Ліў Ульман

Ліў Ульман
Дата нараджэння	16 снежня 1938(1938-12-16)[…] (81 год)
Месца нараджэння	Токіа, Японія
Грамадзянства	Нарвегія  Швецыя
Дзеці	Linn Ullmann[d]
Прафесія	пісьменніца, кінарэжысёр, сцэнарыст, аўтабіёграф, кінаактрыса, тэлеакцёр, тэлерэжысёр, тэатральны акцёр, актрыса
Узнагароды	Medal of honor Dag Hammarskjold[d] (1985) прэмія «Даностыя»[d] (2007) South Trøndelag county Culture Award[d] (2001) Telenor Culture Award[d] (2009) Arts Council Norway Honorary Award[d] (1997) Oslo City Culture Award[d] (2012) Trondheim Municipality Culture Award[d] (1987) The Amanda Committee's Honorary Award[d] (1992) Peer Gynt Literary Award[d] (1973) Q19360313? (2008) прэмія Чатырох свабод[d] Еўрапейская кінапрэмія за еўрапейскія дасягненні ў сусветным кінематографе (2004)
IMDb	nm0880521
Ліў Ульман на ВікіСховішчы

Ліў Ёхана Ульман (нарв.: Liv Johanne Ullmann; нар. 16 снежня 1938, Токіа, Японія) — нарвежская актрыса. Набыла сусветную вядомасць дзякуючы сваім ролям у фільмах Інгмара Бергмана і Яна Труэля.

Біяграфія

Ліў Ульман нарадзілася ў Токіа, вырасла ў Канадзе, вучылася акцёрскаму майстэрству ў Лондане, працавала ў тэатры Ставангера, а пазней грала ў Нацыянальным тэатры ў Осла. Яе зорка ўзышла ў 1966 годзе, калі яна знялася (разам з Бібі Андэрсан) у адным з найвялікшых фільмаў Інгмара Бергмана — «Персона» — у ролі Элізабет Фогелер, актрысы, якая замаўчала падчас спектакля і адмовілася размаўляць увогуле.

Да гэтага фільма Ліў Ульман знялася ў пяці нязначных нарвежскіх і адным шведскім фільмах. Дзякуючы «Персоне» Ульман атрымала ролі ў амерыканскіх рэжысёраў. Пасля здымалася ў многіх фільмах рэжысёра Інгмара Бергмана, ад якога нарадзіла дачку, якая стала вядомай у Швецыі журналісткай. Неаднаразова намінавалася на прэмію «Оскар» за лепшую жаночую ролю.

Акрамя працы з Бергманам, Ліў Ульман грала на Брадвеі і ў Галівудз велізарную колькасць роляў у п’есах Генрыка Ібсена. У 1977 годзе выйшла яе аўтабіяграфія «Змены».

У 1980-я гады Ліў Ульман занялася рэжысурай, яе фільмы ўдастоены шматлікіх прэмій. У 1995 годзе экранізавала раман-эпапею нарвежскай пісьменніцы-нобелеўскага лаўрэата Сігрыд Унсет «Крысцін, дачка Лаўранса».