Старынкі (Віцебскі раён)

Вёска Старынкі Краіна Беларусь Вобласць Віцебская Раён Віцебскі Сельсавет Ноўкінскі Каардынаты 55°06′43″ пн. ш. 30°12′24″ у. д. Насельніцтва ▲16 чал. (2009) Часавы пояс UTC+3 Тэлефонны код +375 212 Аўтамабільны код 2 СААТА 2212870186 Старынкі на карце Беларусі ±

Стары́нкі (трансліт.: Starynki, руск.: Старинки) — вёска ў Віцебскім раёне Віцебскай вобласці. Уваходзіць у склад Ноўкінскага сельсавета. За 10 км на поўдзень ад Віцебска, 4 км ад чыгуначнай станцыі Мядзвёдка на лініі Віцебск — Орша.

Гісторыя

У 18 стагоддзі вёска ў Віцебскім ваяводстве ВКЛ. У 1770 годзе ў складзе маёнтка Белева ва ўладанні езуітаў. Пасля 1-га падзелу Рэчы Паспалітай у складзе Расійскай імперыі, у Віцебскім павеце Пскоўскай, з 1776 года Полацкай губерні. З 1796 года ў Беларускай, з 1802 года ў Віцебскай губерні. У 19 стагоддзі вёска ў складзе маёнтка Сялюты Віцебскага павета Віцебскай губерні. У 1905 годзе вёска мела 81 дзесяцін зямлі, адносілася да Ласосінскай сельскай грамады. У сакавіку 1924 года вернута ў склад БССР. З 20 жніўня 1924 года вёска ў Шумянскім сельсавеце Віцебскага раёна Віцебскай акругі (да 26 ліпеня 1930 года). У 1929 годзе створаны калгас імя Молатава. У 1936 годзе ў вёску пераселены жыхары вёсакВерацяі і Клетчына, у 1939 годзе — вёсак Ракава-1, Ракава-2 і Ціханяты. З 20 лютага 1938 года ў Віцебскай вобласці. У Другую сусветную вайну з сярэдзіны ліпеня 1941 года да канца чэрвеня 1944 года акупіравана нацысцкімі войскамі, якія спалілі 40 двароў, загубілі 6 мірных жыхароў, 15 жыхароў загінулі ў баях супраць гітлераўскіх захопнікаў на франтах вайны. Пасля вайны вёска адбудавалася часткова, колькасць жыхароў не дасягнула даваеннага ўзроўню. З 16 ліпеня 1954 года вёска ў Русакоўскім сельсавеце, з 22 снежня 1960 года — у Ноўкінскім сельсавеце. У 1969 годзе ў складзе калгаса «Світанне». У 2003 годзе ў складзе КСУП «Рудакова».

Насельніцтва

• 5 двароў, 44 жыхары (1785)
• 2 двары, 29 жыхароў (1905)
• 67 двароў, 308 жыхароў (1926)
• 40 двароў, 206 жыхароў (1941)
• 31 двор, 72 жыхары (1969)
• 11 гаспадарак, 72 жыхары (2000)
• 7 гаспадарак, 10 жыхароў (2018)

Літаратура

• Гарады і вёскі Беларусі: Энцыклапедыя. Т. 10: Віцебская вобласць, кн. 2 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2019. — 728 с.: іл. — 1 000 экз. — ISBN 978-985-11-1126-4.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх