Хамішчава

Вёска Хамішчава Краіна Беларусь Вобласць Віцебская Раён Віцебскі Сельсавет Ноўкінскі Каардынаты 55°05′55″ пн. ш. 30°02′04″ у. д. Насельніцтва ▼40 чал. (2009) Часавы пояс UTC+3 Тэлефонны код +375 212 Аўтамабільны код 2 СААТА 2212870196 Хамішчава на карце Беларусі ±

Хамі́шчава (трансліт.: Chamiščava, руск.: Хомищево) — вёска ў Віцебскім раёне Віцебскай вобласці. Уваходзіць у склад Ноўкінскага сельсавета. За 18 км на паўднёвы захад ад Віцебска, 9,5 км ад чыгуначнай станцыі Мядзвёдка на лініі Віцебск — Орша.

Гісторыя

У 18 стагоддзі вёска ў Віцебскім ваяводстве ВКЛ. У 1770 годзе ў складзе маёнтка Цялятнікі ва ўладанні касцёла. Пасля 1-га падзелу Рэчы Паспалітай у складзе Расійскай імперыі, у Віцебскім павеце Пскоўскай, з 1776 года Полацкай губерні. З 1796 года ў Беларускай, з 1802 года ў Віцебскай губерні. У 19 стагоддзі вёска ў Шчэрбінскай воласці Віцебскага павета Віцебскай губерні. У 1905 годзе вёска мела 221 дзесяцін зямлі, адносілася да Аніськаўскай сельскай грамады. У сакавіку 1924 года вернута ў склад БССР. З 20 жніўня 1924 года вёска ў Рудакоўскім сельсавеце Віцебскага раёна Віцебскай акругі (да 26 ліпеня 1930 года). У 1929 годзе створаны калгас «Шлях сацыялізму». У 1936 годзе ў Хамішчава пераселены жыхары вёсак Ходанава і Ульянава. З 20 лютага 1938 года ў Віцебскай вобласці. У Другую сусветную вайну з сярэдзіны ліпеня 1941 года да канца чэрвеня 1944 года акупіравана нацысцкімі войскамі, якія знішчылі 65 двароў і 11 жыхароў, 7 жыхароў вывезлі на прымусовыя работы ў Германію, 32 жыхары загінулі ў баях супраць гітлераўцаў на франтах вайны. З 22 снежня 1960 года вёска ў Ноўкінскім сельсавеце. Вёска ў складзе ААТ «Рудакова».

Насельніцтва

• 13 двароў, 97 жыхароў (1785)
• 29 двароў, 259 жыхароў (1905)
• 67 двароў, 308 жыхароў (1926)
• 86 двароў, 418 жыхароў (1941)
• 62 двары, 209 жыхароў (1969)
• 44 гаспадаркі, 77 жыхароў (2003)
• 16 гаспадарак, 20 жыхароў (2018)

Літаратура

• Гарады і вёскі Беларусі: Энцыклапедыя. Т. 10: Віцебская вобласць, кн. 2 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2019. — 728 с.: іл. — 1 000 экз. — ISBN 978-985-11-1126-4.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх