Старыя могілкі (Пінск)
Старыя могілкі | |
---|---|
![]() | |
52°07′37″ пн. ш. 26°05′22″ у. д.HGЯO | |
Размяшчэнне | |
Краіна | |
Вобласць | Брэсцкая вобласць |
Месцазнаходжанне | Пінск |
![]() |
Старыя могілкі — самы стары і вядомы некропаль Пінска. Могілкі ўключаюць у сябе каталіцкія, праваслаўныя, яўрэйскія, агульнагарадскія і воінскія пахаванні, на іх пахаваны беларускія і польскія рэлігійныя, культурныя і грамадска-палітычныя дзеячы. Цераз могілкі ідзе вуліца Спакойная.
Гісторыя[правіць | правіць зыходнік]
![](http://upload.wikimedia.org/wikipedia/commons/thumb/2/2d/Pinsk._%D0%9F%D1%96%D0%BD%D1%81%D0%BA_%281921-39%29._%D0%A1%D1%82%D0%B0%D1%80%D1%8B%D1%8F_%D0%BC%D0%BE%D0%B3%D1%96%D0%BB%D0%BA%D1%96.jpg/220px-Pinsk._%D0%9F%D1%96%D0%BD%D1%81%D0%BA_%281921-39%29._%D0%A1%D1%82%D0%B0%D1%80%D1%8B%D1%8F_%D0%BC%D0%BE%D0%B3%D1%96%D0%BB%D0%BA%D1%96.jpg)
Першыя пахаванні на могілках адносяцца да пачатку XIX стагоддзя. Каталіцкія і праваслаўныя пахаванні дзяліў праезд, які стаў пазней часткай вуліцы Спакойнай. Некаторыя надмагіллі і агароджы XIX — пачатку XX стагоддзяў выкананы на высокім мастацкім узроўні з каштоўных матэрыялаў і прадстаўляюць мастацтва пінскіх скульптараў, разьбяроў па камені, ліцейшчыкаў і кавалёў.
![](http://upload.wikimedia.org/wikipedia/commons/thumb/1/13/Pinsk%2C_Spakojnaja%2C_Maci_Bo%C5%BEaj_Balesnaj._%D0%9F%D1%96%D0%BD%D1%81%D0%BA%2C_%D0%A1%D0%BF%D0%B0%D0%BA%D0%BE%D0%B9%D0%BD%D0%B0%D1%8F%2C_%D0%9C%D0%B0%D1%86%D1%96_%D0%91%D0%BE%D0%B6%D0%B0%D0%B9_%D0%91%D0%B0%D0%BB%D0%B5%D1%81%D0%BD%D0%B0%D0%B9_%28J._Zialinski%2C_1921%29.jpg/220px-Pinsk%2C_Spakojnaja%2C_Maci_Bo%C5%BEaj_Balesnaj._%D0%9F%D1%96%D0%BD%D1%81%D0%BA%2C_%D0%A1%D0%BF%D0%B0%D0%BA%D0%BE%D0%B9%D0%BD%D0%B0%D1%8F%2C_%D0%9C%D0%B0%D1%86%D1%96_%D0%91%D0%BE%D0%B6%D0%B0%D0%B9_%D0%91%D0%B0%D0%BB%D0%B5%D1%81%D0%BD%D0%B0%D0%B9_%28J._Zialinski%2C_1921%29.jpg)
На могілках месціўся драўляны касцёл Маці Божай Балеснай, пабудаваны ў 1820 годзе. На пачатку 1980-х гадоў ён згарэў. На пляцы на месцы былога касцёла ўсталяваны крыж, каля якога штогод вернікі збіраюцца 1 лістапада на супольную малітву[1].
У 1823 годзе пабудавана драўляная праваслаўная царква ў стылі класіцызму[2], якая існавала да 1980-х гадоў. Далейшы лёс невядомы, захаваліся дзве мураваныя калоны ганка.
Пахаванні[правіць | правіць зыходнік]
На могілках пахаваны прадстаўнікі вядомых родаў Агінскіх, Бутрымовічаў, Ордаў, Скірмунтаў, маці вядомага польскага журналіста Рышарда Капусцінскага, маці архітэктара Івана Жалтоўскага, бацькі біскупа Пінскай дыяцэзіі Казіміра Букрабы.
На могілках месцяцца рускія і нямецкія пахаванні перыяду Першай сусветнай вайны, польскія гарнізонныя пахаванні.
Вядомыя асобы[правіць | правіць зыходнік]
- Вітольд Данілевіч-Чачот (1846—1929) — ксёндз пралат, прафесар.
- Уладзімір Рыгоравіч Канарэеў (1915—1973) — Герой Савецкага Саюза (1945).
- Гартэнзія з Ордаў (1808—1894) — сястра Напалеона Орды, жонка Аляксандра Скірмунта.
- Дзмітрый Міхайлавіч Мінееў (1916—1954) — Герой Савецкага Саюза (1945).
- Герман Іванавіч Пучкоў (1923—1981) — Герой Савецкага Саюза (1946).
- Леан Святаполк-Мірскі (1871—1925) — ксёндз пралат, пробашч пінскай катэдры і генеральны вікарый Пінскай дыяцэзіі.
- Гелена Скірмунт (1827—1874) — беларуская мастачка і скульптар.
- Казімір Скірмунт (1824—1880) — уласнік маёнткаў Калоднае і Рухча
- Канстанцыя Скірмунт (1852—1933) — беларуская публіцыстка, гісторык.
- Генавефа з Пуслоўскіх (1852—1936), дачка графа Вандаліна Пуслоўскага, жонка віленскага губернскага правадыра дваранства Адама Плятэра-дэ-Броэль
- Іосіф Гдалевіч Бернштэйн (1904—1966) — удзельнік рэвалюцыйнага і нацыянальна-вызваленчага руху ў Заходняй Беларусі.
- Галерэя
-
Помнік Сільвіі Нелюбовіч-Тукальскай, перыяд Першай сусветнай вайны
-
Помнік Сільвіі Нелюбовіч-Тукальскай, 2021 г.
-
Магіла Гелены Скірмунт
-
Помнік у частцы нямецкіх вайсковых пахаванняў
-
Магіла Аляксандра Бутрымовіча
Зноскі
- ↑ Вуліца Спакойная: старадаўнія могілкі горада на Піне
- ↑ 1241. Царква на могілках // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1984. — Брэсцкая вобласць. — С. 296. — 368 с., іл.
Спасылкі[правіць | правіць зыходнік]
На Вікісховішчы ёсць медыяфайлы па тэме Старыя могілкі (Пінск)