Піралюзіт

Піралюзіт
Формула	MnO2
Сінгонія	ортаганальная
Колер рысы	чорны да бакітнавата-чорнага
Бляск	металічны
Празрыстасць	непразрысты
Цвёрдасць	2—6,5
Спайнасць	дасканалая
Злом	няроўны
Шчыльнасць	4,7—5,08 г/см³

Піралюзі́т — мінерал падкласа простых аксідаў, дыаксід марганцу (IV), MnO₂.

Уласцівасці

Крышталізуецца ў ортаганальнай сінгоніі. Добра сфарміраваўшыяся крышталі сустракаюцца рэдка. Утварае агрэгаты, зямлістыя масы. Цвёрдасць 2—6,5 па шкале Моаса. Шчыльнасць 4,7—5,08 г/см³. Крохкі. Валодае паўправадніковымі і п’езаэлектрычнымі ўласцівасцямі. Раствараецца ў салянай кіслае.

Радовішчы

Буйныя радовішчы маюцца ў Бразіліі, Грузіі, Індыі, ПАР. Сустракаецца ў асацыяцыі з браўнітам, гаўсманітам, гематытам, гётытам, галандытам, манганітам, кальцытам, раданітам, радахразітам, сідэрытам і інш.

Выкарыстанне

Піралюзіт з’яўляецца сыравінай на марганец. Выкарыстоўваецца ў вытворчасці перманганата калію, солі марганцу, шкла, керамікі, гальванічных элементаў, у лакафарбавай вытворчасці і інш.

Літаратура

• Пиролюзи́т // Большой энциклопедический словарь: В 2-х т. / Гл. ред. А. М. Прохоров. — М.: Сов. энциклопедия, 1991. — Т. 2. — С. 148. — 768 с. — 2 000 000 экз. — ISBN 5-85270-044-4 (т. 2.). (руск.)
• Горная энциклопедия / Под редакцией Е. А. Козловского — М.: Советская энциклопедия, 1984—1991. (руск.)
• Піралюзіт // Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — 576 с. — 10 000 экз. — ISBN 985-11-0035-8. — ISBN 985-11-0198-2 (т. 12). — С. 379.

Спасылкі

• Пиролюзит // Кристаллов.net. Систематика и классификация минералов, горных пород, метеоритов, окаменелостей (руск.)
• Пиролюзит // КаталогМинералов. Ru (руск.)
• Pyrolusite // mindat.org and the Hudson Institute of Mineralogy (англ.)
• Pyrolusite Mineral Data // Mineralogy Database (англ.)