Алена Міхайлаўна Ланская

З пляцоўкі Вікіпедыя
Jump to navigation Jump to search
Алена Ланская
Alyona Lanskaya, ESC2013 press conference 09 (crop).jpg
Асноўная інфармацыя
Поўнае імя Алена Міхайлаўна Ланская
Дата нараджэння 7 верасня 1985(1985-09-07) (33 гады)
Месца нараджэння Магілёў, Беларусь
Краіна Сцяг Беларусі Беларусь
Альма-матар
Музычная дзейнасць
Прафесіі
Жанры Поп-музыка
Узнагароды Заслужаная артыстка Рэспублікі Беларусь; першыя прэміі конкурсаў «Сарандэў-2008» (Балгарыя); «Кубак Еўропы-2009» (Расія); пераможца Міжнароднага конкурсу маладых выканаўцаў папулярнай музыкі «Atlantic Breeze-2010» (ЗША); лаўрэат конкурсу маладых музыкантаў «Маладыя таленты Беларусі» (Першы нацыянальны канал Беларускага радыё); лаўрэат I ступені конкурсу маладых выканаўцаў моладзевай песні V Міжнароднага фестывалю «Моладзь — за Саюзную дзяржаву» (Расія); «Гран-пры» на муз. конкурсе «Славянскі базар 2011».
Алена Ланская ў сетцы (руск.) 
Commons-logo.svg Выявы на Вікісховішчы

Алена Ланская, сапраўднае імя Алена Міхайлаўна Ляпохіна[1][2] (нар. 7 верасня 1985, Магілёў, Беларусь) — беларуская спявачка, Заслужаная артыстка Рэспублікі Беларусь. Удзельніца конкурсу эстраднай песьні Еўрабачанне 2013 з песняй «Solayoh». Лаўрэат музычных конкурсаў «Сарандзеў-2008» (Баўгарыя); «Кубак Еўропы-2009» (Расія); пераможца Міжнароднага конкурсу маладых выканаўцаў папулярнай музыкі «Atlantic Breeze-2010»; лаўрэат конкурсу маладых музыкантаў «Маладыя таленты Беларусі» (Першы нацыянальны канал Беларускага радыё); лаўрэат I ступені конкурсу маладых выканаўцаў маладзёжнай песні V Міжнароднага фестывалю «Моладзь — за Саюзную дзяржаву» (Расія). У ліпені 2011 года на конкурсе маладых выканаўцаў эстраднай песні «Віцебск-2011», які праходзіць у рамках міжнароднага фестывалю мастацтваў «Славянскі базар», заваявала «Гран-пры».

Біяграфія[правіць | правіць зыходнік]

У дзяцінстве любімай забавай будучай артысткі былі канцэрты на даху гаража на дачы бацькоў — Міхаіла Аляксандравіча і Валянціны Іванаўны. У першым класе дзяўчынка з моцным голасам ўжо давала сольныя канцэрты, спявала ў школьным хоры. У старэйшых — выступала з многімі калектывамі, на дзіцячых дыскатэках. У 15 гадоў ездзіла выступаць на рэспубліканскае свята ўраджаю «Дажынкі» (Шклоў).

Скончыла Магілёўскі эканамічны прафесійна-тэхнічны каледж па спецыяльнасці «Банкаўская справа» і Беларуска-Расійскі ўніверсітэт, па спецыяльнасці «Фінансы і крэдыт». У час вучобы працягвала выступаць, прымала ўдзел у розных гарадскіх і нацыянальных конкурсах. Пасля аднаго з канцэртаў ёй параілі звярнуцца ў прадзюсарскі цэнтр «Спамаш». Там яна працавала з аўтарамі над рэпертуарам, займалася з педагогам па вакале, харэографам.

У 2005 г., яна прыняла ўдзел у праекце тэлеканала АНТ «Песня года Беларусі-2005», які праходзіў у рамках Міжнароднага фестывалю мастацтваў «Славянскі базар у Віцебску». Атрымала перамогу ў тэлепраекце канала АНТ «Срэбны грамафон» (па выніках галасавання гледачоў песня Алены Ланской «Цішэй-цішэй» была прызнана лепшай на працягу некалькіх тыдняў).

Першы яе кліп быў створаны ў 2008 г. на песню «Падарыў мне світанак» на тэлеканале «ЛАД».

У траўні 2008 г. артыстка атрымала дыплом I ступені Еўрапейскага музычнага конкурсу «Сарандзеў» (г. Добрыч, Балгарыя), дзе выканала песні «Імёны» (муз. і сл. Е. Алейніка) і «Don't Lie» (В. Кандрусевіч, Я. Чарнушэвіч). Праз год, у траўні 2009-га, Алёна Ланская заваявала першае месца Міжнароднага конкурсу «Кубак Еўропы-2009» (Расія). А ў сакавіку 2010 года спявачка стала ўладальнікам радыёпрэміі «Залатое вуха» за кампазіцыю «Supersensual love» (гурт «White Russia»).

У чэрвені 2009 г. на тэлеканалах Беларусі з'явіўся яе другі кліп на песню «Everybody Get Up» (Е. Алейнік, В. Рудэнка). Песня «Everybody Get Up» 10 тыдняў трымалася ў хіт-парадзе радыё «Юністар».

7 лістапада 2009 Алена Ланская прайшла ў фінал Міжнароднага конкурсу выканаўцаў «Atlantic Breeze-2010» на адборы, які праходзіў у Мінску. У траўні 2010 года, прадстаўляючы Рэспубліку Беларусь на гэтым творчым спаборніцтве, якое праходзіла ў Нью-Ёрку (ЗША), выйграла яго.

8 сакавіка 2010 выйшаў яе першы сольны альбом — «Лабірынты лёсу» (ТДА «Вестрэкардс-плюс»), у які ўвайшлі песні на рускай, беларускай і англійскай мовах.

У красавіку 2010 года спявачка стала лаўрэатам конкурсу маладых музыкантаў «Маладыя таленты Беларусі» у намінацыі «Эстрадны вакал», які праводзіў Першы нацыянальны канал Беларускага радыё з лістапада 2009 па красавік 2010 год

У маі 2010 года на беларускіх тэлеканалах з'явіўся трэці відэакліп спявачкі на песню «Life is Ok!» (Е. Алейнік, В. Рудэнка).

У верасні 2010 года Алёна Ланская стала лаўрэатам I ступені конкурсу маладых выканаўцаў маладзёжнай песні на V Міжнародным фестывалі «Моладзь — за Саюзную дзяржаву» (Растоў-на-Доне, Расія).

Удзел на «Еўрабачанне 2013»[правіць | правіць зыходнік]

У канцы 2012 года спявачка прыняла ўдзел у адборачным туры да конкурсу песні «Еўрабачанне 2013» (які адбыўся 14-18 мая 2013 года ў шведскім горадзе Мальме).

7 снежня 2012 года, па выніках нацыянальнага адборачнага тура міжнароднага песеннага конкурсу (які адбыўся ў Белтэлерадыёкампаніі), стала вядома, што Алёна Ланская прадставіць Беларусь на «Еўрабачанні-2013» у Швецыі.

У сакавіку 2013 было абвешчана, што на Еўрабачанні Алёна Ланская выступіць у першым паўфінале 14 мая з песняй «Solayoh», напісанай еўрапейскімі аўтарамі Маркам Пелинком і Марцінам Кінгам, і запісанай у лонданскай студыі Abbey Road.

У паўфінале Алёна Ланская выступіла пад нумарам адзінаццаць і прайшла ў фінал, які адбудзецца 18 мая. Алёна стала трэцяй выканаўцай Беларусі, якая прайшла ў фінал конкурсу «Еўрабачанне».

Зноскі

Спасылкі[правіць | правіць зыходнік]


Папярэднік:
Litesound
EuroBielorrusia.svg
Беларусь на конкурсе песні Еўрабачанне

2013
Пераемнік:
ТЕО

Шаблон:Славянскі базар у Віцебску