Конкурс выканаўцаў эстраднай песні «Віцебск»
Конкурс выканаўцаў эстраднай песні «Віцебск» — гэта традыцыйны міжнародны вакальны конкурс сярод выканаўцаў ад 18 да 31 года, які штогод праводзіцца падчас Міжнароднага фестывалю мастацтваў «Славянскі Базар у Віцебску». Конкурс заснаваны ў 1992 годзе і з’яўляецца адзіным фестывальным мерапрыемствам, якое прысутнічала на ўсіх без выключэння віцебскіх фестывалях пачынаючы ад моманту заснавання «Славянскага базару». Паводле афіцыйнай фармулёўкі, конкурс мае за мэту «раскрыццё і падтрымку маладых талентаў, папулярызацыю музыкальнай культуры і мастацтва, узаемадзеянне і дыялог культур розных краін»[1].
Конкурс з’яўляецца адным з найбольш папулярных сярод выканаўцаў з краін СНД, Балтыі, а таксама Балканскіх краін. 8 разоў на конкурсе перамагалі прадстаўнікі краін былой Югаславіі. Для шмат каго з Беларускіх выканаўцаў конкурс зрабіўся пачатковым крокам на вялікую сцэну. У розныя гады Беларусь на конкурсе прадстаўлялі Іна Афанасьева, Ірына Дарафеева, Вікторыя Алешка, Пётр Ялфімаў, Георгій Калдун і іншыя беларускія спевакі і спявачкі. Конкурс адкрыў Еўропе такія імёны як Марыя Навумава, Руслана, Жэлька Ёксімавіч, Ташэ Праескі, Бобі Майсоскі, Таісія Павалій.
З 2003 года таксама праводзіцца і дзіцячы аналаг конкурсу «Віцебск».
Фармат і правілы[правіць | правіць зыходнік]
Да ўдзелу ў конкурсе запрашаюцца выканаўцы эстраднай песні, якія маюць досвед канцэртных выступаў і якія заявілі пра сябе сваімі поспехамі ў нацыянальных музычных конкурсах і фэстах. Канкурсанты павінны мець рэкамендацыі ад дзяржаўных міністэрстваў і ведамстваў культуры (абавязкова для краін СНД), прадзюсарскіх цэнтраў, музычных студый, музычных тэле-, радыёпраграм, дырэкцый музычных фэстаў і конкурсаў. Узрост канкурсантаў павінен быць ад 18 да 31 года. Папярэдні адбор удзельнікаў ажыццяўляе «Дзяржаўная ўстанова Цэнтр культуры „Віцебск“» на аснове афіцыйных заявак, творчых рэкамендацый, аўдыё- і відэаматэрыялаў, прадстаўленых на конкурс. Да ўдзелу ў конкурсе дапускаюць па аднаму выканаўцу ад краіны-ўдзельніцы. Усяго ў конкурсе могуць браць удзел не больш за 21 выканаўца.
Конкурс праводзіцца на сцэне Летняга амфітэатра ў Віцебску і доўжыцца 2 дня. Парадак выступлення выканаўцаў звычайна вызначаецца лёсаваннем, якое праходзіць напярэдадні першага конкурснага дня, і з’яўляецца нязменным і ў другім туры. Для канкурсантаў падрыхтоўка да конкурсу пачынаецца загадзя, у Мінску, на базе Нацыянальнага канцэртнага аркестра Рэспублікі Беларусь пад кіраўніцтвам Міхаіла Фінберга.
Конкурс мае два этапы, кожны праходзіць у асобны дзень. У першы дзень канкурсант павінен выконваць эстрадную песню кампазітара краіны і на мове краіны, якую прадстаўляе канкурсант у суправаджэнні фанаграмы «мінус адзін» (правіла ўведзена ў 1993 годзе). Запіс дапаможнага голасу (бэк-вакалу) дапушчальны ў тым выпадку, калі ён не дублюе асноўны голас (меладычную лінію) і не замінае праслухоўванню выканаўца. Фанаграма забяспечваецца непасрэдна канкурсантам ці канкурсанткай. У другі дзень выконваецца песня кампазітара з славянскай краіны на адной з моў славянскай моўнай групы ў суправаджэнні Нацыянальнага канцэртнага аркестра Беларусі пад кіраўніцтвам Міхаіла Фінберга. Працягласць гучання песні ў кожны з дзён павінна быць не больш за чатыры хвіліны. За доўгую гісторыю правядзення конкурсу этапы часам мянялі месцамі, але правілы конкурсу для выканаўцаў амаль што не змяняліся і сталі традыцыйнымі.
У 2003, 2004 і 2014 гадах праграма складалася з паўфіналу і фіналу, які складаўся з двух дзён.
Міжнароднае журы[правіць | правіць зыходнік]
Міжнароднае журы фармуецца Дырэкцыяй фэсту на кантрактнай аснове з ліку папулярных выканаўцаў эстраднай песні, кампазітараў, паэтаў, менеджараў, прадзюсараў, журналістаў, грамадска-палітычных дзеячаў, прадстаўнікоў творчай інтэлігенцыі, якія маюць міжнароднае прызнанне і спрыяюць папулярызацыі ідэй фестывалю. Члены журы не павінны з’яўляцца менеджарамі ці прадзюсарамі ўдзельнікаў конкурсу. Колькасць членаў журы ад года на год мянялася: максімальная колькасць членаў журы была ў 1992 і 1993 гадах — 15 чалавек, мінімальная колькасць — 10 чалавек. Журы ацэньвае канкурсантаў па 10-бальнай сістэме, з пэўнай умовай не ацэньваць ніжэй за 4 бала. У 1994 годзе падчас галасавання старшыня журы Мішэль Легран ацэньваў канкурсантаў па 5-бальнай сістэме, у той час як астатнія сябры журы — па 10-бальнай. Галасаванне членаў журы адбываецца па заканчэнні выступу кожнага канкурсанта ў кожны дзень конкурсу. Вынікі галасавання адлюстроўваюцца на тэлевізійных экранах.
Ацэнкі журы падсумоўваюць балы за два тура конкурсу і па выніках выяўляюць уладальнікаў Гран-пры, першай, другой і трэцяй прэміі. Па ўмовах конкурсу журы мае права не ўручаць Гран-пры, калі немагчыма вызначыць удзельніка, які падыходзіць паводле патрабаваных крытэрыяў для ўручэння прэміі. За ўсю гісторыю конкурсу такое здаралася толькі ў 1992, 1994 і 2017 гадах[2]. Журы мае права дзяліць прэмію (акрамя Гран-пры і першай прэміі) у роўных долях паміж дзвюма канкурсантамі, якія набралі роўную колькасць балаў ці з невялікай розніцай балаў (да 2-х балаў).
У розныя гады старшынямі журы былі Уладзімір Мулявін, Мішэль Легран, Ігар Лучанок, Ала Пугачова, Марыа Марэна, Анатоль Ярмоленка, Рыкарда Качантэ.
Пераможцы і лаўрэаты[правіць | правіць зыходнік]
Найбольш паспяховымі сярод удзельнікаў конкурсу былі прадстаўнікі Беларусі — 7 Гран-пры, а таксама Югаславіі і Украіны, якія атрымлівалі перамогу 5 разоў. Тройчы Гран-пры конкурсу атрымлівалі выканаўцы з Расіі і Казахстана.
Сярод небеларускіх удзельнікаў конкурсу найбольшых поспехаў дасягнулі Марыя Навумава з Латвіі і Руслана з Украіны, якія рабіліся пераможцамі конкурсу Еўрабачанне ў 2002 і 2004 гадах адпаведна. Вялікую папулярнасць у сваіх краінах і Еўропе атрымалі Жэлька Ёксімавіч з Сербіі, Ташэ Праескі і Бобі Майсоскі з Македоніі, Таісія Павалій з Украіны, а таксама Данатас Монтвідас з Літвы.
Пераможцы і лаўрэаты міжнароднага конкурсу «Віцебск»[3]:
| Год | Гран-пры | Першая Прэмія | Другая прэмія | Трэцяя прэмія |
|---|---|---|---|---|
| 1992 | не прысуджаўся |  Олэкса Берэст |
.svg){kind=small} Андрэй Хлястоў Іна Афанасьева Сабіна |
Тарас Жыцінскі Моніка Ростэк Ігар Шышоў
|
| 1993 | Таісія Павалій |
Вадзім Азарх |
.svg){kind=small} Ліліяна Ранчыч |
Андрэй Шпак
|
| 1994 | не прысуджаўся | Мілан «Шчэпа» Шчэпавіч |
Аляксандр Панамароў |
.svg){kind=small} Тэона
|
| 1995 | Філіп Жмахер |
Наталля Магілеўская |
Тэймураз Боджгуа |
 Тоні Чакыраў Вольга Прадзіна
|
| 1996 | Руслана Лыжычка |
 Хакан Сулейман Азкая |
Мая Каркарашвілі |
Таццяна Анісімава
|
| 1997 | Святлана Слаўкавіч |
Вольга Сяргеева |
 Вольга Жалудова |
Інеш Кдырава
|
| 1998 |  Рафаэль Даган |
Таня Банянін |
Вікторыя Дземянчук |
Яўгенія Уласава Радасціна Колева Эва Улязлоўска
|
| 1999 | Жэлька Ёксімавіч |
Ірына Дарафеева |
Яўгенія Чобіч Караліна Гочава |
Дыяна Гурцкая Кася Станкевіч
|
| 2000 | Ташэ Праескі |
 Нэлі Чабану Аляксандра Рахманькова |
 Вардуі Варданян Марыян Навіна |
Алеся Азнобіна
|
| 2001 | Тэона Дольнікава |
Дзмітрый Качароўскі |
Зоран Шандораў Каці Карнай |
Нато Метанідзэ Барыс Рэжак
|
| 2002 | Зікі |
Дзяніс Барканаў Тамара Гачэчыладзэ |
Тодар Георгіеў Аляксандра Кірсанава |
Наталля Падольская Елена Гуляева
|
| 2003 | Максім Сапацькоў |
Надзея Трохін |
Уладзімір Аўчароў Елена Тамашэвіч |
Сяргей Дземянчук Ігар Вукоевіч
|
| 2004 | Пётр Ялфімаў |
Яўген Гор |
 Маржан Арапбаева |
Родзіка Новак
|
| 2005 | Паліна Смолава |
Мар’ян Стаянаскі |
Гюнэш Шай |
Наталля Валеўская Эмілія Валенці
|
| 2006 | Аксана Багаслоўская |
Наталля Гардзіенка |
Аляксей Гоман |
Карынэ Асіран Чыкс
|
| 2007 | Наталя Краснянска |
Георгій Калдун Нушка |
 Аліна |
 Ана Міленкавіч Себасцьян Плявіньскі
|
| 2008 |  Данатас Монтвідас |
Віталь Гардзей Лена Валеўская |
 Надзіко |
Пламен Патаў Уладзіслаў Лявіцкі
|
| 2009 | Дзмітрый Даніленка |
Паша Парфеній |
Андрэй Коласаў Улатка Лазанаскі |
Еранімус Мілюс Пятро Дмітрычэнка
|
| 2010 |  Дамір Кеджа |
Лаша Рамішвілі |
Анаіт Шахбазян Іна Воранава |
Дзінара Султангаліева Дзяніс Вяршэнка Ёцэ Панаў
|
| 2011 | Алена Ланская |
Уладзімір Квасніця |
Рута Дэвід Дэйл |
Алішэр Карымаў Крысціна Скарлат
|
| 2012 | Бобан Майсоскі |
 Саманта Ціна |
Галіна Конах |
Федэрыка Марынары Славіна Калканджыева
|
| 2013 | Міхал Качмарэк |
Сабрына Кунштэк |
Яўген Андрыянаў Арчыл |
Крысці Аляксандр Салаўёў
|
| 2014 |  Радрыга де ла Кадэна |
Віталіэ Нэгруца |
Вераніка Дораш Дына Елушыч |
Дыана Голбі Мархаба Сабіева
|
| 2015 | Дзімаш Кудайберген[4] |
Валерыя Грыбусава |
Мікалай Манолаў |
Сафі Ганна Цвердаступ
|
| 2016 | Аляксей Грос[5] |
Адам |
Элеанора Век’ё Анна Адабеску |
Андрыа Гвілісіані Ганна Цімафей
|
| 2017 | не прысуджаўся | Улад Сытнік[6] |
Ягор Шаранкоў |
Невена Божавіч
|
| 2018 | Марчэл Рошка[7] |
Ернар «Амрэ» Садырбаеў |
Міла Ніціч |
Яўген Курчыч Сільвія Зэлек
|
| 2019 | Адыльхан Макін[8] |
Георгій Путкарадзэ |
Ілай Альмані Ваня Зданюк
|
Іван Дзятлаў Дзмітры Бабак
|
| 2020 | Раман Волазнеў[9]
|
Эліна Івашчанка
|
Караліна Лында
|
Хансултан Івона Адзіцкі
|
| 2021 | Рухія Байдукенава[10]
|
Ірына Арсеніевіч
|
Данііл Мышкавец Рэната Шціфель
|
 Тофік Гаджыеў Івана Марыя Багова
|
| 2022 | Ганна Трубяцкая[11]
|
Марта Верэк’я
|
Дзмітрына Германава
|
 Бек Ісраілаў
|
| 2023 | Маша Мнджаян[12]
|
Самір Ёльчыеў
|
Agape
|
Куралай Мейрамбек
|
Міжнародны дзіцячы музыкальны конкурс «Віцебск»[правіць | правіць зыходнік]
З 1996 года падчас Славянскага Базара ў Віцебску праходзіў Міжнародны конкурс дзіцячых шоу-праграм, які пасля стаў звацца Міжнародным конкурсам дзіцячых канцэртных праграм. Міжнародны дзіцячы музыкальны конкурс «Віцебск» стаў заменай апошняму з 2003 года.
Фармат дзіцячага конкурсу[правіць | правіць зыходнік]
Паводле афіцыйнай фармулёўкі, мэтай конкурсу з’яўляецца папулярызацыя дзіцячай музычнай творчасці, выяўленне юных таленавітых выканаўцаў, актывізацыя стварэння новых сучасных твораў для дзяцей і юнацтва, выхаванне мастацкага густа і павагі прафесіяналізму, адраджэнне найлепшых традыцый эстраднага жанру. Да ўдзелу ў конкурсе дапускаюцца дзеці ва ўзросце ад 7 да 12 гадоў уключна, якія маюць досвед канцэртных выступаў.
Конкурс звычайна складаецца з двух конкурсных выступаў, якія праходзяць у два дні, і гала-канцэрта. У першы дзень конкурсу ўдзельнікі выконваюць песню кампазітара краіны і на мове краіны, якую прадстаўляе канкурсант. У другі дзень выконваецца эстрадная песня па выбары канкурсанта, якая найлепш адлюстроўвае выканальніцкае майстэрства і артыстычныя здольнасці канкурсанта. Асноўным патрабаваннем да песень з’яўляецца адпаведнасць дзіцяча-юнацкай тэматыцы, сугучнасць з узростам і светапоглядам выканаўцы. Пераможца конкурсу робіцца ўладальнікам Гран-пры і Залатой Ліры.
Пераможцы і лаўрэаты дзіцячага конкурсу[правіць | правіць зыходнік]
Найбольшы поспех сярод удзельнікаў дзіцячага конкурсу маюць прадстаўнікі Румыніі, якія 4 разы рабіліся ўладальнікамі Гран-Пры, з іх 3 гады запар, і Беларусі з 5-цю гран-пры. Тройчы перамагалі на конкурсе ўдзельнікі з Расіі. Сярод беларускіх пераможцаў конкурсу Ксенія Сітнік і Андрэй Кунец, якія пасля паспяхова прадстаўлялі Беларусь на дзіцячым Еўрабачанні. Шмат, хто з удзельнікаў з іншых краін таксама прымалі ўдзел у дзіцячай версіі Еўрабачання пасля ўдалых выступленняў у Віцебску.
.jpg)
Пераможцы міжнароднага дзіцячага музыкальнага конкурсу «Віцебск»:
| Год | Пераможца |
|---|---|
| 2003 | Ноні Разван Энэ
|
| 2004 | Раман Грычушнікаў
|
| 2005 | Ксенія Сітнік
|
| 2006 | Катажына "Кася-Бэла" Меднік
|
| 2007 | Андрэй Кунец
|
| 2008 | Лара1
|
| 2009 | Марыя Крысціна Крэчун
|
| 2010 | Марыа Галатану
|
| 2011 | Ралука-Элена Урсу
|
| 2012 | Марыям Бічашвілі
|
| 2013 | Персіяна Дзімітрава
|
| 2014 | Анастасія Багінская[13]
|
| 2015 | Луіза Нуркуатава[14]
|
| 2016 | Настасся Гладзіліна[15]
|
| 2017 | Марыя Магільная[16]
|
| 2018 | Аляксандр Балабанаў[17]
|
| 2019 | Ксенія Галецкая[18]
|
| 2020 | Ангеліна Ламака[19]
|
| 2021 |  Комнен Вукавіч[20]
|
| 2022 | Елісей Касіч[21]
|
| 2023 | Шэрхан Арыстан[22]
|
- Заўвагі
- ↑ — Армянская выканаўца Луара Айрапецян прадстаўляла на конкурсе 2008 года Расію пад псеўданімам Лара.
Зноскі[правіць | правіць зыходнік]
- ↑ Пастанова Міністэрства культуры РБ аб Міжнародным фестывалі мастацтваў "Славянскі базар у Віцебску"(недаступная спасылка). Архівавана з першакрыніцы 21 чэрвеня 2010. Праверана July 26, 2013. (руск.)
- ↑ Гран-при конкурса "Витебск-2017" не присуждался, первая премия у украинца (руск.). www.belta.by (17 ліпеня 2017). Праверана 15 верасня 2023.
- ↑ Лаўрэаты міжнароднага конкурса выканаўцаў эстраднай песні "Віцебск"(недаступная спасылка). Архівавана з першакрыніцы 30 кастрычніка 2011. Праверана July 29, 2013. (руск.)
- ↑ Найлепшым славянскім спеваком стаў казах. Праверана July 14, 2015.
- ↑ Гран-пры на «Славянскім базары» атрымаў беларус Аляксей Грос. Праверана July 19, 2016.
- ↑ Першы прыз «Віцебска» дастаўся ўкраінцу з Луганска. Праверана July 18, 2017.
- ↑ Музычны конкурс на «Славянскім базары» выйграў рэгент царквы з Бухарэста. Праверана August 3, 2018.
- ↑ Гран-пры «Славянскага базару» прысудзілі прадстаўніку Казахстана. Праверана March 10, 2020.
- ↑ Гран-пры «Славянскага базара» атрымаў беларускі выканаўца з песняй на словы Багдановіча. Праверана July 20, 2020.
- ↑ Гран-пры "Славянскага базару" атрымала прадстаўніца Казахстана. Праверана July 19, 2021.
- ↑ Дзве перамогі — у Беларусі! У Віцебску адбылося маштабнае закрыццё «Славянскага базару». Праверана February 10, 2023.
- ↑ Гран-пры конкурсу маладых выканаўцаў на "Славянскім базары ў Віцебску" заваявала Маша Мнджаян. Праверана July 19, 2023.
- ↑ Украінка Анастасія Багінская стала пераможцай дзіцячага конкурсу «Віцебск-2014». Праверана July 13, 2014.
- ↑ Луіза Нуркуатава з Казахстана заваявала Гран-пры дзіцячага музычнага конкурсу "Віцебск-2015"(недаступная спасылка). Архівавана з першакрыніцы 2 жніўня 2015. Праверана July 13, 2015.
- ↑ Расіянка Настасся Гладзіліна заваявала Гран-пры дзіцячага музычнага конкурсу "Славянскага базару"(недаступная спасылка). Архівавана з першакрыніцы 19 ліпеня 2016. Праверана July 19, 2016.
- ↑ Беларуска Марыя Магільная перамагла ў дзіцячым конкурсе на «Славянскім базары». Праверана July 18, 2017.
- ↑ Сталі вядомыя імёны пераможцаў XVI Міжнароднага дзіцячага музычнага конкурсу "Віцебск-2018"(недаступная спасылка). Архівавана з першакрыніцы 18 верасня 2020. Праверана August 3, 2018.
- ↑ Ксенія Галецкая заваявала Гран-пры дзіцячага конкурсу на "Славянскім базары ў Віцебску"(недаступная спасылка). Архівавана з першакрыніцы 17 жніўня 2020. Праверана March 10, 2020.
- ↑ Гран-пры дзіцячага конкурсу «Славянскага базару» заваявала Ангеліна Ламака". Праверана July 20, 2020.
- ↑ Гран-пры дзіцячага конкурсу "Славянскага базару" заваяваў Комнен Вукавіч з Чарнагорыі(недаступная спасылка). Архівавана з першакрыніцы 19 ліпеня 2021. Праверана July 19, 2021.
- ↑ Дзве перамогі — у Беларусі! У Віцебску адбылося маштабнае закрыццё «Славянскага базару». Праверана February 10, 2023.
- ↑ Гран-пры ў Казахстана, другое месца ў Беларусі. Як размеркаваліся месцы дзіцячага конкурсу "Віцебск". Праверана July 19, 2023.
