Радзіма-маці (Кіеў)
| Помнік | |
| Радзіма-маці | |
|---|---|
| Батьківщина-мати | |
 | |
| 50°25′35″ пн. ш. 30°33′47″ у. д.HGЯO | |
| Краіна |
 Украіна |
| Горад | Кіеў |
| Архітэктурны стыль | сацыялістычны рэалізм |
| Скульптар | Яўген Віктаравіч Вучэціч |
| Архітэктар | Vasyl Borodai[d] |
| Вышыня | 62 м і 40 м |
| Матэрыял | сталь |
| Сайт |
warmuseum.kiev.ua (укр.) warmuseum.kyiv.ua/… (англ.) |
 |
|
 Медыяфайлы на Вікісховішчы | |
Радзіма-маці (укр.: Батьківщина-мати) — манументальная скульптура ў Кіеве на правым беразе Дняпра. Размешчана на тэрыторыі Музея гісторыі Украіны ў Другой сусветнай вайне. Адкрыта ў складзе музейнага комплекса ў 1981 годзе ў Дзень Перамогі. Комплекс адкрываў Генеральны сакратар ЦК КПСС Леанід Брэжнеў.
Праектаванне і будаўніцтва[правіць | правіць зыходнік]
Сталёвая скульптура такіх памераў у СССР выраблялася ўпершыню. Тэхналагічнае праектаванне і зборка ажыццяўляліся спецыялістамі Кіеўскага завода імя Парыжскай Камуны з улікам рэкамендацый выдадзеных інстытутам электразваркі імя Патона па зварцы элементаў з нержавеючай сталі асобнымі блокамі-секцыямі вагой 25-30 тон.
Першапачаткова меркавалася пакрыць манумент сусальным золатам, аднак пазней ад гэтай ідэі адмовіліся. Металічны каркас быў выкананы з нержавеючай сталі, выплаўленай ў Запарожжы. Сталёвую ашалёўку статуі зварылі спецыялісты Інстытута электразваркі імя Патона з лістоў памерам 50х50 см таўшчынёй 1,5 мм. Сумарная даўжыня швоў склала каля 30 км.
Над праектам статуі пачынаў працаваць вядомы ў СССР скульптар, аўтар падобнага манумента ў Валгаградзе — Яўген Вучэціч.
Першапачаткова меркавалася, што на пастаменце будзе ўзвышацца 80-метровая бронзавая з пазалотай фігура жанчыны. Ля падножжа статуі з 30-метровай вышыні павінен быў цячы ў Дняпро вадаспад, з абодвух бакоў якога воіны фарсіравалі раку. Пасля смерці Вучэціча працу ўзначаліў украінскі скульптар Васіль Барадай, пры якім кампазіцыя зведала значныя змены. Барадай распрацаваў праект, які быў рэалізаваны сумесна з Фрыдам Сагаянам і Васілём Вінайкіным, а таксама з архітэктарамі Віктарам Елізаравым, Георгіем Кіслым, Мікалаем Фешчанкам.
Тэхнічныя дадзеныя[правіць | правіць зыходнік]
- Вышыня скульптуры (ад пастамента да кончыка меча) — 62 метры.
- Агульная вышыня з пастаментам — 102 метры.
- У адной руцэ статуя трымае 16-метровы меч вагой у 9 тон, у другой — шчыт памерам 13 × 8 метраў з гербам СССР (вагой у 13 тон).
- Усё збудаванне — суцэльназварное і важыць 450 тон.
- Сам каркас пачынаецца на глыбіні 17,8 метраў (ад уваходу ў музей). На гэтую глыбіню сыходзіць бетонны калодзеж дыяметрам 34 метры.
