцінавіч Клышка — беларускі пісьменнік.
• Міхась Канстанцінавіч Клышка — беларускі мовазнавец.

Літаратура

• Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх