Масакра (фільм)

Масакра
Масакра;
Жанр	містычны трылер; меладрама
Рэжысёр	Андрэй Анатолевіч Кудзіненка;
Сцэнарыст	Аляксандр Качан
У галоўных; ролях	Святлана Генадзеўна Зелянкоўская; Паліна Сыркіна[d];
Аператар	Павел Зубрыцкі
Кампазітар	Алег Хадоска
Кінакампанія	Беларусьфільм
Працягласць	100 хв.
Бюджэт	Br5 млрд
Краіна	Беларусь; БССР;
Мова	руская, беларуская і польская
Год	2010
IMDb	ID 2165975

«Масакра» — беларускі містычны трылер, зняты ў 2010 годзе рэжысёрам Андрэем Кудзіненкам на Нацыянальнай кінастудыі «Беларусьфільм».

Дзея «Масакры» адбываецца на беларускіх землях у 60-я гады XIX стагоддзя, пасля жорсткага задушэння паўстання Кастуся Каліноўскага 1863—1864 гадоў. За сцэнарную аснову ўзята навела «Локіс» Праспэра Мерымэ пра мядзведзя-пярэваратня і матывы старабеларускіх легенд^[2].

Збольшага фільм здымалі ў палацава-паркавым комплексе Святаполкаў-Чацвярцінскіх у мястэчку Жалудок (Шчучынскі раён, Гродзенская вобласць).

Назва

Слова «Масакра» (англ.: massacre; ням.: Massaker; фр.: massacre) з'яўляецца запазычаннем з англійскай мовы і мае сінанімічнае значэнне са словамі «кровапраліцце», «забойства», «разня», «вынішчэнне», «бойня»^[3].

Паводле словаў галоўнага рэжысёра аднайменнага фільму Андрэя Кудзіненка:

Масакра — гэта азначае «крывавая бойка», што было заўсёды на тэрыторыі Беларусі, ва ўсе часы. Заўсёды партызаншчына, акупацыя… Тэрыторыя крыві тут была заўсёды. І вось такая метафара — барацьбы і за зямлю, і за каханне. Заўсёды ўсе фільмы — пра любоў: любоў да жанчыны, любоў да зброі^[4].

Сюжэт

У 60-я гады XIX стагоддзя на Беларусі (у Паўночна-Заходнім краі Расійскай імперыі) жорстка задушана нацыянальнае паўстанне. Усталёўваецца атмасфера страха і смутку, радавыя маёнткі пераходзяць да новых уладальнікаў.

Мастак і авантурыст з Санкт-Пецярбургу Мікалай Казанцаў з мэтай зарабіць грошай на адукацыю ў Італіі прыяжджае пад выглядам навукоўца ў таемны маёнтак старажытнага графскага роду Пазуркевічаў каталагізаваць рэдкую бібліятэку. Граф Уладзімір рыхтуецца да шлюбу. У маёнтку збіраюцца госці, прычым у кожнага ёсць свай прэтэнзіі да гаспадара. Пры гэтым Ганна, нявеста графа Уладзіміра Пазуркевіча, аказваецца каханкай Казанцава.

Акцёрскі склад

Дзмітрый Мілер — граф Уладзімір Пазуркевіч
Андрэй Назімаў — Мікалай Казанцаў, мастак-авантурыст
Марыя Курдзяневіч — Ганна, нявеста пярэваратня, каханая авантурыста
Аляксандр Кашпераў — Ілья Фаміч Белазёрскі, генерал
Святлана Зелянкоўская — памешчыца Астроўская
Аляксандр Колбышаў — святы айцец

Гісторыя стварэння

Першапачаткова здымкі фільму мусілі адбывацца сумесна з польскімі і расійскімі кінавытворцамі ў Польшчы, але з-за эканамічнага крызісу рэжысёр фільму Андрэй Кудзіненка быў вымушаны адмовіцца ад гэтай ідэі^[5]. Новай пляцоўкай для кіназдымкаў стала вёска Жалудок у Шчучынскім раёне Гродзенскай вобласці. Як адзначае мастак-пастаноўшчык Артур Клінаў, маёнтак Чацвярынскіх у Жалудку быў абраны пасля наведвання больш за дзясятак аб'ектаў па ўсёй краіне^[6]. Стваральнікам фільму нават прыйшлося часткова ўмацоўваць будынак^[4]. Дадатковым здымачным месцам таксама стала вёска Грушаўка Ляхавіцкага раёна^[7]. Большая частка стужкі здымалася ў лістападзе — снежні 2009 года^[8].

Зноскі

↑ Алексей Вайткун. Кинорежиссер Андрей Кудиненко: Не люблю мертвого кино! (руск.). TUT.BY (25 лютага 2011).(недаступная спасылка)
↑ ^а ^б Первый белорусский фильм ужасов "Масакра" будет презентован 7 ноября на кинофестивале "Лістапад" (руск.). belta.by (22 кастрычніка 2010).
↑ МАСАКРА в словаре иностранных слов (руск.). Словарь иностранных слов (22 кастрычніка 2010).
↑ ^а ^б Андрэй Кудзіненка: Тут заўсёды была тэрыторыя крыві (нявызн.). Культура. Радыё «Свабода» (22 лютага 2012).
↑ Екатерина Морголь. Бульба-хоррор: медведь Степан и партизанский рай (нявызн.). OPEN.BY (22 кастрычніка 2010).(недаступная спасылка)
↑ Раман Тумашык. Дэкарацыі да беларускага фільма жахаў робяць з саломы (нявызн.). Рэпартажы. Еўрапейскае радыё для Беларусі (22 лютага 2012).(недаступная спасылка)
↑ Руслан Горбачев. Ужас, ужас, ужас (руск.)(недаступная спасылка). Салідарнасць (22 кастрычніка 2010). Архівавана з першакрыніцы 13 студзеня 2010. Праверана 5 снежня 2014.
↑ Кінастудыя «Беларусьфільм» прадставіла «бульба-хорар» «Масакра» (нявызн.). Беларускае Радыё Рацыя (22 кастрычніка 2010).(недаступная спасылка)

[1] Алексей Вайткун. Кинорежиссер Андрей Кудиненко: Не люблю мертвого кино! (руск.). TUT.BY (25 лютага 2011).(недаступная спасылка)

[belta-2] а ^б Первый белорусский фильм ужасов "Масакра" будет презентован 7 ноября на кинофестивале "Лістапад" (руск.). belta.by (22 кастрычніка 2010).

[3] МАСАКРА в словаре иностранных слов (руск.). Словарь иностранных слов (22 кастрычніка 2010).

[ch-4] а ^б Андрэй Кудзіненка: Тут заўсёды была тэрыторыя крыві (нявызн.). Культура. Радыё «Свабода» (22 лютага 2012).

[5] Екатерина Морголь. Бульба-хоррор: медведь Степан и партизанский рай (нявызн.). OPEN.BY (22 кастрычніка 2010).(недаступная спасылка)

[6] Раман Тумашык. Дэкарацыі да беларускага фільма жахаў робяць з саломы (нявызн.). Рэпартажы. Еўрапейскае радыё для Беларусі (22 лютага 2012).(недаступная спасылка)

[7] Руслан Горбачев. Ужас, ужас, ужас (руск.)(недаступная спасылка). Салідарнасць (22 кастрычніка 2010). Архівавана з першакрыніцы 13 студзеня 2010. Праверана 5 снежня 2014.

[8] Кінастудыя «Беларусьфільм» прадставіла «бульба-хорар» «Масакра» (нявызн.). Беларускае Радыё Рацыя (22 кастрычніка 2010).(недаступная спасылка)

[1]

[2]

[3]

[4]

[5]

[6]

[7]

[8]

Фільмы Андрэя Кудзіненкі
Мастацкія	Бітва пяці ваярстваў (2002) • Акупацыя. Містэрыі (2004) • Розыгрыш^[ru] (2008) • Масакра (2010) • Hard Reboot (2014) • Хронотопь #375 (2015)
Дакументальныя	Планета XX (2000) • Фанат (2017) • Валянцін Вінаградаў, альбо беларускае кіно, якога няма (2018)