Паліна Пятроўна Смолава

З пляцоўкі Вікіпедыя
Перайсці да: рух, знайсці
Паліна Смолава
Поўнае імя

Смолава Паліна Пятроўна

Дата нараджэння

3 верасня 1980(1980-09-03) (37 гадоў)

Месца нараджэння

Мінск, БССР, СССР

Краіна

Беларусь
Расія

Прафесіі

Спявачка

Жанры

Поп-музыка

Узнагароды

Гран-пры на Славянскім базары-2005

polinasmolova.ru

Палі́на Смо́лава (нарадзілася 3 верасня 1980 года ў Мінску) — беларуская і расійская спявачка, прадстаўніца Беларусі на конкурсе Еўрабачанне-2006 з песняй Mum (Мама).

Біяграфія[правіць | правіць зыходнік]

Паліна Смолава нарадзілася 3 верасня 1980 года ў Мінску. Яе кар'ера пачалася з удзелу ў дзіцячых фальклорных калектывах. Паліна спявала ў дзіцячым фальклорным тэатры «Госціца», у ансамблі беларускай народнай песні «Жавараначкі». Спявачка скончыла музычную школу па класе фартэпіяна, музычнае вучылішча імя Глінкі, аддзяленне сольнага народнага спеву Беларускага дзяржаўнага ўніверсітэта культуры і мастацтваў. Была кіраўніцай дзіцячага ансамбля беларускай народнай песні «Цернічка». Артыстка Моладзевага тэатра эстрады, салістка аркестра ГУУС Мінгарвыканкама. Мае званне прапаршчыка.

Летам 2005 года Паліна Смолава заваявала Гран-пры на конкурсе маладых выканаўцаў міжнароднага фестываля «Славянскі базар 2005»

У 2006 брала актыўны ўдзел у агітацыйнай кампаніі Аляксандра Лукашэнкі на прэзідэнцкіх выбарах, выступаючы на канцэртах «За Беларусь!».

У ліпені 2007 займае чацвёртае месца на конкурсе «Новая волна» у Юрмале.

У 2008 і 2012 гадах становіцца фіналісткай расійскага адбора на Еўрабачанне.

З 2011 года Паліна Смолава пачынае самастойную дзейнасць, у тым ліку піша ўсе песні. Вынікам гэтай працы стаў чацвёрты ў яе дыскаграфіі і першы аўтарскі альбом «С чистого листа...» (2013).

Асабістае жыццё[правіць | правіць зыходнік]

У 2008 годзе пераязджае да мужа ў Маскву. Мае дачку Руслану.

Дасягненні і ўзнагароды[правіць | правіць зыходнік]

  • Дыпламант і ўладальніца спецыяльнай прэміі Міжнароднага конкурсу «Мальвы - 2001» (Польшча)
  • Лаўрэат Першага рэспубліканскага конкурсу беларускай народнай песні «Галасы радзiмы» (2002)
  • Лаўрэатка Міжнароднага конкурсу песні ў Маскве (2002)
  • Дыпламант Міжнароднага конкурсу патрыятычнай песні ў Санкт-Пецярбургу (2002)
  • Уладальніца Першай прэміі на Міжнародным фестывалі «Галасы Еўропы» (2003)
  • Уладальніца Гран-пры конкурсу маладых выканаўцаў «Славянскі базар» (2005)

У 2005 годзе атрымала ганаровае званне «Мінчанка года». Па выніках галасавання «Тэлепартацыі-2005» (Першай музычнай прэміі рэспублікі) Паліна Смолава названа «Экспрэсіяй года».

Выступ на Еўрабачанні[правіць | правіць зыходнік]

10 лютага 2006 года былі названыя імёны трох фіналістаў рэспуліканскага адборачнага туру міжнароднага конкурсу песні «Еўрабачанне-2006». Імі сталі Паліна Смолава з песняй «Мама», Алена Грышанава з кампазіцыяй «You Can't Stop This Dance» і гурт «Лявоны» з песняй «Come back». Фінал беларускага туру «Еўрабачання-2006» прайшоў 24 лютага 2006 года. У гэты дзень журы вызначыла афіцыйнага прадстаўніка ад Беларусі на песенным форуме. На «Еўрабачанні-2006» выступіла Паліна Смолава. Песня, з якой яна выступала, была напісана спецыяльна для еўрапейскага конкурсу кампазітарам Сяргеем Сухамліным і паэтам Андрэем Касцюгавым. Суправаджаў выступ Паліны танцавальны балет Сяргея Епіхава. Конкурсныя строі для артысткі распрацаваў беларускі дызайнер Іван Айплатаў.

Смолава не прайшла ў фінал Еўрабачання, заняўшы 22 месца з 23.

Дыскаграфія[правіць | правіць зыходнік]

  • Smile (2005)
  • Сайт одиночества (2006)
  • Пять слов о любви (2009)
  • С чистого листа… (2013, першы аўтарскі альбом)
Папярэднік:
Анжаліка Агурбаш
EuroBielorrusia.svg
Беларусь на конкурсе песні Еўрабачанне

2006
Пераемнік:
Дзмітрый Калдун

Спасылкі[правіць | правіць зыходнік]